1 SAMUELI 14:45 - Biblía Axweesantá Hhohho' ar Mungú 2004

⁴⁵ Muu Saulo guri báy, «Xáy, Yonatan aqo in gwaái, kudá' arba/atír ur ngaa huuw baraá Israeliro? Tisíng i amoosií pa/ ar adoodá' AAKOÓ MUNGÚ ir daadeér, tam se'eemír wák ar sagós i baloó hu'ká yaamií ale, asma gadiyeérí gana tleéhh ar alee/isoó Mungú.» Gawaá adoriihe mukdá' Yonatan guri tuú/ baraá gwa'araro.

1 SAMUELI 14:45 Iomraidhean Croise

2 SAMUELI 14:11

/Ameenidá' guri beér, «Na'mamís waawutámo, alefirimáng dír AAKOÓ MUNGUHE, Munguúwók, as kudá' marmár bu'utá wa slaá', ar na/aay'eé' kudá' taa gaás inós dakúsár hatlá' ar ur mingiwa tleéhh, ar na/aay'eé' kuduú hatlá' nguwa gaasi.» Waawutmo Daudi gari báy, «Ar adoodá' AAKOÓ MUNGÚ ir daadeér, garmaawók gár gu aw i káhh, tam se'emirós ar wák i yaamií hu'ká.»

1 WAAWITÁ 1:52

Solomon iri oó', «Barnaxes aa heé hhoó' tleehhiít tam se'eemirós ar wák i yaamií hu'uká, ala tlakweema birnga tleéhh aqo in gwaa'.»

2 QOM'I 19:11

Ga/aawaak, Amaria kaahamusmoó úr oo Mungú, inós mura' sleémeero oo AAKOÓ MUNGÚ gun sagesihhimiit. Nee Sebadia garmoó Ishmaeli, ga/aawusmoó yaamaá Yuda, inós mura' sleémeero oo waawuti'iima gu sagesihhimiit. Múk tlahhoó Laáwi an geeraharuuserhúng. Mune hhe'eesé', nee AAKOÓ MUNGÚ ta dinkwa nee múk hhó'.»

NEHEMIA 9:27

Aluuwo kiri qás gawaá dabaá wakuuser'ín, wakuuser'ín giri slahh'eemís. Ala qoomár tawa baraá slahh'eemisií dirii'i, kuúng una i /aa/iyé', kiri iiárií qás iimír gawaá doorí wa alé. Nee ar gurtleemuuwók kudá' yaariire geeraharuusér inooín gi tuu/ gawaá dabaá wakuuser'ine kari hanís, kingiri tuú/ gawaá dabaá wakuuser'ine.

ISAYA 13:3

Aníng muk'eé' kudá' naa tsawaár ugwa ádbáw nee muk'eé' kuduú miguuse ugwa ateét, kudá' aníng i xirfayeesá' nee baraa/á', as kahhó' buhhtaaeé' ngiwa boo/eesiya'.

Matayo 10:30

Tam kuungá' sleeme se'éngw gawaá sagerhúng sleémeero kwaa faár.

Luka 21:18

Ala tam se'eemír wák ar gawaá sagerhúng ar tawo qwaar i káhh.

Tlehhema'aá ya/Abuuse 14:27

Qoomár tawa hardáh Antiokia, múk kríshaanáy kuri dinkwárí ateét, muruudá' sleémeero Mungú aa tleéhh ar inooín, kuri dir'íní alki/iít. Kiri ádbáy adór Mungú pa/aangw ngura haniís as múk xoordaá hatlá' sleeme iwa haratlintii'i.

Tlehhema'aá ya/Abuuse 15:12

Múk baraá dinkwadá' sleémeero iri xasliít, Barnaba nee Paulo kiri iiárií qamín. Inooín kángw layu nee muruú waa/oo/amo kuri alki/iít, kudá' Mungú aa tleéhh ar inooín tla/ángw xoordaá hatlá' wa ale.

Tlehhema'aá ya/Abuuse 21:19

Paulo laawa'eesaro ngiwa hhe'eés, kaangw sleémeero oo Mungú aa tlehhiít dír múk xoordu ar gadiyeérós guri dir'íní wakeetín alki/ituuwo.

Tlehhema'aá ya/Abuuse 27:34

Gawaá adoorihe án kuungá' nun harhhheehhe'eés, muruú /ayma /ayaak, asma an gár tar slafa'. Asma tam oo wák baraá tla/angwhunge, se'eemír sagós i qwatká.»

Rumi 15:18

Ala aníng gár ooaro ni qiitl i káhh daanduú gár hatlae, ala aqo har tidá' Kristo aa tleéhh kilós, ar loohír aníng, as múk xoordaá hatlá' nguwa amór Mungú i huwi, as inooín Mungú kuwa iialooeemisi. Gadiyeérí aníng ana tleéhh ar axweesani nee ar tlehhmi'i,

1 Korinto 3:9

Asma atén a sagadiyuuse, tidá' gadiyuus dinkwa nee Mungú. Kuungá' a qaymór Mungú, nee a doó Mungú.

2 korinto 6:1

Atén a gadiyuusaán dinkwa nee Mungú. Gawaá adoorihe atén kuungá' nu gurbu'uumaán sleeme, kuungá' tsuuqaá Mungú kudá' taa ilaoté' mi qwaareesara'.

Geehhoeemaá 17:14

Inooínaká' ta slaaqw nee Deelmoó bee/i. Ala Deelmoó bee/i inooín gi ar baa/, asma inós a Aakoó bariise, nee slám inós a Waawutmoó waawitá. Nee mukós kudá' taa ateét nee oo taa tsawaár nee oo inkihhím, inooín baali ngi slayá' dinkwa nee inós.»

Geehhoeemaá 19:14

Nee boo/oó gawaá doorí dirií' guri eehár, taa tsa/án gawaá farsuú /awák. Inooín inqwaruú kaa i tsiitimiís a inqwaruudá' /awák taa tleéhh ar kitaánír hhohho'.

1 SAMUELI 11:13

Ala Saulo iri oó', «Heé laarí ta gaasi i kaahh, asma laarí AAKOÓ MUNGÚ múk Israeli ngwaa tuú/.»

1 SAMUELI 14:23

Adoorí an adór baalaadae AAKOÓ MUNGÚ múk Israeli ngura tuú/. Baalaadae slaqwara ina kumít, iri waaráhh Bet-afeniro.

1 SAMUELI 14:46

Aluuwo Saulo múk Filisti guri máy eeharahaduwo, múk Filisti tari waátl ayaaín.

1 SAMUELI 19:5

Asma slafiingós guna tsaxwaá /aymiís qoomár Goliati nguwa gaás, AAKOÓ MUNGÚ múk Israeli sleémeero guna arba/atír urií haniís. Kuúng gaarií aga aán, kari saqwalaalá/. Ahaá waáy miti har tlakweemár eér, as tseerér Dauduú xaslxaansli wásl kawa ku'us, asma kuwa tawo gaasár wa sla'?»