1 SAMUELI 12:9 - Biblía Axweesantá Hhohho' ar Mungú 2004

⁹ Ala inooín AAKOÓ MUNGÚ Munguúín nguri gunqareesiyé', Mungú inooín giri weeriís baraá dabaá Sisera, geeraharusmoó slaqwaruusér Yabini, waawutmoó yaamaá Hasori, nee baraá dabaá múk Filisti, nee baraá dabaá waawutmoó múk Moabu, inooín nee waawitaáwí tari slaáqw.

1 SAMUELI 12:9 Iomraidhean Croise

2 SAMUELI 7:11

Iimír bál mukduú har'ohuuse nguwa tsawaár tawa daanduú muk'eé' oo Israeli, aníng kuúng u xuúm dír wakuserók sleémeeroe. Ar tí sleémeero ga baa/ a tí, AAKOÓ MUNGÚ kuúng un babay, aníng kuúng u dó' i tleéhh.

WARA'AMI 106:21

Munguúdá' gaa ba/amis ngwa gunqareesiyé', kudá' muruú waa/oo/amo gwa tleehh baraá Misrír wa ale,

ISAYA 63:10

Ala inooín tana dee/aanuút, qeeruuwós kudá' hhoohhoó' nguna gurhaamír ar ayé'. Gawaá adoorihe inós iri warqáy tari wakusmooín, inósuú kilá' iri amor'ín i muxuút.

YEREMIA 2:32

Xáy, dasír /amatliito'o parootirós gaqo gunqaarésa, laqaá dasír ta duxuuti tlabaawós giqo gunqaarésa? Ala muk'eé' aníng iga gunqaareés har afiqoomár deelór yaariir.

DABE 32:18

Kuungá' Tlaa/adá' naa xwayluur ana insleeri'iiká, Munguúdá' kuungá' naa laqwaal una gunqaaresé'.

DABE 32:30

Xáy, heé wák múk kumuú wák adór ngur guusi? Nee múk tsár adór múk kumér mibaangw ngur baali, aqo inooín birka kwaáhh nee tlaa/ar'ín, barnaxes AAKOÓ Munguúín ga geexáy?

HAR'OHUUSE 10:7

Ala AAKOÓ MUNGÚ xoorór Israeli gari i buúhh, giri máy kiwa baali nee múk Filisti nee múk Amoni as kiwa sawaawuti'in.

HAR'OHUUSE 13:1

Aluuwo múk Israeli tlakweema gina malé tleéhh dír geeraá AAKOÓ MUNGUHE, AAKOÓ MUNGÚ múk Filisti guri /uurií haniís oo múk Israeli nguwa sawaawuti'in ar afiqoomár kureeri mibeeri tsiyahhe.

HAR'OHUUSE 2:14

AAKOÓ MUNGÚ iri qa/iít buhhtaawo dír múk Isreli. Inós giri qaás gawaá dabaá mukdá' gaa i haraatlay. Inós gina ya/án kiwa arba/i nee wakuuser'ín bihhe sleémeero, tam sihhtanór geeraá wakuuser'ín ngiri harslaaqatiyé'.

HAR'OHUUSE 3:12

Aluuwo xoorór Israeli tlakweema giri malé tléhh dír ilaá AAKOÓ MUNGUHE. Gawaá adoorihe AAKOÓ MUNGÚ waawutmo Egloni oo Moabu guri /uurií haniís xoorór Israeli ngiwa baali, asma tlakweemaadá' naa tleehhiyé' dír ilaá AAKOÓ MUNGUHE.

HAR'OHUUSE 3:31

Alaá Ehudiwo Shamgari garmoó Anati kitángw Ehudi guri óh, múk Filisti oo tsiire lahhoó' guri tsuú/ ar hhartá i hikwár de'en. Inós xoorór Israeli sleeme gari tuú/.

HAR'OHUUSE 4:2

AAKOÓ MUNGÚ inooín giri máy kiwa baali nee Yabini, waawutmoó yaamaá Kana'ani, kudá' aa baraá Hasorír wa waawuti'in, nee Sisera yaamuloousmoó Harosheti-hagoimu, an geeraharusmoó slaqwaruusér Yabini.

1 SAMUELI 12:15

Ala barnaxes afór AAKOÓ MUNGÚ aga iiárií qasi'iiká, ala aqo hara'ayár AAKOÓ MUNGÚ ana sié', daqaní dákw AAKOÓ MUNGÚ i gawaahúng, kuungá' nee waawutmohunge.