1 SAMUELI 12:2 - Biblía Axweesantá Hhohho' ar Mungú 2004

² Hám daxta qaytsité', waawutmo kuungá' nun geeraharahaar, aníng aga diím, saga al/awtani gwaa gás, qaytsité', kuungá' nee daaqay'eé' a dinkwa, aníng kuungá' nuna geeraharahaár iimír masombi'iimar'eene, tay laarí.

1 SAMUELI 12:2 Iomraidhean Croise

WARA'AMI 71:18

Tam aníng aga diimi, tam al/awtantá kooma, kuúng Mungú, án mi geexawaar, ay dír /uuruuwók nee uraywók ngway oo' dír qari sleémeero ar aluú wa hardah.

FAARO 27:17

Inós inooín gi geeraharahaar bar ta iwiiwiit nee bar ta hi'iimiit. Bar ta slaqwarár áy inós ta geeraharumooín, as kahhó' mukók miwa adór bee/ángw de'eemusmo wásl tleehhiít.»

2 Timoteo 4:6

Asma aníng daxta ti ilahhooár wa haniis, nee qoomár gwa'arar'eé' naa hardát.

YOSHUA 23:1

Alaá qoomár tleere AAKOÓ MUNGÚ xoorór Israeli gari waydií haniís, slaqwarár nee wakuuser'ín iri fák badu sleémeero, qoomaarihe Yoshua a aakoó kureeraá yaariir gaa /aay.

YOSHUA 23:2

Yoshua múk Israeli sleémeero guri dinkwárí ateét, bariiser'ín nee geeraharuuseero nee har'ohuuseero nee múk urene, giri báy, «Hám daxta aníng a aakoó aa ló'wa din,

2 Petro 1:14

Asma aníng a xuú' adór qooma ira naká/ ar aníng niwa gwaá'. Asma Aakoorén Yesu Kristo aníng iga ádbáy.

1 SAMUELI 2:22

Qoomaadae Eli a aakoó aa din, inós kangwdá' sleémeero na/iiwós naa tlehhiitiyé' dír múk Israeli guna axaás, nee adoodá' /ameenadá' gadiyumamiis dír afkú heémadár Mungú wa ale ngir haraqatuú aa'aya'.

1 SAMUELI 2:29

Ahaá waáy gur'e munda har ohiín as ilahhooar'eé' ar muruú ta tsu/i, nee ilahhooadá' án naa hara'ayiím, kuúng na/iiwók kiri ilaiwá/ ta aninge, slaqoohúng kiri tlehhé' ar wa/aameedá' hho' ar ilahhooar'eé' sleémeero tidá' tinda huúw nee muk'eé' oo Israeli.›

1 SAMUELI 3:10

Aluuwo Aakoó Mungú nay hardáh, iri sihhiít, iri ateét adór geeraá wa alé «Samuéli! Samuéli!» Samueli iri oó', «Ilawatsáng Aáko, asma sagadiyusmoowók i axmiis.»

1 SAMUELI 3:13

Asma una ádbaabáw adór do'ós ngur sakwasleemuút kureerisleém, as tlakweemaadaá do'ós i xui, ar daaqaywós iwa aníng /oosliislin, ala inós gwaa har'oohiiká.

1 SAMUELI 3:16

Naagáy Eli Samueli guri ateét, iri oó', «Samuéli, garmaaeé'.» Samueli iri oó', «Án areeng.»

1 SAMUELI 8:1

Qoomár Samueli iwa dín, daaqaywós guna har'ohuusér múk Israelír wa qaás.

1 SAMUELI 8:20

as kahhó' atén a slaqmís nee xoordaá hatlá' sleémeero, waawutmo kwasleemadurén ngin tlaaq, slám masók ti geeraharahaar, nee ti aleeslaaqw baraá slaqwaraaro.»

1 SAMUELI 8:3

Ala daaqaydá' loohidaá aakoó dooín kaa eehariiká, ala nina warqayé' baraá daqaari'iima leelehhit ar lohdaá slukma, nee kwasleemadaá muu kiri paslmís.

1 SAMUELI 8:5

Kuri báy, «Qaytsiít, kuúng aga diín, nee daaqaywók loohirók gaa eehariiká, gimáy, waawutmoorén slawang oo ti sawaawuti'iím ar adór xoorduuqaá hatlá' sleémeero.»