1 SAMUELI 15:20 - Biblía Axweesantá Hhohho' ar Mungú 2004

²⁰ Saulo Samueli guri báy, «Kángw loe aníng afór AAKOÓ MUNGÚ aga ilaiwaá/, gár naa tleéhh aqo tidá' tiwa ya/aáw nee AAKOÓ MUNGÚ. Agagi waawutmoó múk Amaleki nguna huúw, múk Amaleki ugwa hhamiís kángw kilae.

1 SAMUELI 15:20 Iomraidhean Croise

YOBU 33:9

‹Aníng ti daba' hhohhó', ti dakuús wásl, ti hhoohhoó' tlakweema iga tleehhiiká.

YOBU 34:5

Asma Yobu i kaahi, ‹Aníng ti dakuús wásl. Ala Mungú gana'amueé' guna sií'.

YOBU 35:2

«Kawa xu' gaarí an tlehhmuú ganaá'a? Kawa ga/eer an gan'amuwóge dír Munguhe.

YOBU 40:8

Kuúng kwasleemar'eé' gaasaro aqo asleéra? Áx dír aníng niwa dakuús ngi qoo sleéra nee ar kuúng tawa gana'?

Matayo 19:20

Masoomoodá' iri oó', «Tisíng sleémeero aga qaro óh, ala gár iga wa /aaruur a male milá?»

Luka 10:29

Ala heedá' tina kilós gan'amií harafaár, iri Yésú yaahaás, «Ahaá, inslaawmooeé' a heemá?»

Luka 18:11

«Heé Farisayo ina sihhiít, iri adoorír firín kilós alé, ‹Mungú, án kuúng u sluufmiís, asma aníng a adór múk hatlaeeká, a adór fisuuseerooká nee adór al/aymuuseerooká nee adór fuquuseerooká, laqaá a adór ohomusmoowú koódirooká.

Rumi 10:3

Asma inooín gan'amuuduú amór Mungú daáhh ngu xuiaaká. Inooín gan'amuuín ngun kilooín leelehhiitiyá'. Gawaá adoorihe inooín taa qaasi'iiká baraá gan'amuuduú amór Mungú daáhh.

1 SAMUELI 15:13

Samueli iri daqáy amór Saulo, Saulo iri oó', «AAKOÓ MUNGÚ u tsuuqi daxta aníng hara'ayár AAKOÓ MUNGÚ aga boo/eés.»

1 SAMUELI 15:3

Tláw múk Amaleki tsu/eek, nee muruuín sleémeero oo taqo kona hhaamiiseek, tam panmo sleeme miwa meét, /ameena nee hhawaateewo tsu/eek, mindiwa meetiyé', nee sleeme tam na/ii nee qaweerowo, hikwa nee bee/aango, angamía nee daqwaayeero sleémeero qororo'ooseek.› »

1 SAMUELI 15:8

Agagi waawutmoó múk Amaleki guna slafi óh, ala múk hatlá' sleémeero guna hhaamiís ar paánga.

1 SAMUELI 28:18

As kuúng afór AAKOÓ MUNGÚ kawa ilaiwa/ká, tam buhhtaawós iga boo/eská gawaá daanduú múk Amalekiro. An gár AAKOÓ MUNGÚ laarí usa kangwsí tleéhh.