1 SAMUELI 14:41 - Biblía Axweesantá Hhohho' ar Mungú 2004

⁴¹ Gawaá adoorihe Saulo iri oó', «Aá, AAKOÓ MUNGÚ, Munguú Israeli, a milá laarí sagadiyusmoowók mus mu/aywatská? Barnaxes tlakweema i baraaeé' laqaá i baraá garmaaeé' Yonatan, aá AAKOÓ MUNGÚ, Munguú Israeli laqaamang ar loohír tsawdo ar ta bay Urimu. Barnaxes tlakweema i baraá mukók oo Israeli laqaamang ar loohír tsawdo tidá' ta bay Tumimu.» Yonatan nee Saulo kiri uhín, ala muu iri /úy.

1 SAMUELI 14:41 Iomraidhean Croise

AXWEESANOÓ SAGALOOA 16:33

Muu tsawdo gan tleehh. Ala heé ta tsawaari a AAKOÓ MUNGÚ gun sláy.

AXWEESANOÓ SAGALOOA 18:18

Tsawdo múk ti tlaampa'amiís gu har'ót, kwasleemár waawituú ti tlampa'aamiís gan tsát.

YONA 1:7

Mukdá' baraá miringamoó wa gadiyuús tari kilooín axweés, tay káh, «Gimsé', tsawdo a tleehhaán as heewí slahh'amaayeerí tisa sleér nguwa slawaan.» Tsawdo kari tleéhh, ala naxés tsawdo Yona guri sleér.

Tlehhema'aá ya/Abuuse 1:24

Mungú kuri firín, tari oó', «Aáko, kuúng munér muu sleémeero a xú', dír mukwí tsare heé kuúng taa tsawát laqaamang,

Tlehhema'aá ya/Abuuse 1:26

Tsawdo kari tleéhh. Matiya kuri tsawaár, nee kuri harafaár tawa heé wák dír ya/abuuseedá' mibaá nee tsare.

1 SAMUELI 14:40

Saulo múk Israeli sleémeero guri báy, «Kuungá' bartá wák na awaak, aníng nee garmaaeé' Yonatan a bartá hatlá' an awaán.» Naagáy Saulo kuri báy, «Adór ta sla' na tleehheek.»

1 SAMUELI 14:42

Saulo iri oó', «Hamí tsawdimé' baraá tla/ángw án nee garmaaeene.» Tsawdo Yonatan guri sleér.