1 SAMUELI 13:14 - Biblía Axweesantá Hhohho' ar Mungú 2004

¹⁴ Ala hamí waawuti'iimarok i hotká. AAKOÓ MUNGÚ hee gwaa leeleéhh oo muunaáwose aa slaá'. AAKOÓ MUNGÚ heewí gwa tsawaár tawa heé úr baraá mukose. Asma kuúng axweesantadá' AAKOÓ MUNGÚ naa hara'ayín aga otká.»

1 SAMUELI 13:14 Iomraidhean Croise

2 SAMUELI 5:2

Qoomaadá' aa waarahhi waawutmoorén tawa Saulo, kuúng múk Israeli una geerahát baraá slaqwaraaro, nee AAKOÓ MUNGÚ una báy, ‹Kuúng a de'eemusmoó muk'eé' oo Israeli, nee tari geeraharusmoó múk Israeli.› »

2 SAMUELI 6:21

Daudi Mikali gari báy, «Aníng a dír geeraá AAKOÓ MUNGÚ i dirií', kudá' aníng iga tsawaar kitángw baabuúwók wa ale, nee múk do'ose, as iwa qaasi tawa heé úr daanduú múk Israeli wa ale, múk AAKOÓ MUNGÚ. Gawaá adoorihe aníng an ni/iím dír geeraá AAKOÓ MUNGÚ wa ale.

2 WAAWITÁ 20:5

«Alu i ki/eek, Hesekia, geeraharusmoó muk'eé' baweek, ‹Anuú AAKOÓ MUNGÚ, Munguú baabuúwók Daudi a kah, Aníng firoorók aga axaás, nee hhirhheriiwók iga ár. Ga/aaweek, aníng kuúng u hungu/uús, nee bál tame kuúng ta daqeér baraá Doó AAKOÓ MUNGÚ.

1 QOM'I 10:13

Saulo ina gwaá' asma inkihhimu wasleerós, inós inkihhimu guna dakuús dír AAKOÓ MUNGUHE ar hara'ayár AAKOÓ MUNGÚ ngiwa oohiiká, nee sleeme inós gi'i gina yaahamisuú áy ale/iisaay nguwa slay,

WARA'AMI 78:70

Daudi guna tsawaár, sagadiyusmoowós, gway leéhh baraá qawtantá bee/aangw.

AXWEESANOÓ SAGALOOA 27:24

Asma daqaari'iima i hotatindaaká ay kureér, tam slamaangw i kumamitiiká ay qari sleémeero.

ISAYA 39:5

Aarusmo Isaya Hesekia guri báy, «Axweesantá AAKOÓ MUNGÚ Aleesleemusmo iiárií qaaseek,

Tlehhema'aá ya/Abuuse 13:22

Aluudae Mungú Saulo guri hingeés, Daudi guri qaás tawa waawutmooín. Daudiwí a kudá' Mungú aa lamabu'ún iwa kaahi, ‹Aníng Daudi ugwa ár, garmoó Yese. Inós a heé muunaáeé' gwa qwal/atis. Slám inós an kudá' sla'aarir'eé' sleémeero ga tleéhh.›

Tlehhema'aá ya/Abuuse 7:46

Daudi kuri gurií baá/ nee Mungú, nee Mungú guri firín. Daudi Mungú guri firín as do' nguwa tleehhi oo Munguú Yakobo iwa hooti.

Ebrania 2:10

Mungú an kudá' mura' sleémeero gwa tleehh, nee slám inós an kudá' mura' sleémeero gu amohhe'eemiís. Slám Mungú gana slaá' na/aá yaariir ngiwa hardahaasi dír xirfií alé. Gawaá adoorihe, dirose a gár hariim Yesu nguwa bu'utisi ar loohír slahh'amaaye. Asma Yesu an kudá' muu gu geerahaár amór ba/ama.

1 SAMUELI 15:23

Asma dee/aana a adór tlakweemaá da/ari, nee saga gawdeema a adór tlakweemaá munguaá hatlá' kiwa haratlintati'i, hám daxta asma axweesantá AAKOÓ MUNGÚ kawa qo si'i, inós kuúng sleeme ugwa sií' tawa waawutmo.»

1 SAMUELI 15:26

Samueli Saulo guri báy, «Án nee kuúng a baloó alki/anaaká, asma axweesantá AAKOÓ MUNGÚ aga sí', AAKOÓ MUNGÚ kuúng ugwa sií' tawa waawutmoó múk Israeli.»

1 SAMUELI 15:28

Samueli guri báy, «Laarí AAKOÓ MUNGÚ waawuti'iimarók dír múk Israeliro gaa feehhamiís, gari haniís dír inslaawmoowók, kudá' hhoó' ta kuunge.

1 SAMUELI 16:1

AAKOÓ MUNGÚ Samueli guri báy, «Ay xaylá Saulo ku alee/a/amamiin, bar aníng inós ugwa qaroó sií' múk Israeli nguwa sawaawuti'in? Xarmo di/to dalaa/eek, tlaatláw, aníng kuúng u gan'aás ay doó Yese, heé yaamaá Betilehemu. Asma baraá tla/ángw daaqaywose waawutmo ugwa sláw.»

1 SAMUELI 16:12

Yese hee guri ya/aaw, garmaadá' kunguri amor'íní huúw. Garmaadá' a heé slaqwa hhoó', ku ila hhohhó', slaqwatós ka tsataari hho'. AAKOÓ MUNGÚ iri oó', «Kwí an kudaádá', gím sihhiít iimbalaxeek di/to.»

1 SAMUELI 2:30

Gawaá adoorihe AAKOÓ MUNGÚ, Munguú Israeli i kaahi, ‹Tam án geeraawo aga ooi do'ók nee doó baabuúwoge i geeraaeé' wa kumaamitiiyá' kureerisleém.› Ala hamí AAKOÓ MUNGÚ i kaahi, ‹Kangwsíng i amór saáw pa/i dir'eene.› Asma mukdá' aníng i ilaiwawaá/ án u ilaiwawaá/ sleeme. Ala kudá' i waqaaqa'á' aníng i gaárí xuaaká.

1 SAMUELI 24:20

Nee hamí qayteek aga tsaáhh adór kuúng tar waawutmoó Israeli, nee baraá dabaawoge waawuti'iimár múk Israeli iri gawduwa hhe'és.

1 SAMUELI 25:30

AAKOÓ MUNGÚ kuúng una hhooeemií tleéhh adoodá' al'axweesantós ngira oó' diroge, nee uwa tsawaár tawa waawutmoó Israeli.

1 SAMUELI 9:16

guna báy, «Matlo qoomár adór tihe heé yaamaá Benyaminír daáhh ngu huúw dirók, kuúng ku iimbaláx ar di/i, as kahhó' tawa geeraharusmoó muk'eé' kwí oo Israeli. Inós muk'eé' gu ba/amis baraá dabaá múk Filistiro, aníng slahh'amuú muk'eé' ugwa ár, asma /aa/eeín iga axaás.»