1 SAMUELI 12:22 - Biblía Axweesantá Hhohho' ar Mungú 2004

²² AAKOÓ MUNGÚ mukós gu geexayká as ilaiwa/amér umuuwós kudá' iia tleér, asma AAKOÓ MUNGÚ adoorí guna sla'atís ar kuungá' nuwa mukósuú kilá' tleehhi.

1 SAMUELI 12:22 Iomraidhean Croise

1 WAAWITÁ 6:13

Aníng an hoót tla/ángw múk Israeli wa ale, muk'eé' kwí oo Israeli u baloó geexawaaká.»

1 WAAWITÁ 8:57

AAKOÓ MUNGÚ, Munguúrén ta dinkwa nee atén, adoodá' ira dinku'umaamiís nee baabi'iirén, atén mitiwa máy, laqaá mitiwa gunqareés.

2 WAAWITÁ 14:27

Ala AAKOÓ MUNGÚ aáng gaa ooiiká ar múk Israeli kuwa hhaamisi ló'wa alé baraá yaamuwo. Gawaá adoorihe guri ba/amís ar loohír waawutmo Yeroboamu garmoó Yoashi.

2 WAAWITÁ 21:14

Aníng aalir'eé' tidá' aa met an kwaáhh, inooín ngiri haniís dír wakuuser'ín, inooín tay maraando nee sluqór wakuuser'ín.

1 QOM'I 28:9

Daudi Solomon guri báy, «Kuúng garmaaeé' Solomon, Munguú baabuúwók xueek, inós sagadiyuuseek ar muunaáwók sleémeero nee ar tsáp. Asma AAKOÓ MUNGÚ inslawoó muu sleémeero gun tsee/aarín, nee umuúqo gár ta qoomeemesi gan tsatsahhán. Barnaxes kuúng inós ugwa leeléhh u sleér, ala bar ugwa sí', inós un geexáy ay alhhe'eesay wasle.

2 QOM'I 15:2

Inós iri tláy waawutmo Asa guri al'áy gway báy, «Aá waawutmo Asa, nee muu sleémeero oo Yuda nee oo Benyaminiwo, aníng iiárií qaasaré', AAKOÓ MUNGÚ a dinkwa nee kuungá', barnaxes kuungá' a dinkwa nee inós. Kuungá' bura leelehhé' u sleerá', ala bura geexeeré', inós sleeme kuungá' nu geexáy.

NEHEMIA 9:17

Niri iialooeesi'iiká, muruú waa/oo/amo oo taa tla/angw'ín wa tléhh ngwa inslay'iiká. Da/ewer'ín ngay gawdesiyé', geeraharusmo ngway qaasiyé' oo gi ki/ís baraá lawaali'iimár yaamaá Misri. Ala Mungú, kuúng tu inslaáhh gurtleemuwo, a gurtleemuú koón nee tsuuqaawo, kuúng tu inslahheeká buhhtaawo. Kuúng sla'aarirók i warqeeraaká, as adoorí inooín iga kwahhká.

WARA'AMI 106:8

Ala tam adoorihe gina ba/amís as umuuwós, as aleesleemuuwós oo úr nguwa laqan.

WARA'AMI 94:14

Asma AAKOÓ MUNGÚ mukós gu mayká, aalirós ga gunqareesiiká.

TI'INAANGW 32:12

Ahaá waáy, gár múk Misri tas ooi, ‹Aáng gár tlaakw gana qo qoomeés daanduuine, inooín gina baraá yaamuuká' wa duúx as ngiwa tsu/utár ay gawaá tlom'i nee ngiwa hhaamisi gawaá daanduú yaamuwo.› Buhhtaasingá' xaraaslá' maweek, warqáw baraá inslawaysíng tlákw ta koon daanduú mukoge.

ISAYA 37:35

Asma aníng gixsarí an xuúm nee an ba/amís daanduueé' wá ale, nee as daanduú sagadiyusmooeé' Daudi.› »

ISAYA 41:17

Múk narkuute nee oo gaa wásl bir ma'aá leelehhiitiyá', ma'aay i kahhiyá' waxeero hhehhuuín birna kahiyé'. Aníng AAKOÓ MUNGÚ i mu/aywaáts, Anuú Munguú Israeli i geexawaaká.

