1 SAMUELI 15:28 - Biblía Axweesantá Hhohho' ar Mungú 2004

²⁸ Samueli guri báy, «Laarí AAKOÓ MUNGÚ waawuti'iimarók dír múk Israeliro gaa feehhamiís, gari haniís dír inslaawmoowók, kudá' hhoó' ta kuunge.

1 SAMUELI 15:28 Iomraidhean Croise

2 SAMUELI 3:10

lo'ór wa /aáy dír Daudi ar waawuti'iima ngiwa warqeesi bartá Saulo wa ale, gari haniis bartá Daudi. Inós múk Israeli guri sawaawuti'ín nee múk Yudawo, iimír Danír wa tleemu ay Be'er-sheba.»

2 SAMUELI 3:18

Hamí kangwsíng huware' amór tsee/aá /awaákií ale. Asma AAKOÓ MUNGÚ Daudi ngwaa al'axweesantí báy, iwa kaahi, ‹Ar dákw sagadiyusmoeé' Daudiwo muk'eé' oo Israeli u tuú/ dír múk Filistiro, nee dír wakuuser'ín ar hatlae.› »

2 SAMUELI 3:9

Mungú aníng miwa gáwtí geexáy bar tidá' sleémeero aa dír Daudi bara boo/eesiiká,

2 SAMUELI 6:21

Daudi Mikali gari báy, «Aníng a dír geeraá AAKOÓ MUNGÚ i dirií', kudá' aníng iga tsawaar kitángw baabuúwók wa ale, nee múk do'ose, as iwa qaasi tawa heé úr daanduú múk Israeli wa ale, múk AAKOÓ MUNGÚ. Gawaá adoorihe aníng an ni/iím dír geeraá AAKOÓ MUNGÚ wa ale.

1 WAAWITÁ 11:11

Gawaá adoorihe AAKOÓ MUNGÚ Solomon guri báy, «Asma kuúng alqador'eé' kawa otká nee kaahir'eé' tidá' ugwa bawi, ar looeemaawo, aníng waawuti'iimar'eé' a /uútl, ngiri haniís dír sagadiyusmoowók.

1 QOM'I 10:14

nee adoodá' AAKOÓ MUNGÚ nguwa yaahasár ayká. Gawaá adoorihe, inós kway gaás nee AAKOÓ MUNGÚ, waawuti'iima kari haniís dír Daudi garmoó Yese.

YOBU 34:24

Múk /uureemaá koóm gun tsegiit sleeme gi ya/atideeliiká, múk hatlá' guri gawaá kiteeraá mukdá' i qaas.

DANIELI 4:17

Gaarí an sakwasleemadá' taa oó' nee malaykér Mungú, a gár taa oó' nee inooínaadá hhohho', as muu sleémeero umuú diiro kawa tsaahhi adór Munguú úr ir aleesleemuú kón daanduú waawuti'iima sleémeero ar muko, nee inós waawutmoó i slai gun tsawaar, tam heedaádá' liitlaákw kuduú alhhe'eesáy gun waawutmoó wá qaas.

DANIELI 4:32

Kuúng tu guus dír tla/ángw muko, tari alhotá' nee makaá baraá sla/a, nee gitso kari /ák adór awu har afi qoomoó kureeraá faanqwe. Ay dír kay tsahh adór Munguú úr ir waawuti'ii'ín baraá waawuti'iimár muko nee waawuti'iima gan haniis dír heedaádá' inós i slai.»

Yohana 19:11

Yesu iri oó', «Kuúng aleesleemuú ta koon daanduueene i kaahh bar geera Mungú ngwa kuúng i haniisiiká. Ala heé aníng iga dabaawók i qaas, tlakweemaawós ki ak ur.»

Tlehhema'aá ya/Abuuse 13:22

Aluudae Mungú Saulo guri hingeés, Daudi guri qaás tawa waawutmooín. Daudiwí a kudá' Mungú aa lamabu'ún iwa kaahi, ‹Aníng Daudi ugwa ár, garmoó Yese. Inós a heé muunaáeé' gwa qwal/atis. Slám inós an kudá' sla'aarir'eé' sleémeero ga tleéhh.›

Rumi 13:1

Umuúqo heewo geeraharuusér serikaáli ngi ilaiwawa/i, asma aleesleemuú amór Mungú dahhaaká i kaahh, nee aleesleemuudá' dáw kuna hara'ayín nee Mungú.

1 SAMUELI 13:14

Ala hamí waawuti'iimarok i hotká. AAKOÓ MUNGÚ hee gwaa leeleéhh oo muunaáwose aa slaá'. AAKOÓ MUNGÚ heewí gwa tsawaár tawa heé úr baraá mukose. Asma kuúng axweesantadá' AAKOÓ MUNGÚ naa hara'ayín aga otká.»

1 SAMUELI 16:12

Yese hee guri ya/aaw, garmaadá' kunguri amor'íní huúw. Garmaadá' a heé slaqwa hhoó', ku ila hhohhó', slaqwatós ka tsataari hho'. AAKOÓ MUNGÚ iri oó', «Kwí an kudaádá', gím sihhiít iimbalaxeek di/to.»

1 SAMUELI 18:8

Saulo gura' guri óh, asma /ayma'aá daa'angwí, gawaá adoorihe, iri qa/iít kángw kilá' wa ale, iwa kaahi, «Daudi ngwa kumér mibaángwí hanisiyé', ala dir'eene gár naa hanisiyé' a kumuú wák kilós. Gár aa met daxta a milá a Daudi waawuti'iima gan slaykáhe?»

1 SAMUELI 25:30

AAKOÓ MUNGÚ kuúng una hhooeemií tleéhh adoodá' al'axweesantós ngira oó' diroge, nee uwa tsawaár tawa waawutmoó Israeli.