1 SAMUELI 10:5 - Biblía Axweesantá Hhohho' ar Mungú 2004

⁵ Alaá tihe tari hardát Gibea-elohim, dír koo/ír gawit ar slaqwaruusér múk Filisti i diri', tari hardát baraá gixsa, tiri dogá' nee daqtá aaruuse ar naa gáwtá wa awet, i mariímbár muxiyá' nee oowiro, nee fililimbiro, nee gidaandoriro, inooín ta aariirín.

1 SAMUELI 10:5 Iomraidhean Croise

1 WAAWITÁ 18:29

Tana ló'wa kumiít tsimaahhiro, tari ti'ii'ín adór slarhhamaaye ay looár aa /uwaá xu', qoomár ilahhooa haniisa, kár ala heé gaa iiárií qaas i kaahh, laqaá oo gaa gaáriíi xuu' i kaahh.

2 WAAWITÁ 2:15

Eeharuuseedár aaruuse kudaá Yeriko, Elisha nguwa ariyé', tari oó', «Qeeruú Eliya i gawaá Elisha i dirii'.» Naagáy ngway al'ayé' niri tumbarara'atiyé' dír geeraawós i aleero.

2 WAAWITÁ 2:3

Eeharuusér aaruuse tidá' Beteli i dirii' Elisha guri i daqeér, guri beér, «Xáy, kuúng hamí laarí a xúa AAKOÓ MUNGÚ aakoowók nguwa ar tlay?» Elisha iri oó', «Eeít, a xuú', kuungá' xasliité'.»

2 WAAWITÁ 2:5

Eeharuusér aaruuse ar amoodár Yeriko Elisha guri i daqeér, guri beér, «Xáy, kuúng hamí laarí a xúa AAKOÓ MUNGÚ aakoowók nguwa ar tlay?» Elisha iri oó', «Eeít a xuú', kuungá' xasliité'.»

2 WAAWITÁ 2:7

Eeharuusér aaruse ar mibeeri kooán iri eehariín aluudá' wa alé, ay yaaér Yordani. Eliya nee Elisha tari sihhiít dír afaá yaaér Yordani, nee eeharuuseedár aaruuse tari adooqá' i sihhiít.

2 WAAWITÁ 3:15

Ala hám daxta heé xooslmoó daa'aangw gu baál slahhto slawaare'.» Kunguri sláy. Qoomár xooslmoodá' kuwa slaáhh, /uuruú AAKOÓ MUNGÚ Elisha guri hatsiís.

2 WAAWITÁ 4:38

Elisha iri kií/ Gilgali qoomár giyeé niwa tleér baraá yaamuwo. Looarka wake Elisha nee eeharuusér aaruuse tawa iwiiwiti sagadiyusmoowós guri báy, «Hutloó úr qaaseek baraá asla, muruú /aymár aaruuse qaaseek.»

2 WAAWITÁ 6:1

Looarka wake eeharuusér aaruuse tana qununuú/ dír Elisha, asma dír tawa hooti i bu'umitká, ta kaahi, «Dirók tí atén ta hootaan ka niina ló'wa ale direne.

1 QOM'I 11:16

Qoomaadae Daudi i baraá gixsár koo/ír gawít i dirii', slaqwaruusér múk Filisti gixsár Betilehemu ngaa i dahiyé'.

1 QOM'I 13:8

Qoomaadae Daudi nee múk Israeli sleémeero ni/imaaro tana faakamiís dír Mungú, as Mungú nguwa xirfayeemisiya'. Muu ina daá', nee gidandooráy kway slaáhh nee mariímbaro, nee oowi kay slaáhh nee mitingiraay, nee tarumbeéta kay ufaáhh.

1 QOM'I 16:42

Hemani nee Yedutuni i tarumbeétadaá koná' nee mitingiraywo, as kiwa slahhan, nee xooslaá daa'ango as daa'ángw hhohhó' kuwa daai. Daaqoó Yedutuni kuna xuumuusér afér gixsár wa qaás.

1 QOM'I 16:5

Asafu kuna geeraharusmooín wa tsawaár, nee Sekaria tay ale/isusmoowós, múk mariímba nee gidaandooriro gi slahhaám a kwí: Yeieli, nee Shemiramoti, nee Yeieli nee Matitiya, nee Eliabu, nee Benaya, nee Obed-edomu nee Yehieli. Asafu an heé mitingiraay gwaa slahhan.

WARA'AMI 49:4

Iia an qaás axweesantá bo/ ngiwa tsaahh, sinikar'eé' an gwa/atís ar daa'ángw gidaandoori.

WARA'AMI 92:3

ar afór gitaa, nee ar afór seése nee ar gídaandoori.

1 Korinto 14:1

Kuungá' sla'aari ló'wa leelehhiitaak. Nee aleesleemuú Qeeru sleeme leelehhiitaak, kawa ure aleesleemuú tawa aaririinda'.

1 SAMUELI 10:10

Naagáy tawa hardáh Gibea, qaytsiít inós nee daqtá aaruuse tina doogiyé', naxés Qeeruú Mungú guri hatsiisa hhe'eés, inós iri aariirín baraá tla/ángw aaruuseedá' wa ale.

1 SAMUELI 10:4

Inooín kuúng uri taaqweesiyá', mikaátér tsár ngiri haniisiyá', kuúng kari dabaaín wa ót.

1 SAMUELI 13:2

Saulo múk kumér tám oo Israeli guna tsawaár, baraá tla/angw'ine múk kumér tsár ta dinkwa nee Saulo, baraadaá Mikmashiro, nee baraá yaamuudaá tlom'i awa Beteli, nee múk kumuú wák ta dinkwa nee Yonatan baraá Gibeár Benyaminiro. Mukdá' aa meet guna watlís, umuúqo heewo iwa ki/i baraá heémarós.

1 SAMUELI 13:3

Yonatan koo/ír gawit ar slaqwaruusér múk Filisti gana daáhh, baraá Gebaro, múk Filisti kaangwí guri axaás, adór Saulo tarumbeéta ngira ufaáhh baraá yaamuudá' sleémeero iwa kaahi, «Gimsé' múk Ebrania i axaasi.»

1 SAMUELI 19:20

Saulo ya/abuuseerós gari male ya/aáw nguwa oohár eer. Ala tawa hardáh dír mukdá' niiná aa burumburiit, gár taa ár a dinkwár aaruusér aririím, nee Samueli an geeraharusmooín. Inooín qeerú AAKOÓ MUNGÚ gina i hardáh niri baraadií haragwaaiyé', tari aariirín sleeme.

1 SAMUELI 9:12

Inooín kiri mu/aywaáts kiri báy, «I deer, hanoos i geerahúng, haraquutlé' hamí, asma laarí ilahhooár muruú ta tsu/i ka kón dír kitangwduú ilahhooa oo gawaá gongoamo.