1 SAMUELI 10:27 - Biblía Axweesantá Hhohho' ar Mungú 2004

²⁷ Ala mukko amoowásl tari káh, «Xáy, kwí adór tir ba/amisi?» Inooín kuri waaqaá' tam qeemuú kway huúw i kaahh. Ala inós gaa gaárí xuiiká.

1 SAMUELI 10:27 Iomraidhean Croise

2 SAMUELI 20:1

Heeko wák i daadeer oo al/aymusmoó oo ló'wa tlaákw baraá yaamaá Gilgaliro. Umuuwós a Sheba, garmoó Bikri, heé tlahhoó Benyamini. Sheba tarumbeéta gana ufaáhh, iri oó', «Daudi nee atén gaa a milá. Garmoó Yese gár kuwa koomaan i káhh. Kuungá' múk Israeli, umuú heewo i ki/i amór heémarós.»

2 SAMUELI 8:2

Daudi múk Moabu guri malé baál, gurí yaamií qaatiís ar hhaay, guri tsaát baraá doqoro tám ar hima. Daqoroó tsár guri tsuú/, ala daqtá tám gari slafíngwí máy. Múk Moabu iri lawaalér Daudi tleehhiít, nguri koodíri hanmisiyé'.

1 WAAWITÁ 10:25

Umuú heewo qeemu nguri huúw oo xooslár taa tleéhh ar peésa nee sahaábu nee tlaba' nee manemáne nee mooyaangw nee faras nee wayshama', umuú kurko Solomon qeemuuwí guna ilaaohín.

1 WAAWITÁ 4:21

Solomon xoordu sleémeero gina sawaawuti'ín, iimír yaaér Eufrate wa tleemu ay yaamaá Filisti ay digmuú yaamaá Misri. Inooín nguna koódírí hanmiisiyé', nguri sagadiyuusiyé' baraá slafiingós sleémeero.

1 WAAWITÁ 5:1

Aluuwo Hiramu waawutmoó Tiro sagadiyuseerós gari ya/aáw amór Solomon, asma gana axaás adór kura iimbalaáx tawa waawutmo kitángw baabuúwose. Asma Hiramu Daudi guna slaá' deelo sleémeero.

2 QOM'I 13:7

Aluuwo múk barawaslén guna dinkwár i burumbuúr, inooín Rehoboamu garmoó Solomon nguri al/ayiyé'. Tidá' inooín ta slai gari tleéhh, qoomaarihe inós ila/aro gina harslaaqaát asma a masoomoó aa kwa/iiká.

2 QOM'I 17:5

Gawaá adoorihe AAKOÓ MUNGÚ waawuti'iimár Yehoshafati gari gawdeés daanduú yaamaá Yudawo, nee muu sleémeero ohme gari huúw dirós i alé, iri daqaari'iít iri iia tleerúy.

WARA'AMI 38:13

Ala aníng an adór matooyi, a axamisaaká. Aníng an adór afaa wasli, axweesani a aleeslawaaká.

WARA'AMI 72:10

Waawituú Tarshishi nee múk yaamaá kaahaar oo baraá tla/ángw tláwtií dirií', koódi ngi huwiye', waawituú baraá Sheba nee Seba qeemuú i kona' ngu haniisiye'.

DAHARUSMO 7:21

Axweesanaay sleémeero oo muu i kaahi mu ya/aa/amaar, aluuwo adór sagadiyusmoó do'ók ura /ooslín a axás.

ISAYA 36:21

Ala muu ina qartlamiít, oo axweesantadá' gaa tlaaxw i kaahh asma waawutmo gina hara'ayín ina oó', «Ló' ma /aymu tlaxwaara'.»

Matayo 2:11

Tari dáh baraá do', na/aydá' kuri ár nee aayoorós Mariawo. Kuri i tumbarara'aát kuri sluufmiís. Nee inooín muruuín kudá' i kona' nguri gweeriyé', nguri haniisiyé' dír na/aay. Muruú taa hanimiís a kwí: Sahaábu nee mooyángw tsuú', nee mooyangwko ta babay manemane.

Tlehhema'aá ya/Abuuse 7:35

«Mosewí an kudá' taa sií' qoomár kuwa babáy, ‹Heé kuúng ugwa qaas a heemá tawa geeraharusmo nee tawa har'ohusmoorén.› Ala inós an kudá' Mungú aa ya/aáw sleeme, as tawa geeraharusmo nee tawa heé muu gu tuú/. Qoomár Mungú tiwa dirósí geehhooeés ar loohír malaykamo dír kitkiintiro, malaykamoowí an kudá' inós gu alee/iís.

DABE 13:13

adór múk barawaslén baraá tla/angwhunge, yaamuuloouusér gixsarka ngira qwaareés, tawa kaahi, ‹Gusé', munguaá hatlá' i sluufmisuú awaán.› Kudá' handá' kuungá' iga geerií xui'iiká,

1 SAMUELI 11:12

Aluuwo muu Samueli guri báy, «A heemá heé aa oo', ‹Xáy Saulowí tin sawaawuti'ína?› Muksíng huwang, as kuwa tsu/aan.»

1 SAMUELI 11:13

Ala Saulo iri oó', «Heé laarí ta gaasi i kaahh, asma laarí AAKOÓ MUNGÚ múk Israeli ngwaa tuú/.»

1 SAMUELI 16:20

Yese daqwaay guri amohhe'eés nee mikaáte, nee tlakoó kaahari oo difaáír koóm, nee gurtuú niiná, giri ya/aáw ar garmaawós kwí ta bay Daudi ay amór Saulo.

1 SAMUELI 2:12

Daaqoó Eli a múk iia waslén, AAKOÓ MUNGÚ ngu gaárií xuiaaká,

1 SAMUELI 25:17

Hám daxta kiíng kaangwí na alqaytsiteek, nee adór tleehhamooro ta alesleer na tleehheek. Asma gár tlaakw kaa tsabín daanduú aakoó doorene nee daanduú doorene. Nabali a heé tlaákw, tam heé axweesantá dirós ga qiítl i kaahh.»