1 SAMUELI 14:36 - Biblía Axweesantá Hhohho' ar Mungú 2004

³⁶ Saulo iri oó', «Gimsé' múk Filisti u haramamahhataán qoomár xweeraawo kay /awa/awimaán ay dír iimí i /awakuur, tam panmoó wák masók u geexawanaaká.» Inooín kuri báy, «Adór ta sla' tleehheek.» Kaahamusmoó Mungú iri oó', «Gaarihe Mungú u ala firiimaán.»

1 SAMUELI 14:36 Iomraidhean Croise

WARA'AMI 73:28

Ala dir'eene Mungú nguwa i tseewúw a gár ló' wa hhoo', AAKOÓ MUNGÚ a dír guway'eé'. Aníng tlehhmi'iiwók sleémeero i lamabu'uúm.

ISAYA 58:2

Tam adoorihe umuú deelooro in i hardarahiyá' iwa firirina' nee loohir'eé' xu'utiro ngiwa slaiya', baré kwaáo' inooín an xoorór hota ganaa' nee ar dabér Munguúín gaa si'ká. Inooín aníng in slaiyá' kwasleema ngiwa adór ganaá' ar tsaat, nee kwaáo' Mungú nguwa i tseewuya' ngi slaiyá'.

YEREMIA 6:5

Naagáy daxta a haraatlawaán xweeraawo, maraá waawitá i hhaamisaán.»

MALAKI 2:7

Asma kaahamusmoó Mungú gár kuwa hariím a intsaahhatimisuú ló' gun harmagaahh, nee muu hara'aya gari dirós i lehhiit, asma inós tawa ya/abusmooeé', anuú AAKOÓ MUNGÚ Aleesleemusmo.»

FAARO 27:21

Yoshua, kaahamusmoó Mungú Eleasari guri yaahamiis sla'aarir'eene. Asma Eleasari sla'aarir'eé' ga tsaahh ar loohír tlaa/anoodá' ta bay Urimu. Ar loohír /aymuú Eleasari i slaya, Yoshua nee múk Israeli sleémeero ngin geeraharahaar qoomár bar ta darah, laqaá bar ta ti'imiit.»

Yakobo 4:8

Mungú i tseewuwaak, daqaní inós ni dirhúngií tseewúy. Dabaahúng hhoohhooeesaak, kuungaásingá' tlakuuse. Nee munerhúng hamaatlaak, kuungaásingá' badu tsadér.

YOSHUA 10:19

Ala kuungá' ma didií meetara'. Ala kumiité' wakuuserhúng gusiisiingo kiwa aluú wa slatiinda'. Inooín mi baloó pa/ángwií haniisaara' niwa dahiya' baraá gixsaduuín. AAKOÓ MUNGÚ, Munguúhúng, inooín ngaa gawaá dabaahúng i qaás.»

YOSHUA 11:14

Múk Israeli xosluudá' na baraá gixsadií ayé' nee hikwaawo ngiri haasaáng wa ar tlayé'. Ala muu sleémeero kuna tsuú/, tam heé wák oo ta slafíngwí geexáy i kaahh.

1 SAMUELI 1:23

Hhawaatuuwós Elkana, gari báy, «Kahhoo', adoosíng hhoo' ta ga/eer tleehheek, daameek ay dír kway /oomes, AAKOÓ MUNGÚ /aymuuwós ngu gawdesa hhe'eesi.» Naagáy /ameenidá' iri dó'i mét, na/aywós guri du'umís, ay qoomár /omtaangós.

1 SAMUELI 11:11

Naxés matloowose Saulo muu guna qasiís baraá daqooroó tám i ale. Looaytleér matlaatleero múk Amoni kuri gaanslár tsitsiíhh muxtaaro baraá xafay'íní ale ay qoomár /ameetleemu, aluuwo múk aa meet iri tsiyaayaxaát, tam múk afi tsár sleeme kwaa dinkwárí mayká.

1 SAMUELI 14:3

Ahiya garmoó Ahitubu, hhiyoó Ikabodi, garmoó Finehasi, garmoó Eli kaahamusmoó AAKOÓ MUNGÚ, oo baraá gixsár Shilo, hiyoó saaliingw guna dahaás. Slám mukwí gaa xuiiká adór Yonatan ira tláy.