1 SAMUELI 1:1 - Biblía Axweesantá Hhohho' ar Mungú 2004

¹ Heeko wák i deér baraá yaamaá Rama-taimuro ar yaamaá tlom'i, oo hhay Sufi oo tlahhoó Efraimu. Umuuwós ku bay Elkana, garmoó Yerohamu, Yerohamuú Elihu, Elihuú Tohu, Tohuú Sufi, heé tlahhoó Efraimu.

1 SAMUELI 1:1 Iomraidhean Croise

1 WAAWITÁ 11:26

Yeroboamu garmoó Nebati, heé tlahhoó Efraimu oo yaamaá Sereda, inós a sagadiyusmoó waawutmo Solomon. Aayoorós a kwaalo'o, tidá' ta bay Serua. Yeroboamu sleeme ina dee/anuút dír waawutmoowo.

1 QOM'I 6:12

Ahitubu ina laqwaál Sadoki, nee Sadoki ina laqwaál Meshulamu.

1 QOM'I 6:22

Daaqoó Kohati a kwí: Aminadabu, Aminadabu ina laqwaál Kora, Kora ina laqwaál Asiri,

1 QOM'I 6:33

Mukwí an kudá' aa da'a'aat dinkwa nee na/ii'ine, tlahhoó Kohatiwo Hemani a daausmo, garmoó Yoeli, garmoó Samueli

1 QOM'I 6:34

garmoó Elkana, garmoó Yerohamu, garmoó Elieli, garmoó Toa,

Matayo 27:57

Qoomár tsiindo niwa xayé', heeko daqaarmo nay hardáh. Inós a heé yaamaá Arimataya. Umuuwós a Yosefu. Nee slám inós a eeharusmoó Yesu.

YOSHUA 24:33

Aluuwo tam Eleasari garmoó Aroni sleeme iri gwaá'. Kuri foól baraá gixsár Gibea, tidá' taa garmaawós Finehasí haniís. Gixsarí i baraá tlom'aá yaamaá Efraímúrí dirí'.

HAR'OHUUSE 12:5

Múk Gileadi loohír Yordani ngiri tseegiyé' as múk Efraimu miwa /akumiít. Umuú qoomaaro heé Efraimu bira didií hardáh as iwa waaraahhi, múk Gileadi guna yaahaás, «Xáy gan, kuúng a heé tlahhoó Efraimuwo?» Nee bira oó', «Aasla'áy,»

HAR'OHUUSE 17:1

Qoomaarihe heeko wák oo baraá yaamaá tlom'aá Efraimu i deer, umuuwós ku bay Mika.

HAR'OHUUSE 19:1

De'emudae waawutmo i kaahh baraá Israeliwo, heeko wák oo tlahhoó Laáwi ina hoót ar dah'iima baraá darmuú yaamaá tlom'aá Efraimu wa ale. Inós /ameenirka baraá Betilehemúr Yuda gay duúx tawa /ameenirós ar quturmo wasl.

HAR'OHUUSE 4:5

Debora in iwaawít dír gamuú slaanslírí alé, tla/ángw gixsár Rama nee Beteli, baraá yaamaá tlom'aá awa Efraimu. Xoorór Israeli in amoorós kakeér as qaa/ay'ín nguwa tsat.

RUTI 1:2

Heewí umuuwós a Elimeleki, nee umuú hareerós a Naomi, nee daaqaywós kudá' tsár umer'ín a Mahloni nee Kilioni. Tlahhay'ín a Efrata oo baraá gixsár Betilehemu ar baraá Yuda. Tari hardáh yaamaá Moabu, niri ayaadá' wa hootiyé'.

RUTI 4:22

Obedi Yese guri laqwaál, Yese Daudi guri laqwaál.

1 SAMUELI 1:19

Looaytleérós matlaatleero tari tseewa tláy, AAKOÓ MUNGÚ kuri firín, tari waátl amór dooín, ayaá Rama. Elkana iri qatuú áy dír hareerós Hana, inós AAKOÓ MUNGÚ gari insláy.

1 SAMUELI 17:12

Daudi a garmoó Yese, oo hhay Efrati oo baraá Betilehemúr Yuda. Yese daaqaywós a dakaát. Qoomár Saulo tawa waawutmo, Yese a heé aa din, kureeriiwo bariisér ayaawós ga baa/.

1 SAMUELI 2:11

Aluuwo Elkana iri waátl amór do'ós baraá yaamaá Rama. Na/aydá' AAKOÓ MUNGÚ guri sagadiyuús dír geeraá Eli wa ale, kaahamusmoó Mungú.

1 SAMUELI 7:17

Nee in waawaatl ay Rama, asma do'ós i baraadá', nee didá' an kitángw gadiyeérós ar kwasleemadaá múk Israeli ngiwa tlaaqi. Kitángw ilahhooa oo AAKOÓ MUNGÚ guri tleéhh baraadií ale.

1 SAMUELI 9:4

Inooín tana waaraáhh ar baraá tla/ángw yaamuudaá tlom'aá Efraimu, tari waaraáhh ar baraá yaamaá Shalisha, ala kaa ariiká. Tari waaraáhh ar baraá tla/ángw yaamaá Sha'alimu, tam amoodae gár taa ár i káhh. Tari waaraáhh ar baraá yaamaá Benyamini ala gár taa ár i káhh.

1 SAMUELI 9:5

Tawa hardáh yaamaá Sufu, Saulo sagadiyusmoodá' nee inós ti koomá' guri báy, «Xaa a watlaán, baabuúeé' iinslawoó daqwaaye munguwa máy, iri atén iinslaslángw áy.»