1 SAMUELI 12:23 - Biblía Axweesantá Hhohho' ar Mungú 2004

²³ Tam adoorihe amór bartá aninge, aníng AAKOÓ MUNGÚ muwa tlakweemií tleéhh ar kuungá' nuwa maw aleefirooro, ala nun intsaahhatís baraá lohaá hhoe nee awa ganaa'ae.

1 SAMUELI 12:23 Iomraidhean Croise

1 WAAWITÁ 8:36

na'ás, iiarií qaaseek gawaá doorí wa ale, tlakweemaá sagadiyuuseerók, mukók oo Israeli gurtlaweek, ki intsaahhatís loohirók ar ganaa' kawa eehari. Tluwaay huweek baraá yaamuuwók kukae, kuká' taa mukók i hanís tawa kooín.

2 QOM'I 6:27

na'amaamis, kuúng iiárií qaaseek gawaá doorí wa ale, tlakweemaá sagadiyuseerók gurtlaweek, mukók oo Israeli, qoomár bira intsaahhatís adór hhoo' ar nir hootiia. Daqaní AAKOÓ MUNGÚ, kuúng tluwaay ku hanís baraá yaamuuká' awa mukók, kudá' kuúng taa inooín i hanís tawa aalir'ín.

WARA'AMI 122:6

Yerusalemu aleefiririmaak i waydúr hot. «Mukdá' sleémeero kiíng i slaá' ta hooti ar amohhooa.

WARA'AMI 34:11

Qwalaasaré', kuungá' ná/ii, iiárií qaasaré', án kuungá' nu intsaahhatimiís adór AAKOÓ MUNGÚ kur ilaiwawa/a'.

WARA'AMI 34:12

A heemá heé slafíngw slaá'? A heemá heé hootaá amohhooa awa deelór yaariir gi slaá'?

TI'INAANGW 32:30

Looitleerós Mose muu guri báy, «Kuungá' tlakweemaá ur iga tlehhé', nee hám daxta a tsa/ám gawa amór AAKOÓ MUNGÚ, doóqa wayda gu ya/án daanduú tlakweemaahúng kwisingae.»

AXWEESANOÓ SAGALOOA 4:11

Ugwa intsaahhatís loohír sagalooaro, nee ugwa geerahaár ar baraá loohír qoom.

DAHARUSMO 12:10

Daharusmo /ayma'aá sla'atimiisá' gina leelehhahhiít nee axweesantá looeema gari gooín ar inkihhimu.

ISAYA 30:21

Baraá loohiro bar papaaslá' bartá doó basáy laqaá ar doó /iyáy, afo aqo axasá' amór aluuhúng ar kah, «Loohi a tí, loohirí nar oohaak.»

YEREMIA 15:1

Naagáy AAKOÓ MUNGÚ aníng iri báy, «Tam geera Mose nee Samueli i sihhitiia dír geeraaeé' as iwa firina', tam adoorihe aníng mukwí u baloó gurtlawaaká. Dir'eene amór saaw tay hiinges, diirihe ni quutliye'.

YEREMIA 27:18

Barnaxes inooín an aaruuse, nee kinga ya/aáw nee AAKOÓ MUNGÚ, gimáy, inooín AAKOÓ MUNGÚ Aleesleemusmo ngu harhheehhe'eesiye', as xoslaadá' aa met baraá Doó AAKOÓ MUNGÚ, nee baraá doó waawutmoó Yuda, nee baraá gixsár Yerusalemu, makawa ar tláy ay yaamaá Babuloni.

YEREMIA 42:4

Aarusmo Yeremia giri báy, «Aníng kuungá' naa axaás. Ga/aawaak, aníng kuungá' nu aleefiriím dír AAKOÓ MUNGÚ, Munguúhunge as firorhúng tisíng, nee umuúqo gaaro ar AAKOÓ MUNGÚ kuungá' nuwa mu/aywaáts aníng ngi oó'. Aníng gár ni kuungá' wa luu/ i káhh tam ar wák.»

YEREMIA 6:16

AAKOÓ MUNGÚ i kaahi, «Sihhiité' dír waatsarár loohi, nee ta qaytsitá', nee muruudá' aáng aa tleehharuumiit yaahasaak. Leelehhaak didár loohír ganaa' i diri', ka eehadá', daqaní kuungá' wayda u sleerá' baraá munerhunge. Ala inooín i kaahiya', ‹Atén loohisíng a eeharanaaká.›

Tlehhema'aá ya/Abuuse 12:5

Petro kuna xún baraá doó tseegamór wa ale. Ala múk kríshaanáy Mungú guna firín ar ilakaaharu as inós.

Tlehhema'aá ya/Abuuse 20:20

Aníng kuungá' /aymuú nuwa /iít i kaahh. Ala umuúqo gaaro baraá axweesantá Munguhe ana alki/iít, nee ana intsaahhatimís ar geehhoeema laqaá tam baraá maraay, as alee/isayhúng.

Rumi 1:9

Asma Mungú kwí án ni sagadiyuus ar muunaáeé', Ya/abtoorí hho' ar Garmaawós ngiwa alki/iít, inós a lamabu'usmooeé' adór kuungá' nur inslasláw baraá firooro umuúqo daqto, ga xuu' adór kuungá' án nur aleefiririím umuúqo daqto.

1 Korinto 9:16

Asma aníng tam a Ya/abtór hhó' alki/iita, gár tir xirfayees i káhh. Asma gaarí a gadiyér tinda aníng i haniís, a gár ni baqaaká tleehhamooro. Aníng Ya/abtór hho' bar alki/iitaaká, a tsaxwaaeé'.

Kolosai 1:28

Inós an kwí ni alki/iitaan, muu sleémeero un gurbu'uumaán. Umuúqo heewo un intsaahhatimiisaán ar sagalooa sleémeero tidá' Mungú ni amoorén i hanmiisi. Asma gár ta sla'aan a umuú heewo un amohhe'eemisaán iwa sihhiiti dír geeraá Mungú tawa heé aa kwaa/ baraá Kristoowo.

Kolosai 1:9

Gawaá adoorihe iimír kaangwí kuwa axaasaán, atén kuungá' naa mawaaniiká aleefirooro. An firiiriimaán as Mungú nuwa sagalooárí haniisi nee aleesleemuú amór Qeeruú hhoohhoó' oo Mungú daáhh, as sla'aarirós kawa tsaahha hhe'esa'.

1 Tesalonike 3:10

Xweera nee tlaatla/aango Mungú un ló'wa firiirimaán as gitsee/erhúng ngiwa malé araan, nee muruudá' aa /aaruy baraá haratlintaaorhunge kuwa /abeesaan.

2 Timoteo 1:3

Munguúwí ni sagadiyuus ar muunuú hhoohhoó' iimír taati'iieé' wa ale un ló'wa sluufmiís. Aníng kuúng u baloó gunqareesaaká aleefirooro tlaatla/aangw nee xweeraawo.

1 SAMUELI 12:19

Muu sleémeero Samueli kuri báy, «Ti aleefiriin, ataá lawaaleerók dír AAKOÓ MUNGUHE, Munguúwók, as mawa qatlaán, asma tlakweemaarén iga doogaán, sleémeero ar tlaákwarí waawutmo kuwa gurií ba/aán.»

1 SAMUELI 8:6

Ala axweesantír xoorór Israeli iwa waawutmoó iinus Samueli guri gurboo/és, Samueli AAKOÓ MUNGÚ guri firór áy.