1 SAMUELI 10:7 - Biblía Axweesantá Hhohho' ar Mungú 2004

⁷ Qoomár slaqsi'iiká' bira aán, adór ta aleesleer ka tléhh ar ta sla', asma Mungú i dinkwa nee kuúng.

1 SAMUELI 10:7 Iomraidhean Croise

IIMU/UUNGW 21:20

Mungú nee na/aay ta dinkwa, na/aay iri uráy, iri baraá xaanxáy wa hoót, tari slakaatusmo.

2 SAMUELI 7:3

Natani waawutmo guri báy, «Gimáy adoosíng taa insleér baraá muunaáwoge tleehheek, asma AAKOÓ MUNGÚ a dinkwa nee kuúng.»

YOBU 31:25

barnaxes aga qwalaá/ as daqaari'iimar'eé' kawa yaariír, laqaá as dakw'eé' iwa tleemaai,

TI'INAANGW 4:8

AAKOÓ MUNGÚ Mose guri báy, «Barnaxes inooín taa haratlinti'iiká layarír geeraawo, doóqa tu haratlintii' layarír tsare.

DAHARUSMO 9:10

Gár taa haraasliqít dabaawoge tleehheek ar /uuruwók sleémeero, asma bara gwá', baraá gi'iiwo gadiyeé i káhh, laqaá inslawaay, laqaá xu'uti laqaá sagalooa.

ISAYA 7:14

Gawaá adoorihe, Aako laya ngi kuungá' i haniis, /amaatliito'o i tsít, na/oó garma gu xwayluúr, nee gu umií tsát gu beer Imanueli.

Matayo 1:23

«Ga/aaweek, /amaatliito'o i tsít, na/oó garma gu xwayluúr, umuuwós kuri bay Imanueli.» gídaabárós, «Mungú i dinkwa nee atén.»

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Luka 2:12

Layár ta aanda' a tí, ‹Na/oó qawri u didií eerá', kwaa tsiitiís ar inqwaruú na/oó qawri, kwaa qaatiís baraá miringamoó gitsór hikwa ki qamaamin.› »

Yohana 6:14

Nee muu waa/oo/amoodá' Yesu aa tleéhh ngiwa ár, tari oó', «Aarusmoodá' ni baraá yaamií hardáh a kwí tsuwá alé.»

DABE 20:1

«Kuungá' barnaxes aga slaqwarár eeré' amór wakuuserhúng, naxés farsuuín nee gardaá slaqwarar'ín, nee slaqwaruuser'ine bira aandé' toohúng ka baa/ uraywo, kuungá' inooín mi da'ayutara'. Asma AAKOÓ MUNGÚ, Munguúhúng kudá' kuungá' naa baraá yaamaá Misrír wa duux i dinkwa nee kuungá'.

Ebrania 13:5

Kuungá' ti harmagahhe' gawaá sla'aarír peesaaro, ala muruudá' kuungá' ta koonda' i bu'uuti dirhunge. Asma Mungú inósuú kilá' ina oó', «Aníng kuúng u gaa wa /aaruwaaká, slám u baloó mawaaká.»

YOSHUA 1:5

Hee tumu wák i kaahh oo kuúng u tlampa'aás baraá deelór hotaawók sleémeero. Aníng nee kuúng a dinkwa, adoodá' aníng nee Mose tara dinku'uusaán daqisleém, kuúng gár uwa /aaruw i káhh, nee u geexawaaká.

YOSHUA 1:9

Inslawiím adór aníng kuúng ura báw, gimáy piíhh nee ilakaahareés ló' wa ale. Ma da'ayumiitaar laqaá ma amoqwaqwadimaar, asma anuú AAKOÓ MUNGÚ Munguúwók a dinkwa nee kuúng amór taqo keera.»

HAR'OHUUSE 6:12

Malaykamoó AAKOÓ MUNGÚ Gideoni guri haraaxáy guri báy, «Aá migusámo, AAKOÓ MUNGÚ i dinkwa nee kuúng.»

HAR'OHUUSE 9:33

Qoomár looa bir tsiraaríhh matlaatleero gixsa i haratlawaak. Ga'ali birna ti'iít nee mukose as tunduwa i slaqwarár ay, tsitsiihhaak ar umuúqo gár dako ta koonda'a.»

1 SAMUELI 2:34

Layár ta aan a tí, daaqaywók tsaraawo Hofni nee Finehasiwo ni qatliyá' baraá baalár wákí alé.

1 SAMUELI 20:13

AAKOÓ MUNGÚ aníng i gaasi, bar qo Saulo aa tsabín kuúng uwa gaasi, aníng kuúng uri gurbuiiká, as tawa gop amór saaw, kahhó' slafiingók kuwa ba/amis. AAKOÓ MUNGÚ nee kuúng ta dinkwa adoodá' tar dinkwa nee baabuúeé'.

1 SAMUELI 3:19

Samueli iri uráy, AAKOÓ MUNGÚ nee inós a dinkwa, tam /aymuú wák oo Mungú gwa paahhasiiká.