1 SAMUELI 1:10 - Biblía Axweesantá Hhohho' ar Mungú 2004

¹⁰ Hana iri kángw kilá' wa gurhaamút, AAKOÓ MUNGÚ guri firiín ar hhirhheeri.

1 SAMUELI 1:10 Iomraidhean Croise

IIMU/UUNGW 30:1

Raheli ngiwa aán adór nee Yakobo na/aay kur slaslayká, gura' gari óh as Lea, Yakobo guri beér, «Na/ii haniisang, bar adooriheeká aníng a gwaá'.»

IIMU/UUNGW 50:10

Tay hardáh dír balaangw kuwa haritlemaamisi, didár gayuú yaaér Yordani. Tari amoodá' wa tsuunqumiís ar tsuunqusmoó xoorór boo/. Yosefu iri tsuunqumiís as baabuúwós amoodá' wa alé deelo faanqwe.

2 SAMUELI 13:36

Qoomár sagadiyusmoodá' axweesantós ngiwa hhe'eés ooaro, daaqoó waawutmo nina hardáh, tari tseé' /aa/eewo. Waawutmo nee sagadiyuuserós sleémeero gur'er'ín iri tu/umít, tari /aá/.

2 SAMUELI 17:8

Hushai iri kumiít axweesanto, «Kuúng a xú' adór baabuúwók nee mukose tar miguuse, nee adór tara qa/imiít buhhtaawo, adór makiito'oodá' ta bay dúbu ar qaa' ar taa na/ii hayóh baraá darmuú wa ale. Slám male ale kuúng baabuúwók un xú' adór tar miguusmoó slaqwarár baál. Inós xweeraawo i qaqtaatinká dinkwa nee mukós ay matlaatle.

2 WAAWITÁ 20:3

«AAKOÓ MUNGÚ, án kuúng un harhheehhe'eés, adoodá' aníng kuúng ura sagadiyuús ar inkihhimu, nee ar muunaáeé' sleémeero inslaweek, nee tidá' dír geeraawoge qoom ana tleéhh.» Hesekia iri gurhaamuút iri /aá/.

YOBU 10:1

Slafingw'eé' aa tlií/, wa/aa/ir'eé' an kángw kilá' wa káh, an slahh'eés ooaro.

YOBU 7:11

Aasla'áy, án axweesanto a baloó xaslitaaká, aníng aga daa/atúw buhhtaawo. Naxooro slahh'amueé' u qununuú/ ar mune.

YOBU 9:18

I mayká tam hiinsla nguwa guu/, iga slahh'amaayeérár gaás.

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

WARA'AMI 91:15

Aníng bira ateét, u iiárií qaás, aníng a dinkwa nee inós baraá slahh'amaayeero, un ba/amís ngway xirfayeés.

AXWEESANOÓ SAGALOOA 14:10

Hee slahh'amuú baraawós gun xuu' inós kilós, tam qwal/uú baraawós i dirií' heé hatlá' gu enká.

ISAYA 38:15

Ala gár ni oo' a milá daxta, asma inós ina i axweés, inósuú kilá' gari tleéhh, gu'uter'eé' ina daandií /akút, asma slahh'amuú na sláw baraá muunaáeene.

ISAYA 54:6

Asma Yerusalemu kiíng AAKOÓ MUNGÚ iga male ateét kiíngadár adór harér taa sií' ar gurhaamuut. Adór harér bi/i ar taa geexáy. Munguúwók i kaahi,

YEREMIA 13:17

Ala barnaxes aga axasi'iiká, aníng an baraá gurií /aá/, asma daara/angwhúng, ilaaeé' nin /aa/iyá' nee hhirhheerieé' niri baráy gororoxotiyá', asma múk AAKOÓ MUNGÚ kwa loohatís.

YEREMIA 22:10

Heé aa gwaa' mu sa/aa/amiimara' laqaá ma tsuunqumisaara' as gwa'ararós, ala kudaádá' tar tlay amór saaw na sa/aa/amiimaak, asma inós i malé ki/iiká, yaamuuwós ngiwa malé ari.

WA/AA/I 3:15

Aníng slahh'amu iga baál, nee tlarara/aay iga gaás.

Luka 22:44

Yesu iri ló'wa kumiít firooro as adoodá' muunaáwós iwa ló'wa gurhaamuuti, tam hameerós iri adór tseere tleehhít, iri yaamií taxaán.]

Ebrania 5:7

Qoomár Yesu iwa baraakaá yaamuú wa hoót, Mungú guna i /aa/amín ar afór ur, nee ar hhirhheeri, guri firiirín nee nguwa ateetin. Asma Mungú inós gu aleesláy nguwa ba/amisi baraá gwa'araaro. Inós kuri iiárií qaás nee Mungú asma adoodá' tiwa niinaweés, nee adoodá' Mungú nguwa ilaiwawaá/.

HAR'OHUUSE 21:2

Naagáy múk Israeli tari tláy ay Beteli dír geeraá Mungú, tari didií iwiít iimír matlaatlér wa tleemu ay tsiindo. Inooín tana tseeamín ar afór ur nee tana /aa/amín ar gurhaami.

RUTI 1:20

Naomi giri beér, «Aníng mi Naomír ateetimaara', ala ateetimaaré' ar Mara. Asma Munguú Aleesleemusmo aníng iga slahh'amaayér úr i haniís.

1 SAMUELI 1:11

Al'axweesani gari ó' dír Aakoó Munguú Aleesleemusmo, iri ó', «AAKOÓ MUNGÚ, barnaxés kuúng aniídár sagadiyuso'oorók iga i qaytsít baraá slahh'amaayero, nee iri insleér, bira gunqareská aniídár sagadiyuso'oorók, nee aniídár sagadiyuso'oorók na/oó garmaawo bira qeér, daqaní aníng baalaadae u haniís dír AAKOÓ MUNGÚ. Na/aywí baraá slafiingós sleémeerowo u saga deeqwaaká baloó alé.»

1 SAMUELI 1:9

/Ayma nee wahaango tawa hhe'eés didár Shiloro, naagáy Hana ina sihhít, qoomaadae Eli kaahamusmoó úr oo Mungú aa iwiít gawaá kitaangós, dír duuxutmoó Doó AAKOÓ MUNGÚ.