1 SAMUELI 10:3 - Biblía Axweesantá Hhohho' ar Mungú 2004

³ Didae bara geerií kumít ay ti'ituú Tabori, nee didae nee múk tám ti dogá' oo amór Mungú káw amdár Beteli, oo wák i deeloó tám kón oo aara, nee oo hatlá' i mikaátér tám kón, nee oo hatlá' i tlakoó kaahartá kón oo difaái.

1 SAMUELI 10:3 Iomraidhean Croise

IIMU/UUNGW 28:19

Didá' gay báy Beteli, ala umuú gixsadá' geeraawo a Lusu.

IIMU/UUNGW 28:22

daqaní kuúng AAKOÓ MUNGÚ, an Munguúeé'. Tlaa/anoowí naa diirí sihhtís adór uhmo, a do'ók. Baraá tidá' sleémeero kuúng niqo hanisa, aníng ar wák baraá bohhaá mibaango ngi dirógí haniís.»

IIMU/UUNGW 35:1

Munguú Yakobo guri báy, «Tláw, tsa/ám ay yaamaá Beteli, ta amoodá' wa hót. Nee amoodaádae aníng ir kitángw ilahhooárí tléhh. Aníng a Mungú kudá' ugwa i ti'iit qoomár Esau hhiyaawók kuwa ilaagóp.»

IIMU/UUNGW 35:3

A tlawaán a tsa/amán amór Beteli, aníng Mungú nguri kitángw ilahhooár tleéhh, inósuudá' aníng iga axaas, qoomár slahh'amaayer'eene, nee tari dinkwa nee aníng baraá loohi sleémeero ar naa oohi.»

WARA'AMI 89:12

Kuúng /iya nee basko ina tléhh, tlom'aá Tabori nee Hermoni u sa baraa/iyá'!

YEREMIA 32:8

Naagáy garmoó maamáy'eé' Hanameli niri hardáh didár matla/ángw xuumuuse, adoodár AAKOÓ MUNGÚ ngira oó', iri báy, «Qaymor'eé' tidár baraá Anatoti tlaxweek, tidár yaamaá Benyamini, asma kuúng a hariín kawa tu/. Tlaxweek as tawa slaasláwarók.» Aníng ngiri tsaáhh adór tar axweesantá AAKOÓ MUNGÚ.

TLAHHOÓ LAÁWI 1:10

«Barnaxes hee ilahhooarós ar da/a ga haniisár wa slaa' baraá daqtós ar bee/aangw laqaá ar aara, ilahhooár gwaanda, laqaá gurta oo xaslxaanslír koomaaká ngu haniisi.

TLAHHOÓ LAÁWI 23:13

Dinkwa nee tisinge ilahhooár bu'úngw afi qoomár kílo tsár ar puuruú natsaatsaá' oo taa aleedoók nee di/i ngun hanisá' dír anuú AAKOÓ MUNGÚ ar asla, nee slaahhareeriiwós aníng iri sla'atisiyá'. Ilahhooarós ar wahaangw a liíta wak ar difaái.

TLAHHOÓ LAÁWI 3:12

«Bar ilahhooarók a leei, haniiseek dír AAKOÓ MUNGÚ.

TLAHHOÓ LAÁWI 3:6

«Barnaxes ilahhooarók ar wayda ar muruú ta tsu/i, tidá' ta hanis dír Mungú ar muruú ququmát, gwaanda laqaá bee/i, gaasíng ta hanis masók ka xaslxaansli wasl.

TLAHHOÓ LAÁWI 7:13

Dinkwa nee ilahhooarós ar aa waydú wa gaasi as Mungú nguwa sluufmiisi, inós mandásoó taa sluuftís ngu huwi.

YOSHUA 19:12

Didár Saridi digma da/aáw gana xuú' iri ti'iít ay Kislot-tabori. Iwa didá' wa tláy iri waaraáhh ar Daberati. Iri ti'iít ay Yafia.

YOSHUA 19:22

Digmuuín sleeme ina hardáh ay Tabori ay Shahasuma ay Bet-shemeshi, iri alhhe'eesuút baraá yaaér Yordani. Gixsadaá taa dir'íní haniís nee ayeemooine dinkwaaro a mibaá nee lahhoó'.

HAR'OHUUSE 20:18

Xoorór Israeli iri tleér tay tsa/án Beteli, Mungú nguri yaahasiyé' kuri báy, «A heemá oo geerií tláw direne baraá slaqwarár nee múk Benyaminiro?» Aako giri báy, «Yuda i giirin.»

HAR'OHUUSE 20:23

Múk Israeli tay gáwtí tsa/án tari /aa/amín dír AAKOÓ MUNGÚ ay tsiindo tawa kaahi, «A tlawaána tawa slaqwaan nee hhaeerén awa Benyamini.» AAKOÓ MUNGÚ giri báy, «Tlawsé' slaqwé' nee inooín.»

HAR'OHUUSE 20:27

Xoorór Israeli Aakoó MUNGÚ gway yaahás, asma sandakmoó alqadór AAKOÓ MUNGÚ i amór Beteli.

HAR'OHUUSE 4:12

Sisera ngiwa axaás adór Baraka garmoó Abinoamu ira tsa/án gawaá tloomár Tabori,

HAR'OHUUSE 4:6

Inós iri ya/abiín amór Baraka, garmoó Abinoamu, yaamuloousmoó Kedeshi, baraá yaamaá Naftali, guri beér, «AAKOÓ MUNGÚ, Munguú xoorór Israeli, kuúng un babay, ‹Tláw, mukók sleémeero burumbureek gawaá tloomár Tabori, múk kume mibaangw oo xoorór Naftali nee oo xoorór Sebuluni.

HAR'OHUUSE 8:18

Aluuwo Gideoni Seba nee Salmuna gina yaahaás giri báy, «Mukdá' taa tsu/é' baraá Taboriro a múk adoomá?» Inooín nguna mu/aywatsiyé' tana oó', «A slaqamís nee kuúng, asma a adór daaqoó waawutmo.»

1 SAMUELI 10:4

Inooín kuúng uri taaqweesiyá', mikaátér tsár ngiri haniisiyá', kuúng kari dabaaín wa ót.