1 SAMUELI 12:5 - Biblía Axweesantá Hhohho' ar Mungú 2004

⁵ Inós inooín giri báy, «AAKOÓ MUNGÚ nee waawutmoowo a lamabu'uuse laarí, adór kuungá' gár tlaakw taa sleeré' dir'eene ir káhh.» Inooín tari oó', «AAKO a lamabu'usmo.»

1 SAMUELI 12:5 Iomraidhean Croise

IIMU/UUNGW 31:50

Dasuueé' bura baramaanús, laqaá bar /ameenár hatlá' aga duxút, tam heé xumiís i kahhi, inslaweek, Mungú i xumiis.»

YOBU 16:19

Aníng a ló'wa xuú', lamabu'usmooeé' i gawaá doori. Oo aníng i aleekal/aám i gawaá doorí dirii'.

YOBU 42:7

AAKOÓ MUNGÚ iwa hhe'eés axweesantá dír Yobuwo, Elifási kuduú Temanmo guri báy, «Aníng muuna iga ló'wa gaás as kuúng nee hhaeewók kudá' tsár, asma axweesantá ganaa' aga axwesi'iiká daanduueene ar adór tidár sagadiyusmooeé' Yobu, ira axweés.

WARA'AMI 17:3

Kuúng iga haraxeér xweeraawo, iri tsee/aariín, muunaáeé' kuri xuuxu'uún. Kuúng ina iiát, ala gár tlaakw ar taa aán i káhh baraaeene. Aníng gár tlaakw aga ooiiká afkwe'eene.

TI'INAANGW 22:4

Barnaxes sleedá' aa fiís, laqaá daqwaay, laqaá bee/i kaa sláy baraá do'ós wa ale i sláf, sleedá' gan aldaaf ar hikwaá tsár.

Yohana 18:38

Pilato guri báy, «Looeema a milá?» Inós /aymuuwí yaahaasaro nguwa hhe'eés, iri malé ti'iít amór múk Yahudi, iri oó', «Aníng gár heewí ngus sakwasleemuut a ara'araaká.

Tlehhema'aá ya/Abuuse 23:9

Tsimaahhi iri ló' wa tláhh. Intsaahhatuusér hara'ayár Mose bahh'alé, tidár bartá múk Farisayo, tana sihhiít, kuri lo'wa aleekalaá/, tari oó', «Atén tlakweemaá ta ara'araan dír heewihe i kahhiyá'. Hám wané kwaa tsuwa i axweés nee qeeru laqaá nee malaykamo.»

Tlehhema'aá ya/Abuuse 24:16

Gawaá adoorihe muunaáeé' un harmagagaáhh daqisleém, as kahhó' ku hhoohhoó' geeraá Munguhe nee geeraá muko.

Tlehhema'aá ya/Abuuse 24:20

Laqaá tam mukwí diirí dirií' ngi ooi, gár naa tlakweés a milá, ar inooín taa ár, qoomaadá' niwa sihhiít geeraá kwasleema.

1 Korinto 4:4

Asma baraá muunaáeene gár aníng i sakwasleemuut i káhh. Ala aníng ti gan'amií harafaariiká as adoodá' muunaáeé' iwa sakwasleemuutiiká. Ala heé aníng i sakwasleemuút an Aako.

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

1 SAMUELI 12:4

Inooín tari oó', «Taa malguská, slám taa hara/uuntsindiiká, slám tam gár taa dákw heéwaá ilaót i káhh.»

1 SAMUELI 26:9

Ala Daudi Abishai guri báy, «Inós mu gaasaar, asma heé taa tsawaár nee AAKOÓ MUNGÚ, guri iimbalaáx ar di/i, heé gu qiítl looloqosaro a heemá iri dakuúsár konká»