1 SAMUELI 12:11 - Biblía Axweesantá Hhohho' ar Mungú 2004

¹¹ AAKOÓ MUNGÚ Yeruba'ali, nee Baraka nee Yefta, nee Samueli gina ya/aáw, kuungá' nuri tu/iyé' baraá dabaá wakuuserhúng wa ale bihhe sleémeero, kuungá' tari hoté' ar amohhooa.

1 SAMUELI 12:11 Iomraidhean Croise

2 WAAWITÁ 13:5

AAKOÓ MUNGÚ múk Israeli guri geeraharusmoó i sláy oo gaa tuu/ dír múk Aramu wa ale. Tari hoót ar wayda ar adoodár geera.

1 QOM'I 7:17

Garmoó Ulamu a Bedani. Mukwí an xwaylár Gileadi, garmoó Makiri, nángw naangoó Manase.

HAR'OHUUSE 4:6

Inós iri ya/abiín amór Baraka, garmoó Abinoamu, yaamuloousmoó Kedeshi, baraá yaamaá Naftali, guri beér, «AAKOÓ MUNGÚ, Munguú xoorór Israeli, kuúng un babay, ‹Tláw, mukók sleémeero burumbureek gawaá tloomár Tabori, múk kume mibaangw oo xoorór Naftali nee oo xoorór Sebuluni.

HAR'OHUUSE 6:14

AAKOÓ MUNGÚ iri warqáy amór Gideoni guri báy, «Tláw ar /uuruuwók kwí úr, múk Israeli tu/ang gawaá dabaá múk Midianiwo. Ahaá heé kuúng u ya/abiít a aningeekáhe?»

HAR'OHUUSE 6:31

Ala Yoashi mukdá' sleémeero nee inós ti tlaampa'amisá' guri báy, «Xáy, kuungá' Ba'ali un aleekal/aandaá'a? Laqaá un alee/imisá'a? Heé Ba'ali gu aleekal/aám ku gaasi matlaatleerír kilae, barnaxés inós a Mungú, ti aleekalaa/i, asma gár taa feé/ a kitángw inós kuwa ilahhooárí hanmaamisi.»

HAR'OHUUSE 6:32

Naagáy iimír baalaadae Gideoni kuri umuú i tsaát kuri báy, Yeruba'ali, asma gídaabarós a, «Ba'ali ti kilós aleekalaa/i.» Asma gár taa feé/ a kitaangós oo ilahhooa.

HAR'OHUUSE 7:1

Gideoni kudá' ta bay Yeruba'ali nee mukós sleémeero matlaatleero nina tseewa tlayé', xafay'ín nguri tleehhiyé' bihhaá kutltá Harodi. Múk Midiani xafay'ín ngua tleehhiyé' bihhaá /iya, baraá xatsa didár geetuú More.

HAR'OHUUSE 8:29

Gideoni kudá' ta bay Yeruba'ali garmoó Yoashi, iri waátl amór do'ós iri amoodá' wa hoót.

HAR'OHUUSE 8:35

Slám inooín múk doó Gideoni ngwa hhooeemáy tleehhi'iiká ar adoodá' Gideoni hhooeema ngira tleéhh baraá Israeliwo.

1 SAMUELI 3:20

Xoorór Israeli sleémeero, iimír yaamaá Danír wa tleemu ay Be'er-sheba, kari tsaáhh, adór heewí ta bay Samueli tar aarusmoó AAKOÓ MUNGÚ.

1 SAMUELI 7:13

Gawaá adoorihe múk Filisti kuri arbaá/, tam yaamaá múk Israeli ngaa male kala/ii'iiká, AAKOÓ MUNGÚ múk Filisti guri ilaá/ deelo sleémeero ar Samueli iwa slafi.