1 SAMUELI 13:12 - Biblía Axweesantá Hhohho' ar Mungú 2004

¹² niri baraá muunaáeé' oó', ‹Múk Filisti i haratláy amor'eé' dír Gilgali, geeraá aleesleemuú AAKOÓ MUNGÚ ngura firimiiká.› Gawaá adoorihe ilahhooár da/a ngiri kilooeé' hara/akuút haniisaro.»

1 SAMUELI 13:12 Iomraidhean Croise

WARA'AMI 66:3

Mungú bawaak, «Tlehhmi'iiwók iwa dae tlaaqiya' a adór milá? Asma /uuruuwók ku úr, wakuuseerók ni hardát, tiri dír geeraawógií niinaweemís.

AMOS 8:5

Slám a malé kata', «Slahhángw /abén xaylá u oohaán as balangwrén kuwa iimu/umaan weeramisuuwo? Nee deelór Sabaáto i fak a xaylá as balangwrén kuwa weeramisuú awaan? Xooslmoduú qoomeemes kuri afa fiitsaán as peésár yaariir kawa slawaan, muu un al/agiimaán ar qoomoó lama.

2 korinto 9:7

Umuúqo heewo gár kuwa hariím a inós kilós gan aldaakw baraá muunaáwós i alé áx gár i haniisi a milá. Daqaní gadá' ngi haniisi ar sla'aarirós ar kilá', ala ar /uurutisarooká. Asma heé hanmiís ar qwal/amaaye, inós ku slaa' nee Mungú.

1 SAMUELI 13:11

Samueli iri oó', «Ma /imís?» Saulo iri oó', «Qoomár ngiwa ár muu iwa diyaa/amiiti amór saáwí alé dir'eene, nee kuúng naa hardatká deeloodá' taa axweesani, slám amoorqae múk Filisti aa dinkwárí burumburiít baraá Mikmashi,

1 SAMUELI 13:13

Samueli Saulo guri báy, «Adoosá naa tléhh ar barawaslaay, hara'ayár AAKOÓ MUNGÚ, Munguúwók aga otká kudá' ugwa hara'ayin, asma AAKOÓ MUNGÚ geera waawuti'iimarók ga gawdees gawaá daanduú múk Israeliro ay kureerisleém.

1 SAMUELI 15:12

Samueli matlaatlér boo/e iri ti'iít amór Saulo. Samueli kuri báy, «Saulo i Karmelír daahh, ga/aaweek, gár iinslaslaangw gaa sihhtís, iri waaraáhh Gilgali.»

1 SAMUELI 15:22

Samueli iri oó', «Xáy, AAKOÓ MUNGÚ ilahhooár da/a nee ilahhooár muruú ta tsu/i gan ak ló'wa slái, ta ilaiwa/amér afór AAKOÓ MUNGUHE? Qaytsiít ilaiwa/ame ka hhoo' ta ilahhooár muruú taa tsu/i, nee iialoeesa i waaráhh ta di/tá gwaandaaweero.

1 SAMUELI 21:7

Baalaarihe heeko wák oo sagadiyusmoó Saulo i deer, kudá' taa qaroó ilaá/ dír geeraá AAKOÓ MUNGÚ. Sagadiyusmoowí umuuwós a Doegi, oo xoorór Edomu, heé úr oo de'eemuusér Saulo ga sagesihhmiít.