1 SAMUELI 15:13 - Biblía Axweesantá Hhohho' ar Mungú 2004

¹³ Samueli iri daqáy amór Saulo, Saulo iri oó', «AAKOÓ MUNGÚ u tsuuqi daxta aníng hara'ayár AAKOÓ MUNGÚ aga boo/eés.»

1 SAMUELI 15:13 Iomraidhean Croise

IIMU/UUNGW 14:19

Inós Abramu guna tsuúq, iri oó', «Abrámu, kuúng tu tsuuqi nee Munguú Gáwtí dirií', tleehharusmoó doori nee yaamu,

IIMU/UUNGW 3:12

Adam iri oó', «/Ameenidá' kuúng na hanís tawa alhootaan, inós maamár xa'anoowí ngina hanís, ngiri /aáy.»

2 SAMUELI 2:5

muu guri ya/aáw amór Yabesh-gileadi, as ya/abtoorí kawa ooár ay, kiwa bay, «AAKOÓ MUNGÚ kuungá' nu tsuuqi, asma ilaiwa/amerhúng aga laqaandé' dír Saulo, aakoohúng, as kuwa folé'.

AXWEESANOÓ SAGALOOA 27:2

Heé hatlá' kuúng u xirfayeesi ala a kuúng kilogeeká. Heé dahaaymo ala a afkogeeká.

AXWEESANOÓ SAGALOOA 28:13

Heé tlakweemaá lu/u/uúm amohhooa ga baloó slayká. Ala kudá' tlakweemaawós gaa gwadiidin giri máy tlehhtuuwo ku gurtláy.

AXWEESANOÓ SAGALOOA 30:13

Barakarka aga aandiiká, daara/aango in tawo gáwtí gú', Ala gár ta tsatsahhan i káhh.

AXWEESANOÓ SAGALOOA 31:31

Hameerós bu'utuuwo i hariín Nee gadiyeérós ka iia tleereesi umuú diiro.

Luka 17:10

Gawaá adoorihe kuungá' sleeme tidá' sleémeero tunda báy, tleehhamooro bara hhe'esé', ta oa', ‹Atén a lawaaleedá' gídaabár koomaaká. Aqo tidá' atén wa hariim ana tleehhaán.› »

Luka 18:11

«Heé Farisayo ina sihhiít, iri adoorír firín kilós alé, ‹Mungú, án kuúng u sluufmiís, asma aníng a adór múk hatlaeeká, a adór fisuuseerooká nee adór al/aymuuseerooká nee adór fuquuseerooká, laqaá a adór ohomusmoowú koódirooká.

HAR'OHUUSE 17:2

Looarka wake aayoorós gana báy, «Peésaadár kumuú wák nee tsiiru, tók tidá' taa fiís, kiíng heedaádá' kuri lu'ús, qoomaadae aníng a axamiís, ala aníng peésaadá' a koóm. Heé peésaadá' gaa taataahh a aníng.» Aayoorós iri ó', «Garmaaeé', kuúng AAKOÓ MUNGÚ u tsuuqi.»

RUTI 3:10

Boasi gari báy, «Kiíng AAKOÓ MUNGÚ i tsuuqi, dasir'eé'. Asma kiíng hhooeemaá ak ur iga tléhh ta kudá' taa tlehhi dír aayír hhawaatuuwógí alé. Asma tam masoomo ugwa eehatká oo narkutmo laqaá oo daqaarmo.

1 SAMUELI 13:10

Ilahhooadár da/a ngiwa sa adoorí wa hhe'eés haniisaro hé! Samueli naxés naa amoorqá' wa ti'iít. Saulo iri ti'iít nguwa al'ay nee nguwa taaqweesi.

1 SAMUELI 15:11

«Aga gwadidiím, asma Saulo nguwa waawutmoó wa qaás, asma inós aníng iga máy eeharto nee hara'ayar'eé' gaa boo/eesiiká.» Samueli iri buúhh, iri /aa/aá áy dír AAKOÓ MUNGÚ xweera sleémeero.

1 SAMUELI 15:20

Saulo Samueli guri báy, «Kángw loe aníng afór AAKOÓ MUNGÚ aga ilaiwaá/, gár naa tleéhh aqo tidá' tiwa ya/aáw nee AAKOÓ MUNGÚ. Agagi waawutmoó múk Amaleki nguna huúw, múk Amaleki ugwa hhamiís kángw kilae.

1 SAMUELI 15:9

Ala Saulo nee mukós Agagi kunguri slafi huúw, kwa gaasiiká, nee bee/ángw slaqo hhó', nee hikwaá slaqo hho' nee muruú wahhaara, nee deeloó bee/aango nee umuúqo gár slaqwahhooe, aa ya/aniká ngiwa hhaamisi. Ala muruuduú kangaa/a nee muruú slaqo tlákw, an kudá' taa hhaamiís.

1 SAMUELI 23:21

Saulo iri oó', «Kuungaásingá' aníng iga gurtleere' AAKOÓ MUNGÚ nu tsuuqi.

1 SAMUELI 25:14

Ala garmoó wák oo Nabali kaangwí guna saasaáhh dír Abigaili, harér Nabali, iri oó', «Qaytsiít, Daudi mukós guna ya/aáw amoodár xaanxáy wa ale as aakoorén nguwa taaqwesár aya'. Ala inós giri /oosliislín.