1 SAMUELI 11:1 - Biblía Axweesantá Hhohho' ar Mungú 2004

¹ Nahashi heé Amoni, iri waatláy amór Yabesh-gileadi, gixsadá' kari harweér nee mukose, muu sleémeero oo Yabeshi Nahashi guri báy, «Al'axweesani dirén i ooang, daqaní atén kuúng u sagadiyuusaán.»

1 SAMUELI 11:1 Iomraidhean Croise

IIMU/UUNGW 26:28

Inooín nguri mu/aywatsiyé', «Aga araán ar geehhoeema adór AAKOÓ MUNGÚ nee kuúng tar dinkwa. Gawaá adoorihe ana araán i hariín lo'o ngiwa al/ayaan nee kuúng, nee al'axweesani ngiwa tleehhaan,

2 SAMUELI 10:1

Alaá deelór hhaawaaká iwa waaráhh waawutmo Nahashi, oo múk Amoni, iri gwaá'. Garmaawós kudá' ta bay Hanuni kuri waawutmoó wa qaás kitángw baabuúwós wa ale.

2 SAMUELI 10:2

Waawutmo Daudi iri oó', «Hanuni garmoó Nashashi u hhooeemií tleéhh, adoodá' baabuúwós naa aníng i tleéhh.» Daudi ya/abuuse gari ya/aáw amór Hanuni, as kuwa qaytsuú ay, asma baabuúwós iwa kahhuút. Ya/abuuseedár Daudi iwa hardát baraá yaamaá Amoni,

2 SAMUELI 17:27

Daudi iwa hardáh yaamaá Mahanaimu, Shobi garmoó Nahashi oo múk Amoni, kudá' gixsár Rabár daáhh, nee Makiri garmoó Amieli, kudá' gixsár Lo-debarír daáhh, dinkwa nee Barsilai heé Gileadi, kudá' gixsár Rogelímúr daáhh.

2 SAMUELI 2:5

muu guri ya/aáw amór Yabesh-gileadi, as ya/abtoorí kawa ooár ay, kiwa bay, «AAKOÓ MUNGÚ kuungá' nu tsuuqi, asma ilaiwa/amerhúng aga laqaandé' dír Saulo, aakoohúng, as kuwa folé'.

1 WAAWITÁ 20:34

Aluuwo Ben-hadadi iri oó', «Gixsadu sleémeero kudá' baabuúeé' aa dír baabuúwók wa hayóh, aníng ngi ki/ís. Kuúng dír halaanu'uuma kawa tlehh iimu/umeek baraá Damaskoro adoodá' baabuúeé' ngira tleéhh baraá yaamaá Samariaro.» Ahabu iri oó', «Gimáy aníng kuúng u geemáw as adoosíng taa ó'.» Al'axweesani kari qaás, inós kuri geemáy.

1 QOM'I 10:11

Múk Yabesh-gileadi ngiwa axaasiyé' tidá' sleémeero múk Filisti aa tleéhh dír Saulo,

1 QOM'I 10:12

miguuse sleémeero nina tleér, slaqwtá Saulo nee slaqwaá daaqaywose ngay huwiyé' ay Yabeshi. Aluuwo faduuín kiri foól dír gamuú xa'anoó ta/eewi amoodár Yabeshi. Inooín tari gwaawín deelo faanqw.

YOBU 41:4

Kuúng bara ga/eér unqo alqadoórí tléhha? Unqo ilawaali'íta ay kureeraá kureér?

TI'INAANGW 23:32

Kuungá' alqado ma tleehhara' nee inooín, laqaá tam nee munguii'ín.

ISAYA 36:16

Waawutmo Hesekia mu iiárií qamiimara'. Waawutmoó Ashuru i kaahi, ‹Wayda tleehhaak nee aníng, qwalaasé' amor'eé', daqaní umuú heewo sabiíbu qaymoorós gu /aay, nee seituúnirose, nee iri hhekiit baraá hhalaangós oo kilá',

YEREMIA 40:11

Nee qoomár múk Yuda kudá' baraá yaamaá Moabu hoót nee yaamaá Amoni nee awa Edomu, nee yaamaá hatlá' kawa axaás adór waawutmoó Babuloni Gedalia garmoó Ahikamu, garmoó Shafani gura ga/aawusmooín wa qaás.

YEREMIA 40:14

«Xáy, kuúng hám a xúa adór waawutmo Ba'alisi oo Amoni Ishmaeli garmoó Netania ngura ya/aáw as kuúng uwa gaasi?» Ala Gedalia garmoó Ahikamu axweesantí gaa looeesiiká.

ESEKIELI 17:13

Naagáy, heé wák guri waawutmoó wa qaás, oo tlahhoó waawutmo, tina axweesani axaasiyé', guri lo'ór /aymiís. Múk pihh'uumár koóm yaamuudae guna hingeés, gway amór saáw i huúw,

DABE 23:3

«Múk Amoni laqaá múk Moabu tam heé wák, tam ay nángw sagaá wa mibaangw miwa dáh baraá dinku'uumár múk AAKOÓ MUNGÚ,

HAR'OHUUSE 10:7

Ala AAKOÓ MUNGÚ xoorór Israeli gari i buúhh, giri máy kiwa baali nee múk Filisti nee múk Amoni as kiwa sawaawuti'in.

HAR'OHUUSE 11:4

Alaá deelór niinawe, xoorór Amoni xoorór Israeli gari i haratleér.

HAR'OHUUSE 21:8

Ngiri slaiyé' xu'utiro, áx tlahhoó aa daqayká i deéro baraá tla/ángw tlahh'aá Israeliwo baraá dinku'uumár Misparo. Ngiri tsaahhiyé' naxés baraá dinku'uumadae heé Yabesh-gileadi tumu wák oo naa daqay i kaahh.

1 SAMUELI 12:12

Tam Nahashi waawutmoó múk Amoni kuwa aandé' niwa haratláy, kuungá' aníng iri beeré', ‹Atén waawutmoó ti sawaawuti'iím un sla'aán.› Kuungá' AAKOÓ MUNGÚ, Munguúhúng kuri sié'.

1 SAMUELI 14:47

Qoomár Saulo waawuti'iimár múk Israeli ngiwa óh, nee wakuuseerós ar bihhe sleémeero tana slaáqw nee múk Moabu, nee oo Amoni, nee oo Edomu, tam nee waawituú Soba nee múk Filisti sleeme. Umuúqo slaqwarár taa slaqwi, inós aqo ina baalín.