ISAYA 42:16

Aníng múk taampu un geerahaár ar loohír i baloó xuiaaká. Inooín in geerahaár baraá loohír ni xuiaaká, Giwtír geeraaín an warqeés tawa gwa/aateema, yaamaá wa/eeraá koomá' in tlapu tleéhh. Adoorí an adór ni tleehh. Nee án inooín i geexawaaká.

ISAYA 43:25

Anínguú kilá' an kudá' tlakweemaahúng gi hamtliít as aníng kilooeé'. Aníng tlakweemaahúng i baloó inslawaaká.

ISAYA 43:7

Umuúqo heewo oo taa ateét ar umuueé', kudá' naa tleéhh as xirfueé', kudá' naa buqumbuquúm nee naa tleéhh.»

ISAYA 48:11

Adoorí an tleéhh as daanduueénuú kilá'. Asma waáy gár umuueé' kus waaqaqai? Aníng xirfuueé' u baloó heé hatlá' i haniisaaká.

ISAYA 49:15

AAKOÓ MUNGÚ i kaahi, «Xáy, /ameeni na/aywós kudá' i du'umis gunqo gunqaarésa, xáy, iqo ya/aánda iwa gurtleemuú koondaaká dír maamár waqaantirose? Tam inós ngu gunqaaresa, ala aníng kuungá' nu baloó gunqareesaaká.

ISAYA 63:8

Asma inós ina oó', «Looeemaawo mukwí a muk'eé', na/iieé' kudaá al/aymuuseerooká.» Nee inós tari ba/amusmooín.

YEREMIA 14:21

Atén miti aahhaar as daanduú kuúng kilók. Kitaangók kuduú xirif mu mureekeesaar, inslaweek alqadoodá' taa qás dirén i aleeró.

YEREMIA 14:7

Muk'eé' iga i /aá/ tawa kaahi, «Tam tlakweemaarén i lamaabu'uná' daandeemorene, AAKOÓ MUNGÚ atén kuúng ti alee/is as kuúng kilók, dee/aanurén ku úr, atén kuúng ugwa tlakweemáy tleehhaán.

YEREMIA 14:9

Ahaá waáy, kuúng misti ilaqaamís tawa adór heé aa sagaqwaar, adór pihhusmoó hee alee/isaro gu aleeslawaaká. Ala tam adoorihe, kuúng, AAKOÓ MUNGÚ, a dinkwa nee atén, nee atén tina ateét ar umuuwók, atén a mukók. Miti mawaar.»

WA/AA/I 5:20

Ahaá, atén mista gunqaarés ay kureeraá kureér? Waáy, mista kwáhh deelór yaariire?

ESEKIELI 20:14

Ala aníng tina kilooeé' ilaa/, as ilaiwa/amér umuueé' makawa waaqaá' nee xoorduudá' ngaa ariye', qoomár inooín ngiwa duúx baraá yaamaá Misrír wa aleeró.

ESEKIELI 20:9

Ala aníng adoorí tleehhamooro ana máw as ilaiwa/amér umuueé', as kahhó' mukuwa waaqaqaá' nee xoorduudá' nee inooín alhootá', kudá' ngaa ariye', aníng tiwa xu'utís ngiwa duúx baraá yaamaá Misrír wa alé.

MALAKI 1:2

AAKOÓ MUNGÚ i kaahi, «Aníng kuungá' naa slaá'.» Ala kuungá' a kata', «Adór tira slá' a adoomá?» AAKOÓ MUNGÚ i kaahi, «Ahaá, Esau a hhiyoó Yakobowookáhe? Aníng Yakobo ugwa slaá',

Matayo 11:26

Eeít, Baabá, asma adoorí an adoodá' kuúng kara slá'.»

Yohana 15:16

Aníng kuungá' iga tsawdi'iiká, ala a án kuungá' nuna tsawaár, nuri qaás as mamu kiwa laqwaalár eera', nee mamuuhúng iwa hootiya', as tidá' sleémeero ta firiinda' ar umuueé', Baabá ngiwa haniisi.

