1 SAMUELI 10:20 - Biblía Axweesantá Hhohho' ar Mungú 2004

²⁰ Samueli tlahh'aá múk Israeli sleémeero giri saapiís, nee tlahhoó Benyamini kuri tsawaár.

1 SAMUELI 10:20 Iomraidhean Croise

2 SAMUELI 3:19

Abneri ina axweés sleeme nee múk Benyamini, iri tláy ay Hebroni as kangwdá' nguwa ooár ay dír Daudi, kudá' taa al'axweés nee múk Israeli sleémeero nee múk tlahhoó Benyaminiwo as kuwa tleehhi.

YONA 1:7

Mukdá' baraá miringamoó wa gadiyuús tari kilooín axweés, tay káh, «Gimsé', tsawdo a tleehhaán as heewí slahh'amaayeerí tisa sleér nguwa slawaan.» Tsawdo kari tleéhh, ala naxés tsawdo Yona guri sleér.

DABE 33:12

Daanduú tlahhoó Benyaminiwo ina oó', «Sla'aaruusér AAKOÓ MUNGÚ. Inooín tan hoot ar amohhooa dirós wa ale, Munguú Gáwtí dirii' tlatla/aagw sleémeerowo gin harwediit nee sla'aarusmooín iri baraá tla/angw'ín wa hoot.»

1 SAMUELI 10:19

Ala laarí Munguúhúng ugwa sié', inós an kudá' naa tuu/ baraá /aa/eehúng awa slahh'amaaye sleémeero, kuungá' aga oi'iíke, ‹Aasla'áy waawutmoorén qaasang.› Ala hám daxta burumburiité' dír geeraá AAKOÓ MUNGÚ, ar gur'ér marayhúng.»

1 SAMUELI 10:21

Tlahhoó Benyamini guri saapiís dír múk dooín, múk guruú Matri kuri tsawaár. Múk guruú doó Matri guri saapiís, gina waketaatín umuúqo heewo alaá kuqá', aluuwo Saulo garmoó Kishi kuri tsawaár, ala kuwa leelehhiti kwa ariiká.

1 SAMUELI 14:38

Saulo iri oó', «Diirí tseewuware', kuungaásingaá geeraharuusér muu sleémeero, adór tlakweemaaká' nira tleehharuutiyé' laarí kawa aanda' nee kawa xua'.

1 SAMUELI 14:41

Gawaá adoorihe Saulo iri oó', «Aá, AAKOÓ MUNGÚ, Munguú Israeli, a milá laarí sagadiyusmoowók mus mu/aywatská? Barnaxes tlakweema i baraaeé' laqaá i baraá garmaaeé' Yonatan, aá AAKOÓ MUNGÚ, Munguú Israeli laqaamang ar loohír tsawdo ar ta bay Urimu. Barnaxes tlakweema i baraá mukók oo Israeli laqaamang ar loohír tsawdo tidá' ta bay Tumimu.» Yonatan nee Saulo kiri uhín, ala muu iri /úy.