1 SAMUELI 15:12 - Biblía Axweesantá Hhohho' ar Mungú 2004

¹² Samueli matlaatlér boo/e iri ti'iít amór Saulo. Samueli kuri báy, «Saulo i Karmelír daahh, ga/aaweek, gár iinslaslaangw gaa sihhtís, iri waaraáhh Gilgali.»

1 SAMUELI 15:12 Iomraidhean Croise

IIMU/UUNGW 21:14

Abrahamu iri tláy matlaatlér boo/e, muruú /ayma nee quruuntlír ma'aá wahaangw gari haniís dír Hagari. Na/aay guri daanduú Hagari tseék, gari guús. Inós iri tleér, iri hi'iimít baraá xaanxoó Be'er-shebár wa alé.

2 SAMUELI 18:18

Qoomaadá' Absalomu iwa slafi, uhmo guna tleéhh, guri sihhtís baraá Xatstá Waawutmo, asma ina oó', «Aníng na/oó garma u koomaaká oo tlahhay'eé' gu tleés as tiwa inslaslay.» Uhmoowí guri umií tsaát ku bay, «Uhmoó Absalomu» ay laarí.

2 SAMUELI 23:35

nee Hesrawi, heé yaamaá Karmelír daáhh, nee Pa'arai, oo múk Arabi,

1 WAAWITÁ 18:42

Naagáy Ahabu iri tláy, /ayma nee wahaangw giri áy. Eliya iri tsa/án gawaá tloomár Karmeli nee iri xupuú' ay yaamu, gitsee/aawós giri dahaás baraá baraatla/ángw ya'aawós.

2 QOM'I 26:10

Inós sleeme baraá darmuuwo /aampu giri tleéhh, tlahheesaá yaariir giri foól, asma inós hikwaá yaariir gi kón baraá yaamaá goongoama nee baraá xatsowo. Inós doosla ga ló'wa slaa', muu guri qaás oo qamuuwós xuúm baraá yaamaá goongoamawo nee yaamuudá' wahhaara'a.

YOSHUA 15:55

Awa hatlá' a gixsadaá Maoni nee Karmeli, nee Sifu, nee Yuta,

1 SAMUELI 13:12

niri baraá muunaáeé' oó', ‹Múk Filisti i haratláy amor'eé' dír Gilgali, geeraá aleesleemuú AAKOÓ MUNGÚ ngura firimiiká.› Gawaá adoorihe ilahhooár da/a ngiri kilooeé' hara/akuút haniisaro.»

1 SAMUELI 13:15

Naagáy, Samueli iri tláy, iri waatláy Gilgalír wa ale tay Gibeár Benyamini. Saulo mukdá' nee inós dinkwár i diriiá' guri faár naxés a tsiire lahhoó'.

1 SAMUELI 17:20

Looaytleérose Daudi ina matlaatlér boo/ ti'iít, bee/aangw guna geexáy dír de'eemo. Muruú /aymaadá' taa oó' nee baabuúwós Yese guri huúw. Iwa hardáh dír xafayduú múk Israeli, gina harati'iít naxés ta slaaqw dír yaamuudaá slaqwarár wa ale ta uu'umín.

1 SAMUELI 25:2

Nee heeko wák i deer amoodár Maoniro. Heewí in halaanu'uumár tlehhahhiit Karmelír wa ale. A daqaarmo ló'wa ale, bee/ángw kume tám nee aaraá kumuú wák gi kón, inós i se'éngw bee/aangós tlaqaqaat gawaá tloomár Karmelír wa ale.

1 SAMUELI 7:12

Aluuwo Samueli tlaa/ano guri óh, guri sihhtís tla/ángw Mispa nee Sheni, umuuwós guri báy, Eben-eseri, iri oó', «Tam hamí AAKOÓ MUNGÚ taa alee/iís.»