1 SAMUELI 1:28 - Biblía Axweesantá Hhohho' ar Mungú 2004

²⁸ Gawaá adoorihe hamí na/aywí ngwa huúw dír AAKOÓ MUNGÚ. Baraá slafiingós sleémeero i dír AAKOÓ MUNGÚ wa hooti.» Inooín AAKOÓ MUNGÚ nguri amoodá' wa sluufmiisiyé'.

1 SAMUELI 1:28 Iomraidhean Croise

IIMU/UUNGW 24:26

Heedaádá' sagós guri xup'uús, AAKOÓ MUNGÚ guri sluufiís.

IIMU/UUNGW 24:48

Ana xupuú', AAKOÓ MUNGÚ nguri sluufiís, AAKOÓ MUNGÚ nguri xirfayeemiís, Munguú aakooeé' Abrahamu, kwí aníng iga geerahaar ay dír dasír tlahhoó aakooeé' as garmaawós.

IIMU/UUNGW 24:52

Sagadiyusmoó Abrahamu adoorí ngiwa axaás, AAKOÓ MUNGÚ guri sluufiís.

AXWEESANOÓ SAGALOOA 31:2

Mu báw, garmaaeé'? Gár u baw, garmoó waqantir'eé'? Mu báw, garmaaeé' oo naa firiím dír Munguhe.

FAARO 6:8

Qooma sleémeero ar inós al'axweesani ngiwa qaás, inós taa paraátl as AAKOÓ MUNGÚ.

2 Timoteo 3:15

Asma iimír na/uumaroge kuúng Gooír hhohho' a xú', tidá' sagalooa ngi kuúng i hanmiis, as ba/ama kawa sleer ar loohír Kristo Yesu kuwa haratlintí'.

HAR'OHUUSE 7:15

Gideoni kangwduú tlataadá' nee waagweermooro ngiwa axaás, Mungú guri sluufiís, iri wayaá' amór slaqwaruusér múk Israeli, giri báy, «Tlawaaré', asma AAKOÓ MUNGÚ slaqwaruusér Midiani ngaa qaás gawaá dabaahúngí ale.»

1 SAMUELI 1:11

Al'axweesani gari ó' dír Aakoó Munguú Aleesleemusmo, iri ó', «AAKOÓ MUNGÚ, barnaxés kuúng aniídár sagadiyuso'oorók iga i qaytsít baraá slahh'amaayero, nee iri insleér, bira gunqareská aniídár sagadiyuso'oorók, nee aniídár sagadiyuso'oorók na/oó garmaawo bira qeér, daqaní aníng baalaadae u haniís dír AAKOÓ MUNGÚ. Na/aywí baraá slafiingós sleémeerowo u saga deeqwaaká baloó alé.»

1 SAMUELI 1:22

Ala Hana aa daqeeriiká, asma hhawaatuuwós guna beér, «Aníng a daqawaaká ay dír na/ay'eé ngway /oomees, daqaní ngun sangw huúw, as iwa hardihi dír geeraá AAKOÓ MUNGÚ, as iwa didá' wa hooti daqisleém.»

1 SAMUELI 2:11

Aluuwo Elkana iri waátl amór do'ós baraá yaamaá Rama. Na/aydá' AAKOÓ MUNGÚ guri sagadiyuús dír geeraá Eli wa ale, kaahamusmoó Mungú.

1 SAMUELI 2:20

Eli, Elkana nee hareerose giri tsuúq, iri oó', «AAKOÓ MUNGÚ /ameenirí ngi na/aá hatlá' i haniisi, kitángw na/aywí taa hanisi'i dír AAKOÓ MUNGÚ i ale.» Inooín tari waátl amór dooín.

1 SAMUELI 28:2

Daudi Akishi guri mu/aywaáts, iri oó', «Kuúng aqo aán tidá' sagadiyusmoowók i tleehhi.» Akishi iri oó', «Aníng kuúng u xuumusmooeé' wa qaás.»