1 SAMUELI 1:3 - Biblía Axweesantá Hhohho' ar Mungú 2004

³ Elkana umuúqo kurko in waatlatláy ay Shilo, as ilahhooár muruú ta tsu/i ngiwa hanmisuú aa'ay dír AAKOÓ MUNGÚ Aleesleemusmo. Didár Shiloro daaqoó tsár oo Eli i deer, umer'ín a Hofni nee Finehasi, inooín a kaahamuusér AAKOÓ MUNGÚ ar baraá Shilo.

1 SAMUELI 1:3 Iomraidhean Croise

WARA'AMI 78:60

Hotaarirós ar baraá Shilo gari máy, tooaáng xaftós iwa baraá tla/ángw muu.

TI'INAANGW 23:14

«Kuungá' deelór uren tám tleehhaak umuúqo kurko as ilaiwa/amer'eé'.

TI'INAANGW 23:17

Ki/ima tám baraá kurko hhawaate ni dír geeraá Aakoó Munguúwók i hardarahiye'.

TI'INAANGW 34:23

«Baraá kurko sagaáwa tám hhaawate sleémeero awa mukók ni hardihiye' dír geeraá AAKOÓ MUNGÚ, Munguú Israeli.

Luka 2:41

Xwayliteérós i Yerusalémú kaakeér umuú kurko qoomár deelór ur ar Pasaákuwo.

DABE 16:16

«Hhawaate sleémeero awa xoororhúng ni hardihiyá' dír geeraá AAKOÓ MUNGÚ, Munguúhúng, ki/ima tám, umuú kurko didá' AAKOÓ MUNGÚ, Munguúhúng aa tsawaari as umuuwós kuwa didá' wa ateetin: Qoomár deelór ur ar Pasaáka, nee deelór ur ar bu'uungw, nee deelór ur ar Isleeri. Mindiwa dír geeraá AAKOÓ MUNGÚ i hardihiyé' ar dabaá kaaharen.

YOSHUA 18:1

Alaá xoorór Israeli yaamu ngiwa ót, looár wake nina burumburitiyé' Shilórí ale, heémár Mungú ngiri kiki'iyé'.

HAR'OHUUSE 18:31

Múk tlahhoó Dani murslaaqatuduú Mika aa daákw guri parootuús nguri sihhtisiyé', de'emaadá' sleémeero Doó MUNGÚ iwa baraá Shilórí dirii'i.

HAR'OHUUSE 21:19

Niri inslawiné', adór deelodá' ur ar AAKOÓ MUNGÚ tidár Shilór wa tleehharumamiit umuú kurko nira naká/, gixsadá' bihhaá /iya awa Beteli. Gixsadá' i bihhaá da/aáw awa loohidá' ur ar naa Betelír wa tleer ay Shekemu, bihhaá basa awa Lebona.

1 SAMUELI 1:21

Elkana, nee múk do'ós sleémeero, tari tsa/án, AAKOÓ MUNGÚ kuwa ilahhooár muruú ta tsú/í haniisi ar umuú kuru, nee al'axweesantadá' aa tseék kawa boo/eesi.

1 SAMUELI 1:9

/Ayma nee wahaango tawa hhe'eés didár Shiloro, naagáy Hana ina sihhít, qoomaadae Eli kaahamusmoó úr oo Mungú aa iwiít gawaá kitaangós, dír duuxutmoó Doó AAKOÓ MUNGÚ.

1 SAMUELI 14:3

Ahiya garmoó Ahitubu, hhiyoó Ikabodi, garmoó Finehasi, garmoó Eli kaahamusmoó AAKOÓ MUNGÚ, oo baraá gixsár Shilo, hiyoó saaliingw guna dahaás. Slám mukwí gaa xuiiká adór Yonatan ira tláy.

1 SAMUELI 2:19

Umuú kurko aayoorós gun hiyoó niiná i tlehhaahhít, nee ngun haahúp qoomár bar nee hhawaatuuwós ni ilahhooár huwiyá' ar muruú ta tsu/i, tidár umuú kuru.

1 SAMUELI 2:34

Layár ta aan a tí, daaqaywók tsaraawo Hofni nee Finehasiwo ni qatliyá' baraá baalár wákí alé.

1 SAMUELI 3:13

Asma una ádbaabáw adór do'ós ngur sakwasleemuút kureerisleém, as tlakweemaadaá do'ós i xui, ar daaqaywós iwa aníng /oosliislin, ala inós gwaa har'oohiiká.

1 SAMUELI 4:11

Sandakmooduú alqadór Mungú kuri ar tláy. Hofni nee Finehasi, daaqaydá' tsár oo Eli, kuri tsuú/.

1 SAMUELI 4:4

Naagáy muu kuri ya/aáw ay Shilo, sandakmooduú alqadór AAKOÓ MUNGÚ Aleesleemusmo kunguri huúw, Munguúdá' hotaawós gáwtií diriiá' dír keruúbiro. Daaqaydá' tsár oo Eli, Hofni nee Finehasiwo, ta baraadií dirii' dinkwa nee sandakmoduú alqadór MUNGUHE.