1 SAMUELI 14:6 - Biblía Axweesantá Hhohho' ar Mungú 2004

⁶ Naagáy Yonatan garmaadá' xooslaarós koóm guri báy, «Gimáy qwaláng mukwí taa al/utlinká u harawarahhaán baraá koo/ir'ínií ale, dooqa AAKOÓ MUNGÚ atén ti alee/iis, asma muu bar ku yaariír laqaá bar ku niiná, AAKOÓ MUNGÚ gu baqiiká mukós ba/amisaro.»

1 SAMUELI 14:6 Iomraidhean Croise

2 SAMUELI 1:20

Kaangwí ló' mu ooara' dír Gatiro. Tam ayeemaá Ashkeloniro sleeme mu ooara'. /Ameenár múk Filisti munguwa saqwalaalá/, dasuú múk taa hheehhe'eesiiká miwa baraá/.

2 SAMUELI 16:12

Hám wané', AAKOÓ MUNGÚ slahh'amueé' gwaa ár. Inós adoorí aníng tiwa lu'umisi laarí ngin buu' ar hhooeema.»

2 WAAWITÁ 19:4

Hamí sleeme i ya/aán AAKOÓ MUNGÚ gaa axaás axweesantá heedaádá' úr oo múk taa karmuumúy, kudá' tinda ya/aáw nee wawutmoó Ashuru, as aakoowós Munguúdá' slaáf nguwa /oosliislin. Doóqa AAKOÓ MUNGÚ, Munguúwók inós gu naanaaq as /aymi'iidá' aa axaás. Gawaá adoorihe mukók kwí aa meet aleefirimeek.› »

2 QOM'I 14:10

Asa iri tláy as nee inós tiwa doogiya'. Inooín tsaraawo tiri amohhe'eesiyé' baraá xatstá Sefata tidár iisaapoó Maresha.

2 QOM'I 14:11

Asa iri /aá/ dír AAKOÓ MUNGÚ, Munguúwós, iri oó', «Aá AAKOÓ MUNGÚ, diroge dimbé i káhh gár ta alee/iimis bar slaqwaruusér /uuruú koom laqaá ar daqatlakw. AAKOÓ MUNGÚ, Munguúrén, atén kuúng ti alee/is, asma atén kuúng ugwa harahhifaán, ar baraá umuuwoge atén naa slaqwarár awaán dír slaqwaruuseérí yaariir. Aá AAKOÓ MUNGÚ, kuúng an Munguúrén, ala kuúng ma ya/amaar nee hee tiwa tlampa'asa'.»

WARA'AMI 135:6

AAKOÓ MUNGÚ tidá' inós gwa sla'atis ga tleehh gawaá dooriwo, nee baraá yaamuwo, baraá tlawi nee iloowós sleémeero.

YEREMIA 9:23

AAKOÓ MUNGÚ i kaahi, «Heé sagaloó' mitiwa xirfayeemiís as sagalooarós, heé /uuruú koóm mitiwa xirfayeemiís as /uuruuwós, heé daqaarmo mitiwa xirfayeés as daqaari'iimarós.

YEREMIA 9:25

AAKOÓ MUNGÚ i kaahi, «Ga/aawaak, deelo ni hardát ar mukwí taa hheehhe'eés oo aníng i haratlintatiaaká nguwa sakwasleemuut, múk ni sakwasleemuut a kwí:

YEREMIA 9:26

Múk Misri nee oo Yuda, múk Edomu nee múk Amoni, nee múk Moabu nee kudá' sleémeero se'engw'ín deeqwaquuta, kudá' baraá xaanxoó hootá'. Asma tam xoorduuká' sleémeero kaa hheehhe'esiiká, aqo adór xoorór Israeli, tidá' baraá muner'ine taa hheehhe'eesiiká.»

AMOS 5:15

Tlehhma'aá tlakw aahhaak, awa hho' sla'aak, sakwasleemár gan'amu tleehhaak baraá tlahh'iihúng awa kwasleemaro. Doóqa AAKOÓ MUNGÚ, Munguú Aleesleemusmo guruuwós i tláy as panoó múk Yosefu.

SEFANIA 2:3

AAKOÓ MUNGÚ leelehhaak, kuungásingá' tsatsa'aren sleémeero awa yaamu. Kuungaádá' hara'ayaarós aga eehade', gan'amu leelehhaak. Ti niinawese', doóqa tundu gurtláy bál deelór buhhtaá AAKOÓ MUNGUHE.

SEKARIA 4:6

Aníng iri báy, «Gaarí an axweesantá AAKOÓ MUNGÚ ar aa oó' dír Serubabeli iwa kaahi, ‹Arba/ati a sleeraaká ar /uuruuwók, laqaá ar aleesleemuuwók kilós, ala an sleér ar /uuruú qeeruueé'.› Anuú AAKOÓ MUNGÚ Aleesleemusmo tí an káh.

