1 SAMUELI 12:17 - Biblía Axweesantá Hhohho' ar Mungú 2004

¹⁷ Laarí ahaá a baalaadár bu'úngw angaánoówóke? Án AAKOÓ MUNGÚ un firiím, as kahhó' kwarara/a nee tluwaay ngiwa huwi, daqaní kari tsahhá' adór tlakweemaahúng kudá' ta tlehhé' dír ilaá AAKOÓ MUNGÚ wa alé, nira tlahhiyé' kángw kilá' wa alé as waawutmo kuwa gurií ba/é'.»

1 SAMUELI 12:17 Iomraidhean Croise

WARA'AMI 99:6

Mose nee Aroni sleeme an geeraharuuseerós ar saaliingw, tam Samueli a heé wák baraá tla/ángw kudá' AAKO ngwa firiirine'. Inooín sleémeero AAKOÓ MUNGÚ nguna i /aa/aminé' nee inós giri mu/aywaáts.

TI'INAANGW 32:30

Looitleerós Mose muu guri báy, «Kuungá' tlakweemaá ur iga tlehhé', nee hám daxta a tsa/ám gawa amór AAKOÓ MUNGÚ, doóqa wayda gu ya/án daanduú tlakweemaahúng kwisingae.»

AXWEESANOÓ SAGALOOA 26:1

Adoodár tlaa/aá tluwaay ir weeqaweeqitiya' tsee/amango, nee adoodár tluwaay ir harinká qoomár fiqituuwo, tam daktani sleeme i ilaiwa/amér wa harindaaká.

YEREMIA 15:1

Naagáy AAKOÓ MUNGÚ aníng iri báy, «Tam geera Mose nee Samueli i sihhitiia dír geeraaeé' as iwa firina', tam adoorihe aníng mukwí u baloó gurtlawaaká. Dir'eene amór saaw tay hiinges, diirihe ni quutliye'.

YOSHUA 10:12

Baldá' AAKOÓ MUNGÚ múk Israeli guri baalírí haniís daanduú múk Amoriwo. Yoshua iri sihhiít dír geeraá múk Israeli, AAKOÓ MUNGÚ guri firín iri oó', «Tsee/amá, kuúng sihhiít gawaá Gibeoni, sláhhaangw, kuúng sihhiít baraá xatstá Aiyaloni.»

1 SAMUELI 12:13

«Ala hamí ga/aawaak waawutmoó taa tsawdé' nee oo taa slaé' ga/aawaak, AAKOÓ MUNGÚ waawutmohúng ngwa qaás.

1 SAMUELI 12:19

Muu sleémeero Samueli kuri báy, «Ti aleefiriin, ataá lawaaleerók dír AAKOÓ MUNGUHE, Munguúwók, as mawa qatlaán, asma tlakweemaarén iga doogaán, sleémeero ar tlaákwarí waawutmo kuwa gurií ba/aán.»

1 SAMUELI 2:10

Awa AAKOÓ MUNGÚ tlampa'aamisa' ki suwaatsaat, inós gin slaahh adór dooraá kwarara/a hee ngur slahhiyá'. AAKOÓ MUNGÚ yaamu sleémeero gi sakwasleemuut. Inós waawutmoowós gu /uurií haniis, nee waawutmoowós kudá' taa iimbalaáx ar di/i gu iia tleerees.»

1 SAMUELI 7:5

Samueli iri oó', «Múk Israeli sleémeero burumburaak Mispa, daqaní aníng nu alefiriím dír AAKOÓ MUNGÚ.»

1 SAMUELI 8:6

Ala axweesantír xoorór Israeli iwa waawutmoó iinus Samueli guri gurboo/és, Samueli AAKOÓ MUNGÚ guri firór áy.

1 SAMUELI 8:7

AAKOÓ MUNGÚ Samueli guri báy, «Afór mukwí iiárií qaaseek baraá /aymuú niqo kuúng bay'a, asma inooín kuúng ugwa si'ii'iiká, ala a aníng ina si'iyé', tawa waawutmooín.