1 SAMUELI 1:19 - Biblía Axweesantá Hhohho' ar Mungú 2004

¹⁹ Looaytleérós matlaatleero tari tseewa tláy, AAKOÓ MUNGÚ kuri firín, tari waátl amór dooín, ayaá Rama. Elkana iri qatuú áy dír hareerós Hana, inós AAKOÓ MUNGÚ gari insláy.

1 SAMUELI 1:19 Iomraidhean Croise

IIMU/UUNGW 21:1

AAKOÓ MUNGÚ Sara gari insláy, nee adoodá' aa dirós i oó', gari tleéhh.

IIMU/UUNGW 30:22

Mungú Raheli gari insláy, gari iiárií qaás, gari xwaylárí haniís.

IIMU/UUNGW 4:1

Adam nee hareerós Hawa tari alqaát, inós iri tsít, Kaini guri xwayluúr, iri ó', «Na/oó garma ugwa sláw ar alee/isoó AAKOÓ MUNGÚ.»

IIMU/UUNGW 8:1

Ala Mungú Noa guri insláy nee makaydá' baraá miringamoó i diriiá'. Mungú fur'ár ur gari ya/aáw gawaá daanduú yaamu, ma'aay nay /aaruyé'.

2 WAAWITÁ 4:17

Ala /ameenidá' iri tsít, nee garma gway xwayluúr kurkú taa kayi, qoomár adór tidae, aqo adoodár Elisha nga báy.

WARA'AMI 119:147

Matlaatlér boo/e an tláw alee/isaywók nguwa firiim. Axweesantók a ló'wa harahhiíf.

WARA'AMI 136:23

Kudá' atén taa inslay baraá daqatlakwerene, Asma sla'aarirós i warqeeraaká ay alhhe'eesay wasle!

WARA'AMI 25:7

Tlakweemaeé' nee dee/aanuueé' awa iimír án tawa masoomo mi inslawaar, aá AAKOÓ MUNGÚ, án inslawáng ar har qoomoó sla'aarirók ar warqawaaká asma hhooeemawók.

WARA'AMI 5:3

AAKOÓ MUNGÚ, matlaatleero afor'eé' iiárií qaaseek. Matlaatleero án ti amohhe'eés sluufay'eé' nguwa dirógí oo', nee uri daám.

WARA'AMI 55:17

Tsiindo, matlaatle nee qoomár tlaatla/aango, an wa/a/uús ar gurhaami, inós afor'eé' ga axaas.

Marko 1:35

Nee matlaatlér boo/e iri tláy iri ti'iít ay dír muu iwa kahhi, iri firín didaádá' wa ale.

Luka 23:42

Tí ooaro ngiwa hhe'eés, iri oó', «Yésu, án inslawáng qoomár bara dát baraá waawuti'iimarók.»

YOSHUA 18:25

Ar hatlá' a Gibeoni nee Rama, nee Be'eroti.

1 SAMUELI 1:1

Heeko wák i deér baraá yaamaá Rama-taimuro ar yaamaá tlom'i, oo hhay Sufi oo tlahhoó Efraimu. Umuuwós ku bay Elkana, garmoó Yerohamu, Yerohamuú Elihu, Elihuú Tohu, Tohuú Sufi, heé tlahhoó Efraimu.

1 SAMUELI 1:11

Al'axweesani gari ó' dír Aakoó Munguú Aleesleemusmo, iri ó', «AAKOÓ MUNGÚ, barnaxés kuúng aniídár sagadiyuso'oorók iga i qaytsít baraá slahh'amaayero, nee iri insleér, bira gunqareská aniídár sagadiyuso'oorók, nee aniídár sagadiyuso'oorók na/oó garmaawo bira qeér, daqaní aníng baalaadae u haniís dír AAKOÓ MUNGÚ. Na/aywí baraá slafiingós sleémeerowo u saga deeqwaaká baloó alé.»

1 SAMUELI 15:34

Alaá tihe Samueli iri tláy ay Rama, nee Saulo iri waatláy amór do'ós baraá Gibea.

1 SAMUELI 16:13

Samueli xarmooduú di/i guri taataáhh, Daudi guri iimbalaáx dír geeraá hhaeewós wa ale, hamtidár kilae /uuruú qeeruú AAKOÓ MUNGÚ Daudi guri hatsiís. Naagáy Samueli iri kií/ Rama.

1 SAMUELI 19:18

Daudi iri goów, iri /akuút Rama amór Samueli. Kangwdá' sleémeero Saulo ngwaa /imiís guri dirós i alki/iít. Naagáy inós nee Samueli tari tláy ay dír ta bay Nayoti, tari amoodá' wa hoót.

1 SAMUELI 2:11

Aluuwo Elkana iri waátl amór do'ós baraá yaamaá Rama. Na/aydá' AAKOÓ MUNGÚ guri sagadiyuús dír geeraá Eli wa ale, kaahamusmoó Mungú.

1 SAMUELI 25:1

Samueli iri gwaá', múk Israeli iri burumburiít, kuri sa tsuunquumiís, kuri foól baraá Rama dír do'ós. Daudi iri tláy, iri aweér darmuú Parani.

1 SAMUELI 7:17

Nee in waawaatl ay Rama, asma do'ós i baraadá', nee didá' an kitángw gadiyeérós ar kwasleemadaá múk Israeli ngiwa tlaaqi. Kitángw ilahhooa oo AAKOÓ MUNGÚ guri tleéhh baraadií ale.

1 SAMUELI 8:4

Bariisér xoorór Israeli sleémeero tari dinkwárí burumburiít, tari Ramár káy amór Samueli.

1 SAMUELI 9:26

Inooín nina daarkiitiyé' matlaatlér boo/e. Da/aáw iwa daa/atutuur, Samueli Saulo guri ateét gawaá kitaara guri báy, «Tlawáng, án kuúng u haydoohiís.» Naagáy Saulo iri tláy, inooín tsaraawo tay tláy.