FAARO 10:32

Slamí atén birta alkoomaán nee kuúng tidá' hhoo' AAKOÓ MUNGÚ ni atén i tleehhi an tidá' atén ni dirók i tleehhaan.»

FAARO 31:4

Umuúqo tlahhoó Israeliwo, múk baraá slaqwararií daqáw a kumuú wák.»

Matayo 19:26

Yesu eeharuuse gari i qaytsiít gari báy, «Dír muko adoosíng i ya/aandaaká, ala dír Munguhe umuúqo gaaro i ya/aán.»

Rumi 8:31

Ala ma ooaán gawaá daanduú tihe? Mungú bir bartarén i dirii', heé atén ti tlaampa'aás a heemá?

DABE 32:30

Xáy, heé wák múk kumuú wák adór ngur guusi? Nee múk tsár adór múk kumér mibaangw ngur baali, aqo inooín birka kwaáhh nee tlaa/ar'ín, barnaxes AAKOÓ Munguúín ga geexáy?

Filipi 3:3

Ala múk taa al/utlín a atén, ar al/utloodár ló'. Qeeruú Mungú atén ti gan'aamiis baraá sluufayrene. Atén tin xirfayeemisaán as Kristo Yesu kilós. Gár hatlá' ar ta haraxuaan i káhh ar tlehhema'aá tawo.

YOSHUA 14:12

Hamí daxta kuúng un firiím, yaamukaá tlom'i aníng i haniisang ar adoodá' AAKOÓ MUNGÚ ngira oó' baalaadae. Kuúng a xú' baalaadae múk Anaki baraaká' gana hoót, slám koo/ír gixsadu ka gawit. Barnaxes AAKOÓ MUNGÚ a dinkwa nee aníng, mukwí uqo tlatlahhaás ar adoodá' AAKOÓ MUNGÚ ngira oó'.»

HAR'OHUUSE 15:18

Naagáy iri ló'wa waxiít, AAKOÓ MUNGÚ guri firín, iri oó', «Aá Mungú, kuúng an kudá' ba/amarí ngaa hup, a loohír anuú sagadiyusmowók. Xáy, daxta i meéra niwa gwaa' ar waxe nee tiwa ar tlay nee múk Filisti kwí taa hheehhe'eesiiká.»

1 SAMUELI 14:5

Tlaa/e kina sihhtís bihhaá /iya geeraá Mikmashi, nee awa hatlá' bihhaá basa, amór geeraá Geba.

1 SAMUELI 14:7

Garmaadá' xooslár koóm iri oó', «Adoodá' sleémeero baraá muunaáwók i dirii' tleehheek, ga/aaweek, aníng nee kuúng a dinkwárí diriaán, muunaáeé' a adór kók.»

1 SAMUELI 17:26

Daudi mukdá' dír bihhiwósií tseéw guri yaahaás, «Xáy, heé heewuú múk Filisti ngwa gaas, nee oo múk Israeli ngwa tuu/ baraá murekesoó adór kwihe, heewí gár kwi tleehhi? Heewuú Filisti inós a heemá, bar sleeme an heé ta al/utliiká, iwa qiitli slawtá múk hhohhó' oo Mungú kudá' slaáf ngiwa adoorír niqin.»

1 SAMUELI 17:36

Anuú sagadiyusmoowók aga intsahhaám direeraá yaariir nee makaydá' ta bay duúbu tsu/utaaro. Hamí tam heeqaáquú Filisti oo taa al/utliiká, aníng aqo un adoorí laáq. Ga/aaweek inós slawtá múk Munguúdá' slaáf gan /oosliislín.»

1 SAMUELI 17:46

Laarí AAKOÓ MUNGÚ kuúng u baraá dabaaeé' qaas. Laarír kilae un yaamií daáhh, uri isa tsaát, tuaá slawtá slaqwara ar xoorór Filisti gwarsuú doori gari /aay, nee makaá sla/a, as kahhó' xoordu sleémeero ngiwa tsaahhiya' adór Munguú múk Israeli ir deér.

1 SAMUELI 17:47

Muu sleémeero laarí oo aa burumburiit gari tsaahh adór AAKOÓ MUNGÚ muu ngur ba/amisiiká ar lawlu nee paangadu. Asma slaqwara ar AAKOÓ MUNGÚ, inós kuungá' sleémeero nun dabaarénií qaas.»

1 SAMUELI 31:4

Saulo heewós kudá' xosluuwós kudaá slaqwarár loohiís guri báy, «Paángarók tisíng taatahheek, aníng mutáng, ni gwaá', mukqá' taa hheehhe'eesiiká ló' aníng miwa gaás ar paánga, iri niqín.» Ala heedaádá' xooslaarós loohiís gwaa qiitliiká, asma ina da'ayuút kángw kilá' wa ale. Saulo paángarós gari taataáhh, gari qoomeés gawaawós, gari harahuú'.