1 SAMUELI 10:6 - Biblía Axweesantá Hhohho' ar Mungú 2004

⁶ Nee Qeeruú AAKOÓ MUNGÚ un hatsiis, kuúng tari aaririín dinkwa nee inooín, kuúng turi warqees tari heé dimbé.

1 SAMUELI 10:6 Iomraidhean Croise

FAARO 11:17

Aníng ni yaamií aweér, aníng nee kuúng nari axweesaán, nee qeeruudá' naa dirók i haniís un bahh ar tláw nguri dir'ín i haniís. Inooín nee kuúng mukwí ku al'amohhe'eemisá', huwaarí ma kilók loohisaar.

FAARO 11:25

Nee AAKOÓ MUNGÚ iri aweér ar gawaá huunki, iri axweés nee Mose. Nee qeeru bahh'ale kudá' aáng aa Mose i haniís guri taataáhh, guri haniís dír bariiseedár mibeeri faanqw, qoomár qeeruuwí iwa gawaaín i iwiít, bariiseedá' tari aariirín, ala aariro taa malé ki/iiká.

FAARO 11:26

Baraá tla/ángw bariiseedá' mibeeri faanqwe bariisér tsár i káhh, a Eldadi nee Medadi. Inooín tana meét baraá xafaay, qoomár bariisér hatlá' iwa baraá heémár Mungú. Qeeru gina baraá xafáy áy iri gawaaín i iwiít, nee inooín tari aarín baraá xafaydá' wa ale.

FAARO 11:29

Ala Mose guri mu/aywaáts, «Ahaá gár kuúng da/i usa ót a milá as aníng? Hamí geera a tsiní AAKOÓ MUNGÚ mukós sleémeero burngwa qeeruuwós i haniís nee tari aaruuse.»

Matayo 7:22

Baldá' múk yaariír aníng i bay, ‹Aáko, Aáko, atén aga ariirimániíke ar umuuwók, nee neetlaame aga gusisimániíke ar umuuwók, tam muruú yaariír oo waa/oo/amo ugwa tlehhiitániíke ar umuuwók, kudá' naa aténií hanís.›

HAR'OHUUSE 14:6

Qeeruú AAKOÓ MUNGÚ Samson guri hatsiís, Samson dirangwdá' gway karslamiís adór deelmoó leeír ar alé, slám ar dabaá tawo. Kaangwí Samson gwa ooiiká dír xwayliiteérose.

HAR'OHUUSE 15:14

Qoomár iwa hardáh Lehi, múk Filisti ina amór Samson i haraatláy ar tseeo. Samson Qeeruú AAKOÓ MUNGÚ guri hatsiís him'eedá' kura daba' tseék iri tsatít adór neewór taa daá/ ar asla, iri yaamií hú'.

HAR'OHUUSE 3:10

Qeeruú AAKOÓ MUNGÚ Otnieli guri hatsiís, inós tari har'ohusmoó múk Israeli, iri slaqwarár áy. AAKOÓ MUNGÚ Kushan-rishataimu waawutmoó Mesapotamia guri gawaá dabaawós i qaás, inós Kushan-rishataimu guri baál.

1 SAMUELI 10:10

Naagáy tawa hardáh Gibea, qaytsiít inós nee daqtá aaruuse tina doogiyé', naxés Qeeruú Mungú guri hatsiisa hhe'eés, inós iri aariirín baraá tla/ángw aaruuseedá' wa ale.

1 SAMUELI 10:9

Saulo dír Samueli ngiwa sa geexáy Mungú muunaáwós guri /abeés, naxés slaqsi'iidá' sleémeero niri geehhoouyé' baalaadár kilae.

1 SAMUELI 11:6

Qoomár Saulo axweesanaydá' nguwa axmiís, iri buúhh, /uuruú Qeeruú Mungú Saulí guri hatsiís.

1 SAMUELI 16:13

Samueli xarmooduú di/i guri taataáhh, Daudi guri iimbalaáx dír geeraá hhaeewós wa ale, hamtidár kilae /uuruú qeeruú AAKOÓ MUNGÚ Daudi guri hatsiís. Naagáy Samueli iri kií/ Rama.

1 SAMUELI 19:20

Saulo ya/abuuseerós gari male ya/aáw nguwa oohár eer. Ala tawa hardáh dír mukdá' niiná aa burumburiit, gár taa ár a dinkwár aaruusér aririím, nee Samueli an geeraharusmooín. Inooín qeerú AAKOÓ MUNGÚ gina i hardáh niri baraadií haragwaaiyé', tari aariirín sleeme.