1 SAMUELI 1:8 - Biblía Axweesantá Hhohho' ar Mungú 2004

⁸ Hhawaatuuwós Elkana gari báy, «Hána, gár ta /aa/amiin a milá? Muruú /ayma mus /akká? Asma milá mas gurhaamút, muunaáwók mis gurhaamuut? Ahaá aníng ti ak afhhamitekáhe diroge, ta na/aá mibaango?»

1 SAMUELI 1:8 Iomraidhean Croise

2 WAAWITÁ 8:12

Hasaeli guri yaahaás, «Aakooeé', ahaá a milá mas /aa/amiín?» Elisha iri oó', «Asma aníng a xuú' kuúng tlakweemaá yaariir i tléhh dír múk Israeli. Gixsaduuín kudá' koo/i gawden kiri dá/ ar asla, nee masoombar'ín an tsú/, nee na/ii'ín kiri tlumhhumís, nee /ameenár tsiihaawe ka gur'e feehhamiis.»

YOBU 6:14

Heé hhiyaawós alee/iisaro gwaa sii' aqo adór heé Munguúdá' /uuruú koóm ilaiwa/ameero gwaa sii'.

WARA'AMI 43:4

Daqaní an tláw amór Mungú, ay dír ilahhooa kawa hanmaamisi. Asma Mungú a qwal/uueé' nee bar/uueé'. Án u xirfayeemiís ar daa'ángw gidaandoori, kuúng AAKOÓ MUNGÚ, Munguúeé'.

ISAYA 54:1

AAKOÓ MUNGÚ i kaahi, «Kiíngadár kampeeri, daá' Kiíngadá' xwayla ga tsaqká daá' ló'wa alé ar bara/, asma kiíngadá' taa geexáy na/aá yaariir i sleér, kudaá /ameenír taa duúx ba/a.

ISAYA 54:6

Asma Yerusalemu kiíng AAKOÓ MUNGÚ iga male ateét kiíngadár adór harér taa sií' ar gurhaamuut. Adór harér bi/i ar taa geexáy. Munguúwók i kaahi,

Yohana 20:13

Malaykeedá' iri ó', «Aáyo, gár ta /aa/amiin a milá?» Inós iri ó', «Asma Aakooeé' kwa hingeés, nee aníng a xuaaká amór kway qaás.»

Yohana 20:15

Yesu gari báy, «Aáyo, ma /aa/amiín? Heé ta leelehhit a heemá?» Inós geera ngi xu', a heé asalmoó amohhe'eemamiís, iri ó', «Aáko, barnaxes kuúng una hingés, amór kway qás ooang, aníng daqaní u leéhh.»

1 Tesalonike 5:14

Hháe, atén kuungá' nu firiimaán, tli/uuse naanaaqaak, múk daqatlakwén gurkwa/amisaak, mukdá' haratlintaao niiná alee/iimiisaak, slám kuungá' masók a múk qitluú aleesláw dír muu sleémeerowo.

RUTI 4:15

Garmaawí kiíng i /uuruú /abén i haniisi baraá uraywoge. Inós kiíng i /aymiisi baraá diimaywoge. Asma harér garmaawók, tidá' kiíng i slaa', diroge daaqoó faanqw gu bá/. Inós garmaawí guna xwayluúr.»

1 SAMUELI 1:7

Kaangwí ina kumaamiít umuú kurko, umuúqo qoomaaro Hana bir amór doó AAKOÓ MUNGÚ keér, Penina gan alkomkakoón tlukuungo. Hana iri /aa/amamiín, tam muruú /ayma gu /aa/akká.