1 SAMUELI 1:7 - Biblía Axweesantá Hhohho' ar Mungú 2004

⁷ Kaangwí ina kumaamiít umuú kurko, umuúqo qoomaaro Hana bir amór doó AAKOÓ MUNGÚ keér, Penina gan alkomkakoón tlukuungo. Hana iri /aa/amamiín, tam muruú /ayma gu /aa/akká.

1 SAMUELI 1:7 Iomraidhean Croise

WARA'AMI 102:4

Aníng ana xoslo'oót adór gitsór taa tsaát, nee muruú /aymar'eé' ugwa gunqareés /aymaro.

WARA'AMI 102:5

An /iíf ar afo, gár gawaá slaqwte'eene aa met a fadu kilooín.

YEREMIA 41:5

múk mibeeraá dakaát ina hardáh oo yaamaá Shekemúr daáhh, nee Shilo nee Samaria, i ilahhooár mooyángw tsuú' koná' as ngiwa hanmiisiya' baraá Doó AAKOÓ MUNGÚ i aleeró. Daamoduuín nga deeqwiyé'. Inooín tlabaaín naa feehhamamitiyé' nee taa gwehhaahhiné'.

1 SAMUELI 1:6

Ala hareerír tsár Hana gan tlukaakiín umuú siiwaro, adoorí Hana gari gurhaamírár gás, asma AAKOÓ MUNGÚ inós ngiwa xwaylár /iít.

1 SAMUELI 1:8

Hhawaatuuwós Elkana gari báy, «Hána, gár ta /aa/amiin a milá? Muruú /ayma mus /akká? Asma milá mas gurhaamút, muunaáwók mis gurhaamuut? Ahaá aníng ti ak afhhamitekáhe diroge, ta na/aá mibaango?»

1 SAMUELI 2:1

Hana iri firiín, iri ó', «Muunaáeé' i qwalalaa/ dír AAKOÓ MUNGUHE, AAKOÓ MUNGÚ un xirfayeemiís kuduú /uuruueé', aníng wakuuser'eé' ngari waaqaseém. Asma ba/amar'eé' ngiwa saqwalalaa/.

1 SAMUELI 2:19

Umuú kurko aayoorós gun hiyoó niiná i tlehhaahhít, nee ngun haahúp qoomár bar nee hhawaatuuwós ni ilahhooár huwiyá' ar muruú ta tsu/i, tidár umuú kuru.