1 SAMUELI 10:10 - Biblía Axweesantá Hhohho' ar Mungú 2004

¹⁰ Naagáy tawa hardáh Gibea, qaytsiít inós nee daqtá aaruuse tina doogiyé', naxés Qeeruú Mungú guri hatsiisa hhe'eés, inós iri aariirín baraá tla/ángw aaruuseedá' wa ale.

1 SAMUELI 10:10 Iomraidhean Croise

HAR'OHUUSE 15:14

Qoomár iwa hardáh Lehi, múk Filisti ina amór Samson i haraatláy ar tseeo. Samson Qeeruú AAKOÓ MUNGÚ guri hatsiís him'eedá' kura daba' tseék iri tsatít adór neewór taa daá/ ar asla, iri yaamií hú'.

HAR'OHUUSE 3:10

Qeeruú AAKOÓ MUNGÚ Otnieli guri hatsiís, inós tari har'ohusmoó múk Israeli, iri slaqwarár áy. AAKOÓ MUNGÚ Kushan-rishataimu waawutmoó Mesapotamia guri gawaá dabaawós i qaás, inós Kushan-rishataimu guri baál.

1 SAMUELI 11:6

Qoomár Saulo axweesanaydá' nguwa axmiís, iri buúhh, /uuruú Qeeruú Mungú Saulí guri hatsiís.

1 SAMUELI 16:13

Samueli xarmooduú di/i guri taataáhh, Daudi guri iimbalaáx dír geeraá hhaeewós wa ale, hamtidár kilae /uuruú qeeruú AAKOÓ MUNGÚ Daudi guri hatsiís. Naagáy Samueli iri kií/ Rama.

1 SAMUELI 2:35

Aníng kaahamusmoó inkihhím nguri sihhtís, oo mura' sleémeero gu tleéhh ar adór ni slaa' baraá muunaáeene, nee baraá inslaway'eene. Aníng tlahhaywós u tlahhás, inós iri gadiyuus dír geeraá waawutmooeé' kudá' taa iimbalaáx ar di/i kureerisleém.