1 SAMUELI 15:1 - Biblía Axweesantá Hhohho' ar Mungú 2004

¹ Samueli Saulo guri báy, «AAKOÓ MUNGÚ aníng ina amoorógí ya/aáw uwa iimbalaax ar di/i as kahhó' kuúng tawa waawutmoó múk Israeli, gimáy, daxta afór AAKOÓ MUNGÚ iiárií qaaseek.

1 SAMUELI 15:1 Iomraidhean Croise

2 WAAWITÁ 7:1

Elisha iri oó', «Axweesantá AAKOÓ MUNGÚ iiárií qaaseek, matlo qoomár adór tí baraaká gixsár Samariaro kílo tám ar puuruú hhohhó' oo angaáno ka weeriis ar shekeélír wák nee kílo lahhoó' ar shayiíri ka weeriis ar shekeélír wák.»

1 SAMUELI 10:1

Naagáy Samueli chupiito'ór di/i gari óh, gari tsiririxiís gawaá ságw Saulo, guri ma'aás, iri oó', «AAKOÓ MUNGÚ ugwa iimbalaáx ar di/i, as tawa geeraharusmoó mukós oo Israeli, nee kuwa ba/amis baraá dabaá wakuuser'ín wa ale. Layár kuúng kar tsahh adór AAKOÓ MUNGÚ ura di/tár iimbalaáx tawa geeraharusmo daanduú aalirose a tí,

1 SAMUELI 12:14

Barnaxés AAKOÓ MUNGÚ ugwa ilaiwa/é', nee kuri sagadiyusé', nee afoorós kari iiárií qasé', nee bar hara'ayár AAKOÓ MUNGÚ aga si'i'iiká, barnaxes kuungá' nee waawutmoó kuungá' nu sawaawuti'iím AAKOÓ MUNGÚ ugwa eehadé', daqaní kuungá' amohhooa a sleerá'.

1 SAMUELI 13:13

Samueli Saulo guri báy, «Adoosá naa tléhh ar barawaslaay, hara'ayár AAKOÓ MUNGÚ, Munguúwók aga otká kudá' ugwa hara'ayin, asma AAKOÓ MUNGÚ geera waawuti'iimarók ga gawdees gawaá daanduú múk Israeliro ay kureerisleém.

1 SAMUELI 9:15

Adór /isá'arose Saulo iwa dír Samueli hardihiiká, AAKOÓ MUNGÚ kaangwí guna geerií laqán dír Samueli,

1 SAMUELI 9:16

guna báy, «Matlo qoomár adór tihe heé yaamaá Benyaminír daáhh ngu huúw dirók, kuúng ku iimbaláx ar di/i, as kahhó' tawa geeraharusmoó muk'eé' kwí oo Israeli. Inós muk'eé' gu ba/amis baraá dabaá múk Filistiro, aníng slahh'amuú muk'eé' ugwa ár, asma /aa/eeín iga axaás.»