1 SAMUELI 11:15 - Biblía Axweesantá Hhohho' ar Mungú 2004

¹⁵ Múk aáng sleémeero tari tláy ay Gilgali, Saulo kuri waawutmoó wa qaás dír geeraá AAKOÓ MUNGÚ baraá Gilgali. Ilahhooár wayda ar muruú ta tsu/i kari haniís dír AAKOÓ MUNGÚ. Saulo nee muu sleémeero oo Israeli tari qwalalaá/ kángw kilá' wa ale.

1 SAMUELI 11:15 Iomraidhean Croise

2 SAMUELI 19:15

Naagáy, waawutmo nari hardáh dír yaaér Yordani, nee múk Yuda sleémeero tindina hardáh Gilgali, as waawutmo nguwa al'aya', kunguri waarahhaas yaaér Yordaniro.

TI'INAANGW 24:5

Naagáy masoombár Israeli gari ya/aáw as AAKOÓ MUNGÚ kuwa ilahhooár da/a/ángw i haniisi, nee awér ta ilahhooár wayduú wa haniisi ngiwa tsu/iya'.

Yakobo 4:16

Ala hám daxta kuungá' a daara/aandá', nee ti kiloohúng xirfayeemisá'. Ala daara/aangwí sleémeero ku tlaákw.

1 SAMUELI 10:17

Naagáy Samueli muu guri burumbuúr geeraá AAKOÓ MUNGÚ baraá Misparí ale.

1 SAMUELI 10:24

Samueli muu sleémeero guri báy, «Heewí taa tsawaár nee AAKOÓ MUNGÚ u ga/eerá'a, inós nee heé slaqmís i kaahh baraá muu sleémeero.» Naxés muu sleémeero kuri ilaaóh ar afór tsimaahhi, ta kaahi, «Waawutmo sagós fur'a ngu laaleer.»

1 SAMUELI 10:8

Kuúng tari geeraaeé' wa giiriín, ta /ét ay Gilgali, ga/aaweek án niqo amoorógí /eét, asma ilahhooár da/a ngiwa haniis nee ilahhooár wayda ar muruú ta tsu/i. Deelo faanqwe án daamáng ay dír ni hardah, daqaní gár uwa hariim tleehhamooro ngi laqaám.»

1 SAMUELI 12:1

Samueli múk Israeli sleémero guri báy, «Qayté', aníng aforhúng aga iiárií qaás baraá muruudá' sleémeero naa án beeri'i, aníng waawutmoohúng nguri qaás.

1 SAMUELI 12:17

Laarí ahaá a baalaadár bu'úngw angaánoówóke? Án AAKOÓ MUNGÚ un firiím, as kahhó' kwarara/a nee tluwaay ngiwa huwi, daqaní kari tsahhá' adór tlakweemaahúng kudá' ta tlehhé' dír ilaá AAKOÓ MUNGÚ wa alé, nira tlahhiyé' kángw kilá' wa alé as waawutmo kuwa gurií ba/é'.»

1 SAMUELI 8:19

Ala mukdá' afór Samueli kawa iiarií qaasi kana sií', tari oó', «Xáw xeer, atén gár ta sla'aan a waawutmoó atén ti sawaawuti'iím,