1 SAMUELI 14:12 - Biblía Axweesantá Hhohho' ar Mungú 2004

¹² Mukuú baraá guruú koo/idá' gawit Yonatan nee garmaadá' xooslarós kooma kiri báy, «Gimsé' qwalaas amoorén tí, daqaní atén garka ngi laqaamaán.» Yonatan garmaadá' xooslár koóm guri báy, «Gimáy án eeharáng, asma AAKOÓ MUNGÚ mukwí ngwa qaroó qaás baraá dabaá xoorór Israeli.»

1 SAMUELI 14:12 Iomraidhean Croise

IIMU/UUNGW 24:42

Laarí niwa hardáh baraá hhaleerí alé, ana adoorír firiím, «AAKOÓ MUNGÚ, Munguú aakooeé' Abrahamu, án kuúng u firiím, án alee/iisáng baraá aaiieene, nee aakooeé' Abrahamu hhooeemií tleehheek.

IIMU/UUNGW 24:48

Ana xupuú', AAKOÓ MUNGÚ nguri sluufiís, AAKOÓ MUNGÚ nguri xirfayeemiís, Munguú aakooeé' Abrahamu, kwí aníng iga geerahaar ay dír dasír tlahhoó aakooeé' as garmaawós.

2 SAMUELI 5:24

Gimáy, afór bar/asár slawtá slaqwara bara axás gawaá tsitseená miforosadirí, daqaní ta píhh, asma anuú AAKOÓ MUNGÚ naa hardáh niwa geeraawók wa hi'iit, as slawtá múk Filisti ngiwa daasl tsu/taaro.»

2 WAAWITÁ 14:8

Aluuwo Amasia afo gari ya/aáw amór Yehoashi garmoó Yehoahasi, garmoó Yehu waawutmoó Israeli, guri báy, «Qwaláng án nee kuúng ti araán gilaawo.»

HAR'OHUUSE 4:14

Debora Baraka guna beér, «Gimáy tlawáng, asma laarí AAKOÓ MUNGÚ Sisera ngwa gawaá dabaawók i qaás, nee AAKOÓ MUNGÚ kuúng u geerahaar.» Baraka nee mukós kuduú kume mibaangw tari aweér gawaá tloomár Tabori wa ale.

HAR'OHUUSE 7:14

Mulqumoowós kudá' guri mu/aywaáts iri oó', «Gaasíng hamí aqo paángár Gideoniwokáhe, garmoó Yoashi, heé Israeli. Mungú múk Midiani nee slaqwaruuser'ine sleémeero gaa haniís baraá dabaawós i ale.»

HAR'OHUUSE 7:15

Gideoni kangwduú tlataadá' nee waagweermooro ngiwa axaás, Mungú guri sluufiís, iri wayaá' amór slaqwaruusér múk Israeli, giri báy, «Tlawaaré', asma AAKOÓ MUNGÚ slaqwaruusér Midiani ngaa qaás gawaá dabaahúngí ale.»

HAR'OHUUSE 9:54

Siiwadár kilae Abimeleki garmaadá' xooslarós ar slaqwara ga loohiís guri báy, «Paánga taataahheek, aníng gaasáng, muu matawa oó', ‹A /ameeni guna gás.› » Naagáy garmaadá' guri muút ar paánga, paánga iri bartaqár ti'ít, iri gwaá'.

1 SAMUELI 14:10

Ala barnaxes taa oó', ‹Gimsé'! Kuungá' atén ti haratsa/aande',› daqaní atén tari amor'íní tsa/amán, asma daqaní AAKOÓ MUNGÚ inooín ngaa dabaaréní qaás, nee tí iri laya tleehhít direne.»

1 SAMUELI 14:13

Yonatan iri tla/afameérár tsa/án nee garmaadá' xooslarós koóm i aluuwós. Múk aáng iri huuhu'ún geeraá Yonatan, nee garmaadá' xooslarós koóm giri aluúwaá tsu/aa/ín.