1 SAMUELI 10:19 - Biblía Axweesantá Hhohho' ar Mungú 2004

¹⁹ Ala laarí Munguúhúng ugwa sié', inós an kudá' naa tuu/ baraá /aa/eehúng awa slahh'amaaye sleémeero, kuungá' aga oi'iíke, ‹Aasla'áy waawutmoorén qaasang.› Ala hám daxta burumburiité' dír geeraá AAKOÓ MUNGÚ, ar gur'ér marayhúng.»

1 SAMUELI 10:19 Iomraidhean Croise

AXWEESANOÓ SAGALOOA 16:33

Muu tsawdo gan tleehh. Ala heé ta tsawaari a AAKOÓ MUNGÚ gun sláy.

MIKA 5:2

«Ala kiíng, gixsár Betilehemu, ar baraá Efrata, tam ti niinawe baráa tla/ángw gixsadaá yaariir awa tlahhoó Yudawo, ala baraawoge geeraharusmoó wák ngu sláw oo múk Israeli gu sawaawuti'iím. Iimu/úngw tlahhaywós oo iimír aáng, inós oo iimír qaro.»

FAARO 11:20

Ala in /aa/agá' slahhángw doori kuri gwangwar'á', ay dír ni dungér ti'imitiya', nuri mune ayá'. Adoorí in tleehharút asma AAKOÓ MUNGÚ kuungá' ugwa sié', kudá' baraá tla/angwhúng i dirií', nee tawa geeraawós wa /aa/amiindé' tawa katé', ‹Ahaá waáy mista duúx baraá yaamaá Misrír wa alé.› »

FAARO 17:2

«Múk Israeli ádbaweek u hhadaá mibaá nee tsár i huwiye', umuú geeraharusmoó tlahhaywo hhara wak. Heé hhara nga huuw umuuwós ku gawaá hhártí gooiín,

DABE 17:14

«Qoomár bara daté' baraá yaamuudá' AAKOÓ MUNGÚ, Munguúhúng ni haniisi as kiwa ala', nee tawa baraadá' wa hotá' kuungá' tari oa', ‹Atén waawutmoorén u qaasaán, adoodár xoordaá hatlá' awa atén taa harweeriye'›,

YOSHUA 24:1

Aluudae Yoshua xoorór Israeli gari ateét baraá yaamaá Shekémúrí ale, dinkwa nee bariiser'ine nee geeraharuuser'ine nee har'ohuuser'ine nee múk urén oo Israeliwo. Nari hardihiyé' dír geeraá Mungú.

HAR'OHUUSE 8:23

Gideoni giri mu/aywaáts, giri báy, «Aníng kuungá' nu sawaawuti'iimaaká, laqaá na/ay'eé nu sawaawuti'inká, ala AAKOÓ MUNGÚ an waawutmoohúng.»

1 SAMUELI 10:20

Samueli tlahh'aá múk Israeli sleémeero giri saapiís, nee tlahhoó Benyamini kuri tsawaár.

1 SAMUELI 12:12

Tam Nahashi waawutmoó múk Amoni kuwa aandé' niwa haratláy, kuungá' aníng iri beeré', ‹Atén waawutmoó ti sawaawuti'iím un sla'aán.› Kuungá' AAKOÓ MUNGÚ, Munguúhúng kuri sié'.

1 SAMUELI 14:23

Adoorí an adór baalaadae AAKOÓ MUNGÚ múk Israeli ngura tuú/. Baalaadae slaqwara ina kumít, iri waaráhh Bet-afeniro.

1 SAMUELI 14:38

Saulo iri oó', «Diirí tseewuware', kuungaásingaá geeraharuusér muu sleémeero, adór tlakweemaaká' nira tleehharuutiyé' laarí kawa aanda' nee kawa xua'.

1 SAMUELI 3:21

AAKOÓ MUNGÚ tiri malé geehhooeés baraá Shilór wa alé, asma AAKOÓ MUNGÚ tina geehhooeemiís dír Samueli baraá Shilór wa alé ar loohír axweesantós.

1 SAMUELI 4:1

Nee axweesantadár Samueli iri tsiyayaaxát baraá yaamaá Israeliro. Qoomaadae múk Filisti iri burumbuurít as tawa slaqwi nee múk Israeli. Xoorór Israeli iri fi'ít as tawa slaqwi nee múk Filisti, xafay'ín kuri tleéhh dír ta bay, Eben-eseri. Múk Filisti xafay'ín guri tleéhh dír ta bay Afeki.

1 SAMUELI 8:19

Ala mukdá' afór Samueli kawa iiarií qaasi kana sií', tari oó', «Xáw xeer, atén gár ta sla'aan a waawutmoó atén ti sawaawuti'iím,

1 SAMUELI 8:5

Kuri báy, «Qaytsiít, kuúng aga diín, nee daaqaywók loohirók gaa eehariiká, gimáy, waawutmoorén slawang oo ti sawaawuti'iím ar adór xoorduuqaá hatlá' sleémeero.»