1 SAMUELI 13:2 - Biblía Axweesantá Hhohho' ar Mungú 2004

² Saulo múk kumér tám oo Israeli guna tsawaár, baraá tla/angw'ine múk kumér tsár ta dinkwa nee Saulo, baraadaá Mikmashiro, nee baraá yaamuudaá tlom'i awa Beteli, nee múk kumuú wák ta dinkwa nee Yonatan baraá Gibeár Benyaminiro. Mukdá' aa meet guna watlís, umuúqo heewo iwa ki/i baraá heémarós.

1 SAMUELI 13:2 Iomraidhean Croise

2 SAMUELI 20:1

Heeko wák i daadeer oo al/aymusmoó oo ló'wa tlaákw baraá yaamaá Gilgaliro. Umuuwós a Sheba, garmoó Bikri, heé tlahhoó Benyamini. Sheba tarumbeéta gana ufaáhh, iri oó', «Daudi nee atén gaa a milá. Garmoó Yese gár kuwa koomaan i káhh. Kuungá' múk Israeli, umuú heewo i ki/i amór heémarós.»

2 SAMUELI 21:6

Gim daxta, múk faanqw baraá na/iiwós awa daaqaywo, amoorén i haniisang, atén i tsu/aán kiwa tareereiimaan dír geeraá AAKOÓ MUNGÚ wa ale, gawaá tloomár Gibeár Saulo, kudá' taa tsawaár nee AAKOÓ MUNGÚ.» Waawutmo iri oó', «Muksíng ngu haniís.»

2 SAMUELI 23:29

Nee Helebu garmoó Ba'ana, heé múk Netofati, nee Itai, garmoó Ribai, oo Gibear daáhh, oo tlahhoó Benyamini,

ESRA 2:27

Múk yaamaá Mikmashi a tsiruú wák mibeeri tsár nee tsár.

NEHEMIA 11:31

Múk tlahhoó Benyamini Geba ngina hootiyé', nee Mikmashi, nee Ai, nee Beteli nee ayeemaá ngaa harweeriye'.

YOSHUA 18:28

nee Sela, nee Ha-elefu, nee Yebusi, tidá' ta hara babay Yerusalemu, nee Gibea nee Kiriat-yearimu. Gixsaduuká' kaa haniís dinkwaaro a mibaá nee tsiyáhh. Ayeemooká' sleémeero an kudá' taa haniís dír tlahhoó Benyamini nee múk do'ós.

YOSHUA 22:6

Yoshua inooín giri tsuúq, iri ya/án niwa watliya' amór maray'ín.

HAR'OHUUSE 19:12

Ala inós iri oó', «Atén a paslanaaká tay deelaán baraá gixsár dahaaye, gixsár múk Israeliwooká, ala an waarahhaán ay Gibea.

1 SAMUELI 10:26

Saulo iri waátl Gibea amoodár do'ós dinkwa nee slawtá slaqwaruuse, tidá' Mungú aa mune kwatiít.

1 SAMUELI 10:5

Alaá tihe tari hardát Gibea-elohim, dír koo/ír gawit ar slaqwaruusér múk Filisti i diri', tari hardát baraá gixsa, tiri dogá' nee daqtá aaruuse ar naa gáwtá wa awet, i mariímbár muxiyá' nee oowiro, nee fililimbiro, nee gidaandoriro, inooín ta aariirín.

1 SAMUELI 13:1

Saulo kureeraá afi qoomarka ngiwa áy, waawuti'iima gana sláy, múk Israeli guri sawaawuti'ín afiqoomár kureeraá tsare.

1 SAMUELI 13:11

Samueli iri oó', «Ma /imís?» Saulo iri oó', «Qoomár ngiwa ár muu iwa diyaa/amiiti amór saáwí alé dir'eene, nee kuúng naa hardatká deeloodá' taa axweesani, slám amoorqae múk Filisti aa dinkwárí burumburiít baraá Mikmashi,

1 SAMUELI 13:15

Naagáy, Samueli iri tláy, iri waatláy Gilgalír wa ale tay Gibeár Benyamini. Saulo mukdá' nee inós dinkwár i diriiá' guri faár naxés a tsiire lahhoó'.

1 SAMUELI 13:16

Saulo nee garmaawós Yonatan, nee mukduú dinkwa nee inooín xafay'ín nguna tleehhiyé' amoodár Gebár Benyamini, ala múk Filisti kooín kuna tleéhh baraá Mikmashi.

1 SAMUELI 13:23

Nee slaqwaruuseedár múk Filisti tsirxár Mikmashi gari tsék.

1 SAMUELI 13:5

Xoorór Filisti tana burumburiít tawa slaqwi nee xoorór Israeli, slaqwaruusér faras gwa i tsa/aan a kume lahhoó', nee slaqwaruusér gaardaá faras gaa i tsa/aan a kume mibeeri tám, nee slaqwaruusér ya'ár hi'iit yaaremaawo a adór hhasángw afaá tlawi. Tari waatláy gáwtí ale, xafay'ín kuri tleéhh baraá Mikmashi bihhaá da/aáw awa Bet-afeni.

1 SAMUELI 14:31

Inooín baalaadae múk Filisti kuna tsuú/ bahh'ale iimír Mikmashír wa ale ay Ayaloni, qoomaarihe múk Israeli qwari gwaa slaaqatimís.

1 SAMUELI 14:5

Tlaa/e kina sihhtís bihhaá /iya geeraá Mikmashi, nee awa hatlá' bihhaá basa, amór geeraá Geba.

1 SAMUELI 14:52

Deelo sleémeero ar Saulo tawa waawutmo, slaqwarár hhamhhám kángw kilá' wa ale i daadeer dír múk Filisti nee inose. Umuú qoomaaro Saulo heé /uuruú koóm, laqaá oo migusmo burungwa sláy, gun bartá slaqwaruuseerósií ohaahín.

1 SAMUELI 15:34

Alaá tihe Samueli iri tláy ay Rama, nee Saulo iri waatláy amór do'ós baraá Gibea.

1 SAMUELI 24:3

Saulo iwa baraá aaií dirii'i, ina hardáh dír mar'irka wák tseew bihhaá slumaá bee/aangw, ina dáh baraá mar'idá' as iwa sla/tá slahhtá ay, Daudi nee mukós taa iwiít baraá guruuduú mar'i oo baraaqií saáw.

1 SAMUELI 26:2

Saulo iri gaanslár tláy, baraá darmuú yaamaá Sifu iwa Daudi leelehhiiti, i mukós oo slaqwaaruuseerós kón ar kume tám ar tinda tsawaár baraá múk Israelír wa ale.

1 SAMUELI 8:11

Iri oó', «Waawutmoó kuungá' nu sawaawuti'iím daharuú i kon a kwí, daaqayhúng gun ar tláy, guri qaás baraá gadiyér gaarduwós kudá' ta uuruxun, nee farasuwós kuri i tsa/án, inooín tari ti'ii'ín geeraá gaarduuwós wa ale.