1 SAMUELI 14:20 - Biblía Axweesantá Hhohho' ar Mungú 2004

²⁰ Saulo nee mukós kudá' sleémeero dinkwárí diriá' tana burumburiít, slaqwara kari iimu/ún nee múk Filisti. Naxés múk Filisti tiri kilooín haraawarqayé' muxtaaro ar paangadu, tlaahhi iri ló'wa búhh.

1 SAMUELI 14:20 Iomraidhean Croise

1 WAAWITÁ 20:21

Naagáy waawutmoó Israeli slaqwaraaro iri baalín, faras nee gaardaá ta uruuxun awa yaariir giri hayóh, nee múk yaariír oo Aramu guri tsuú/.

2 QOM'I 20:23

Múk Amoni nee oo Moabu nay haratlayé' amór múk tlom'aá Seiri, kari ló'wa hhaamiís. Alaá múk tloomár Seiri kuwa hhaamiís, tiri kilooín saki/iyé', tiri faakiyé'.

ISAYA 19:2

Aníng múk Misri un tlaahhírí kwaáhh, umuú heewo nee hhiyaawós tiri ayá'. Tam inslaawmo nee kuqá' tin ayá', aya nee kuqá' tiri ayá', waawutmo nee kuqá' tiri i tlayá'.

ESEKIELI 38:21

Aníng umuú gár de'e tlaaq a tsaanguús as Gogu kuwa ilaa/i. Anuú Aakoó MUNGÚ tí aga oó'. Slaqwaruuseerós tin kilooín layá' ar paangaduuín.

HAR'OHUUSE 7:22

Qoomár múk Gideoni tarumbeétadaá tsiire tám ngiwa ufaahhiyé', AAKOÓ MUNGÚ tlaahhi gari kwaáhh dír slaqwaruusér Midiani, tiri kilooín mutiné' ar paangadu. Inooín tana ta'aaín tay saweés ay Bet-shita geeraá Serera, ay Abel-Mehola iisaapoó Tabati.

1 SAMUELI 14:16

Xuumuusér Saulo tidár amór Gibeár Benyamini, boo/oó múk yaariír oo ti'ii'iím amooqá' nee taqane nguna ariyé'.

1 SAMUELI 9:16

guna báy, «Matlo qoomár adór tihe heé yaamaá Benyaminír daáhh ngu huúw dirók, kuúng ku iimbaláx ar di/i, as kahhó' tawa geeraharusmoó muk'eé' kwí oo Israeli. Inós muk'eé' gu ba/amis baraá dabaá múk Filistiro, aníng slahh'amuú muk'eé' ugwa ár, asma /aa/eeín iga axaás.»