1 SAMUELI 12:19 - Biblía Axweesantá Hhohho' ar Mungú 2004

¹⁹ Muu sleémeero Samueli kuri báy, «Ti aleefiriin, ataá lawaaleerók dír AAKOÓ MUNGUHE, Munguúwók, as mawa qatlaán, asma tlakweemaarén iga doogaán, sleémeero ar tlaákwarí waawutmo kuwa gurií ba/aán.»

1 SAMUELI 12:19 Iomraidhean Croise

IIMU/UUNGW 20:7

Ala daxta, /ameenisíng ki/iseek, asma Abrahamu a aarusmo, inós kuúng u aleefirín hota kiwa sleer. Ala kuúng barnaxes aga ki/iská, xueek, ar looeemaá kilae kuúng a gwá' nee mukók sleémeero.»

YOBU 37:13

Barnaxes an ar kángw hhó' laqaá ar kángw tlákw, laqaá ar gurtleemuwose, heé kaangwí sleémeero gu tlehhiít a inós.

YOBU 42:8

Gawaá adoorihe awér faanqw slawaak nee gwaandaawér faanqwe, daqaní ta tleerá' amór sagadiyusmooeé' Yobu hikwaasíng ki ilahhooár da/a/ángw wá hanisá', as daandeemoohúng, Yobu kuungá' nu aleefirin, aníng firoorós a ya/aám, as kahhó' kuungá' munduwa alsihhiít as daktu'umarhúng tisíng, asma looeema iga kati'iiká daanduueene adoodár sagadiyusmooeé' Yobu ira axweés.»

TI'INAANGW 10:17

Aníng kuungá' nu harhheehhe'eés, gurtlawaaré' waiika' kilose, AAKOÓ MUNGÚ Munguúhúng gwa'ararí ngi hingeesi dir'eene.»

TI'INAANGW 32:30

Looitleerós Mose muu guri báy, «Kuungá' tlakweemaá ur iga tlehhé', nee hám daxta a tsa/ám gawa amór AAKOÓ MUNGÚ, doóqa wayda gu ya/án daanduú tlakweemaahúng kwisingae.»

TI'INAANGW 9:28

AAKOÓ MUNGÚ firiimare', kwarara/aarí nee tluwaywuú tlaa/eewo oo AAKOÓ MUNGÚ a ido daxta. Aníng nu geemáw, ma baraakaá wa male hootara'.»

ISAYA 26:16

Aá AAKOÓ MUNGÚ, qoomár niwa slahhahhaiya' nina amorógí /akumitiyé', qoomár kuúng kiwa slahh'eemís, kuúng uri firariné'.

YEREMIA 15:1

Naagáy AAKOÓ MUNGÚ aníng iri báy, «Tam geera Mose nee Samueli i sihhitiia dír geeraaeé' as iwa firina', tam adoorihe aníng mukwí u baloó gurtlawaaká. Dir'eene amór saaw tay hiinges, diirihe ni quutliye'.

YEREMIA 27:18

Barnaxes inooín an aaruuse, nee kinga ya/aáw nee AAKOÓ MUNGÚ, gimáy, inooín AAKOÓ MUNGÚ Aleesleemusmo ngu harhheehhe'eesiye', as xoslaadá' aa met baraá Doó AAKOÓ MUNGÚ, nee baraá doó waawutmoó Yuda, nee baraá gixsár Yerusalemu, makawa ar tláy ay yaamaá Babuloni.

YEREMIA 37:3

Waawutmo Sedekia Yehukali garmoó Shelemia dinkwa nee kaahamusmo Sefania garmoó Ma'aseya gina ya/aáw amór aarusmo Yeremia nguwa baya', «Atén ti aleefiriin dír AAKOÓ MUNGÚ, Munguúrene.»

YEREMIA 42:2

tari amór aarusmo Yeremia káy, nguri bayé', «Na'amaamís, firoorén iiárií qaaseek nee ateéká' aga meetaan ti aleefiriin dír AAKOÓ MUNGÚ, Munguúwoge, (Asma atén aáng ti ló'wa úr, ala hám a peeroó tawo, adoorí hamí kuúng kar ga/eera.)

MALAKI 1:9

Ala daxta aníng kuungá' nu firiím, gurhhooár Mungú na firiimaak, as tiwa gurtlay. Barnaxes muruú adoosíng i baraá dabaahúng daahh, xáy, Mungú nuqo hhoeemií tleéhhi?

FAARO 21:7

Naagáy, muu iri tláy amór Mose, nguri bayé', «Tlakweema iga tleehhaán qoomár AAKOÓ MUNGÚ nee kuunge nuwa i qununu/aán. AAKOÓ MUNGÚ firiimang daysheerí ngi hingeesi.» Gawaá adoorihe Mose muu guri aleefirín.

Tlehhema'aá ya/Abuuse 8:24

uduú qwaslaarmo iri oó', «Án aleefiriimaaré' dír Aakoowo as muruusíng sleémeero naa aníng i katé' iwa pa/i.»

Yakobo 5:15

Barta firín ar haratlintaao, tiqtusmoodá' iri tu/uut, Aako guri hungu/uus. Nee bar tlakweema ngaa tleéhh, ki gurtláy.

1 Yohana 5:16

Hee bar hhiyaawós gwa ár, i tlakweemaá tlehhiit, ala a tlakweemaá gwa'arár kooma'aaká, ngu aleefirin, nee Mungú gu slafíngw i haniis. Ala firoorí a har dír mukdá' tlakweemaá gwa'ara gaa tleehhiiká. Tlakweemaá gwa'arár koomá' i dayá'. Aníng a kaahaaká ngu aleefirin as tlakweemaaká'.

1 SAMUELI 12:13

«Ala hamí ga/aawaak waawutmoó taa tsawdé' nee oo taa slaé' ga/aawaak, AAKOÓ MUNGÚ waawutmohúng ngwa qaás.

1 SAMUELI 12:17

Laarí ahaá a baalaadár bu'úngw angaánoówóke? Án AAKOÓ MUNGÚ un firiím, as kahhó' kwarara/a nee tluwaay ngiwa huwi, daqaní kari tsahhá' adór tlakweemaahúng kudá' ta tlehhé' dír ilaá AAKOÓ MUNGÚ wa alé, nira tlahhiyé' kángw kilá' wa alé as waawutmo kuwa gurií ba/é'.»

1 SAMUELI 12:20

Samueli giri báy, «Ma da'ayumiitaara', a ló' tlaákwarí sleémeero aga tlehhé', ala ma warqawaara' AAKOÓ MUNGÚ kuri meerá' eeharto, i hariín AAKOÓ MUNGÚ kuwa sagadiyusa' ar munerhúng sleémeero.

1 SAMUELI 12:23

Tam adoorihe amór bartá aninge, aníng AAKOÓ MUNGÚ muwa tlakweemií tleéhh ar kuungá' nuwa maw aleefirooro, ala nun intsaahhatís baraá lohaá hhoe nee awa ganaa'ae.

1 SAMUELI 7:5

Samueli iri oó', «Múk Israeli sleémeero burumburaak Mispa, daqaní aníng nu alefiriím dír AAKOÓ MUNGÚ.»

1 SAMUELI 7:8

Xoorór Israeli Samueli guri beér, «Miti mawaar alefirooro dír AAKOÓ MUNGÚ, Munguúrene, as atén tiwa ba/amisi dír dabaá mukuú Filistiro.»

1 SAMUELI 8:6

Ala axweesantír xoorór Israeli iwa waawutmoó iinus Samueli guri gurboo/és, Samueli AAKOÓ MUNGÚ guri firór áy.