1 SAMUELI 13:5 - Biblía Axweesantá Hhohho' ar Mungú 2004

⁵ Xoorór Filisti tana burumburiít tawa slaqwi nee xoorór Israeli, slaqwaruusér faras gwa i tsa/aan a kume lahhoó', nee slaqwaruusér gaardaá faras gaa i tsa/aan a kume mibeeri tám, nee slaqwaruusér ya'ár hi'iit yaaremaawo a adór hhasángw afaá tlawi. Tari waatláy gáwtí ale, xafay'ín kuri tleéhh baraá Mikmashi bihhaá da/aáw awa Bet-afeni.

1 SAMUELI 13:5 Iomraidhean Croise

IIMU/UUNGW 22:17

án daxta kuúng u ló'wa tsuúq, nee xwaylarók an ló'wa tlahhás, tari adór tsatse/uú doori nee adór hhasángw afaá tlawi. Nee xwaylarók wakuuser'ín gari bál, nee gari sawaawuti'iín.

2 SAMUELI 17:11

Gár aníng ni oo' a tí, múk Israeli sleémeero amoorók ti burumbut, iimír Danír wa oohang ay Be'er-sheba, ayaá basa, masók ki yaariir adór hhasángw afaá tlawtá wa ale, nee kuúnguú kilá' ta daqeér baraá slaqwara.

1 WAAWITÁ 20:27

Nee múk Israeli kuri burumbuúr, kuri xooslár slaqwarárí i haniís, tari tláy tawa slaqwi nee múk Aramu. Múk Israeli xafay'ín nguri tleehhiyé', inooín ki ló'wa niina adór daqoroó tsár oo ninákw oo aara, ala múk Aramu ku ló'wa úr, yaamu ngina alqaatiyé'.

2 QOM'I 1:9

Aá AAKOÓ MUNGÚ, Mungú, gimáy daxta al'axweesantadá' taa ó' dír baabuúeé' Daudi boo/eseek. Asma aníng kuúng iga waawutmoó wa qás oo mukwí yaariír adór hhasaangw oo faarooro ni aleeslawaaká.

ISAYA 10:28

Wakusmo naa Rimoni wa tláy, aa hardáh Ayati, aa waaraáhh ar baraá tla/ángw Migroni, huwaawós gaa qaás baraá Mikmashi.

ISAYA 48:19

Xwaylarhúng geera a adór hhasaangw. Geera ki ló'wa ur adór hhasaangw umer'ín geeraawo ka baloó qwaareesiiká laqaá ki baloó hhaamiisiiká dír geeraaeene.»

YEREMIA 15:8

/Ameenár kwaeeli ka yaariir ta hhasángw afaá tlawto. Aníng masoomba ana tsuú/ baraá /uuruuine, nee xwaylitér'ín ngiri slahh'amaayérí huúw. Inooín ina gaanslár dae tsaát, tari slahhaá'.

HOSEA 10:5

Yaamuloouusér Samaria in daaraxát as damaadár baraá Bet-aweni. Inooín tari tsuunqumiis as damaadá', kaahamuusér damaadá' ga sluufmiis iri /aa/amiín, as xirfuú damaadá' kuwa hingeés.

HOSEA 4:15

Tam kuungaá Israeli a fuquuseero, ala múk Yuda tlakweema mingiwa tleéhh. Kuungá' ma tlawaara' ay Gilgali, tam ma tsa/amaara' ay Bet-afeni, sleeme umuú Aako mu lo'órár huwahuwaara' tawa kata', «Ar adoodá' AAKOÓ MUNGÚ ir hotaatin.»

HOSEA 5:8

Xareemi ufaahhaak baraá Gibearo, tarumbeéta baraá Ramaro. Uui tleereesaak baraá Beti-aweniro, múk Benyamini wakuuserhúng hanoos aluuhúng.

Rumi 9:27

Nee aarusmo Isaya ina axweés sleeme daanduú múk Israeliwo, iri tseé' iri oó', «Múk Israeli tam ku yaariire adór hhasángw afaá tlawi, ala múk ba/ám baraaine ku niiná.

YOSHUA 11:4

Inooín slaqwaruusér yaariir ngiri burumburiyé' nee farsuú slaqwara oo gaardaá uuruxuúm oo faarooro ta aslayká adór hhasángw afaá tlawi.

YOSHUA 18:12

Bihhaá /iiko digmuuín a yaaér Yordani, gixsár Yeriko ngari /iikú wa óh, iri ti'iít baraá yaamaá tlom'i baskú wa alé, iri hardáh ay xaanxoó Bet-afeni.

YOSHUA 7:2

Yoshua muu guna ya/aáw amór gixsár Yerikór wa ale ay amór yaamaá Ai, gixsadár bihhaá da/aáw awa Beteli, ar iisaapoó Bet-aweni, inooín giri báy, «Tlawsé' yaamuudá' tsawtsawuusare'.» Inooín tari tláy gixsár Ai ngiri tsawtsawuusiyé'.

HAR'OHUUSE 7:12

Múk Midiani, nee múk Amaleki, nee múk hatlá' sleémeero oo da/aá daáhh xatsa ngaa qaroó alqaatiyé', yaareemaawo a adór ingigi, nee inooín angamíár yaariir adór hhasángw afaá tlawi ngi koná'.

1 SAMUELI 13:11

Samueli iri oó', «Ma /imís?» Saulo iri oó', «Qoomár ngiwa ár muu iwa diyaa/amiiti amór saáwí alé dir'eene, nee kuúng naa hardatká deeloodá' taa axweesani, slám amoorqae múk Filisti aa dinkwárí burumburiít baraá Mikmashi,

1 SAMUELI 13:2

Saulo múk kumér tám oo Israeli guna tsawaár, baraá tla/angw'ine múk kumér tsár ta dinkwa nee Saulo, baraadaá Mikmashiro, nee baraá yaamuudaá tlom'i awa Beteli, nee múk kumuú wák ta dinkwa nee Yonatan baraá Gibeár Benyaminiro. Mukdá' aa meet guna watlís, umuúqo heewo iwa ki/i baraá heémarós.

1 SAMUELI 14:23

Adoorí an adór baalaadae AAKOÓ MUNGÚ múk Israeli ngura tuú/. Baalaadae slaqwara ina kumít, iri waaráhh Bet-afeniro.

1 SAMUELI 14:52

Deelo sleémeero ar Saulo tawa waawutmo, slaqwarár hhamhhám kángw kilá' wa ale i daadeer dír múk Filisti nee inose. Umuú qoomaaro Saulo heé /uuruú koóm, laqaá oo migusmo burungwa sláy, gun bartá slaqwaruuseerósií ohaahín.

1 SAMUELI 17:1

Xoorór Filisti slaqwaruuser'ín gana buruumbút baraá yaamaá ta bay Soko, gixsár baraá Yuda, as slaqwara. Xafay'ín kuri siíhh tla/ángw yaamukari ta bay Efes-damimu, tla/ángw Soko nee Aseka.

1 SAMUELI 7:13

Gawaá adoorihe múk Filisti kuri arbaá/, tam yaamaá múk Israeli ngaa male kala/ii'iiká, AAKOÓ MUNGÚ múk Filisti guri ilaá/ deelo sleémeero ar Samueli iwa slafi.