1 SAMUELI 1:15 - Biblía Axweesantá Hhohho' ar Mungú 2004

¹⁵ Ala Hana guri mu/aywáts iri ó', «Aasla'áy, aakooeé', aníng a /ameenír gurhaamuut. Aníng difaái ngaa wahiiká, tam gár oonitimis, ala aníng muunaáeé' una haniís amór AAKOÓ MUNGÚ.

1 SAMUELI 1:15 Iomraidhean Croise

YOBU 30:16

Án hám daxta gwa'ara aga nakaá/, tiqti iga alsí'.

WARA'AMI 143:6

Dabaaeé' iga tleés amoorók i ale, an firiiriím. Muunaáeé' kuúng una sa waxiít, adór yaamaá naa xawslitiye'.

WARA'AMI 42:4

Qoomár bar muruú aáng ugwa insláw, muunaáeé' in gurhaamuut. Asma qoomaadae tina alkoomakoomaán nee boo/oó úr, ngiri geerahaár tawa hardahaan amór Doó Mungú, boo/oó úr oo muu oo hi'imiít ar afór bara/ nee daa'ángw ilahhooa.

WARA'AMI 62:8

Kuungaá muu, Mungú haratlintiaak daqisleém, slahh'amuuhúng alki/iitaak dirós i alé, Mungú a dír guwayrén.

WARA'AMI 62:9

Muu a adór hiinsluú tawo, tam múk ta ilaiwawa/i a tawo sleeme. Iilooeemaaín bira alqoomés i hakwaaiyá', sleémeero dinkwaaro ki islahh ta hiinsluwo.

AXWEESANOÓ SAGALOOA 14:10

Hee slahh'amuú baraawós gun xuu' inós kilós, tam qwal/uú baraawós i dirií' heé hatlá' gu enká.

AXWEESANOÓ SAGALOOA 15:1

Heé aa buuhh burkwa mu/aywaáts ar tsaeema buuhhtaawós gin máy, Ala afaatli/a i buhhtaá dogít.

AXWEESANOÓ SAGALOOA 25:15

Heé qitluú baál waawutmo gu afaa/aasl, nee axweesanoó tsaén fara ga geeqáy.

WA/AA/I 2:19

Xweera sleémeero daarakimiít, /aa/amiím, dír xuumár xweera ira iimu/uundiiká! Kángw baraá muunaáwók faakeek kaahaango dír geeraá Aako! Dabaawók amoorós ti tles as slafíngw na/iiwók kuwa aleefiriin, kudá' /araaramá' as qwari baraá lohdu.

1 SAMUELI 1:16

Sagadiyuso'oorók ma adór /ameenír aa pungahhamút ar tsaahhaar, gár muruuwí sleémeero ngusa axweemaamiís a slahh'amuú naa sláw nee gurhaamiro.»

1 SAMUELI 7:6

Xoorór Israeli iri burumburít baraá Mispa, ma'aay kiri hheék, kiri ku'umiís dír geeraá AAKOÓ MUNGÚ. Baalaadae tari gwaawín, nina ooiyé', «Tlakweema iga tleehhaán dír AAKOÓ MUNGUHE.» Samueli qaa/oó múk Israeli guri baraadaá Mispár wa tlaáq.