Rumi 11:1

Gawaá adoorihe aníng an yaahaás, «Mungú mukós gwa sí'i?» Aasla'áy. Gwa si'iiká. Asma tam anuú kilá' a heé Israeli, oo xwaylár Abrahamu, oo tlahhoó Benyamini.

Rumi 11:29

Asma Mungú gurtleemuú aa haniís gu alki/iiká, nee slám hee bar ngwa tsawaár, gu si'iiká aluuwo.

1 Korinto 4:7

Asma heé kuúng ugwa iia tleerees ta múk hatlae a heemá? Kuúng gár ta koon i deéro ar taa tawó sleeriiká dír Munguhe. Ala bar kuúng aga tawó sleér, ahaá ala, kuúng mas daara/aán adór heé gaa gaa tawó slayká?

Efeso 1:12

Asma a sla'aarirós atén tawa xirfuuwós tleehhitaan baraá Kristowo, ateédá' Kristo ugwa geerií harahhifoórí gaasaan.

Efeso 1:6

Adoorí gana tleéhh as atén tsuuqaawós kuká' xiríf kiwa ló'wa ilaiwawa/aan, as adoodá' inós tira ló'wa tsuúq, qoomár Garmaawós kuduú sla'aarusmo nguwa atén i haniís.

DABE 14:2

Asma kuungá' a múk hhohhó' oo AAKOÓ MUNGÚ, Munguúhúng. Kuungá' AAKOÓ MUNGÚ naa tsawaár as tawa mukós dír tla/ángw múk gawaá daanduú yaamu sleémeero.

DABE 31:17

Baalaadae aníng inooín ngiri i daa/atúw buhhtaawo, aníng ngiri geexáw, ngiri alaá xu'ús, inooín kiri hhaamiis. Slahh'amaayér yaariir giri sleér, nee ngiri tsaahhiyá' adór gár slahh'amuudá' ngusa slayé' a as Munguúín tawa dinkwaarooká nee inooín.

DABE 31:6

Kuungá' /atlé', nee munehhe'eesé'. Mada'ayumiitaara', laqaá munduwa dae tlaaqiyé'. Asma AAKOÓ MUNGÚ, Munguúhúng nee kuungá' tin alkoondá', inós i surukiiká dirhunge nee nu geexayká.»

DABE 31:8

AAKOÓ MUNGÚ kuungá' nun geerahaar. Inós nee kuungá' a dinkwa. Inós i surukiiká dirhunge, laqaá nu geexayká. Mada'ayumiitaara', laqaá ma amoqwaqwadimara'.»

DABE 7:6

Adoorí tleehhaak, asma kuungá' tunda paraátl as AAKOÓ MUNGÚ, Munguúhúng. Kuungá' AAKOÓ MUNGÚ nuna tsawaár baraá tla/ángw xoorduuwo as tawa mukós oo kilá'.

DABE 9:5

Yaamuuín kuungá' i ala'aaká as kuungá' tawa hota gana'a', laqaá munerhúng kawa hhohhó', ala AAKOÓ MUNGÚ, Munguúhúng mukwí gun geeraahúng wa gusiisín, asma inooín kiwa tlákw, nee axweesantós tidá' aa lo'ór wa /aáy dír baabi'iihúng, Abrahamu, nee Isaka, nee Yakobo gan gawdeesár wa slaa'.

Filipi 1:6

Gár án ni haratlintatii' a tí, kudá' gadiyér hhoo' gaa iimu/un baraá munerhunge, inós gadiyeédá' ga alhhe'ees ay bál deelór Kristo nay xeer.

Ebrania 13:5

Kuungá' ti harmagahhe' gawaá sla'aarír peesaaro, ala muruudá' kuungá' ta koonda' i bu'uuti dirhunge. Asma Mungú inósuú kilá' ina oó', «Aníng kuúng u gaa wa /aaruwaaká, slám u baloó mawaaká.»

YOSHUA 7:9

Múk Kana'ani nee muu sleémeero oo baraá yaamuudá' i dirií' kaangwí bur ngwa axaasiyé', atén tin harweeriyá' tiri hhaamiis, aluuwo daqaní kuúng adór umuuwók kudá' xiríf kur iiatleeres?»

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.