1 QOM'I 9:1 - Biblía Axweesantá Hhohho' ar Mungú 2004

¹ Umér múk Israeli kana gooín ar tlahhi'i, kaangwí dír kway gooín a baraá kitaábuú waawituú múk Israeli. Nee múk tlahhoó Yuda kuna ar tláy ay yaamaá Babuloni as inkihhimu wasler'ín.

1 QOM'I 9:1 Iomraidhean Croise

1 WAAWITÁ 14:19

Tlehhma'aá hatlá' awa waawutmo Yeroboamu, adoodá' tara slaáqw nee ira waawuti'ín sleémeero ka gooín baraá kitaábuú qom'i oo waawutuú Israeli.

2 WAAWITÁ 24:14

Muu sleémeero oo Yerusalemu guna ar tláy: Geeraharuuse nee miguuseero, nee múk mura' tlehhtuuwo gu xuú' nee kareerá, dinkwaaro múk taa haasaáng wa huúw a kume mibaangw. Heé aa meet i kaahh aqo har mukduú narkuute liitlakwén baraá yaamuudae.

2 WAAWITÁ 24:15

Yehoyakini guna ar tláy ay yaamaá Babuloni, nee aayór waawutmowo, tlaawoó waawutmo, nee geeraharuusér uren ar slaqwaruuse, nee geeraharuusér yaamaá Yerusalemu gari huúw ay Babuloni.

2 WAAWITÁ 24:16

Nebukadnesa waawutmoó Babuloni miguusér kume faanqw gana haasaáng wa huúw, múk mura' tlehhtuuwo gu baál, nee kareerahe a kumuú wák. Mukwí sleémeero a múk /uureemaá koóm nee oo slaqwara ga baál.

1 QOM'I 8:40

Daaqoó Ulamu a miguuse baraá slaqwaraaro, a múk ga/aldaá koóm. Inós na/ii ngi kon ki ur, nee na/aá naangós a muu tsiiru nee mibeeri kooán. Mukwí sleémeero oo tlahhoó Benyamini.

2 QOM'I 33:11

Gawaá adoorihe, AAKOÓ MUNGÚ geeraharuusér waawutmoó Ashuru gana ya/aáw amór múk Yuda. Manase nguri oohiyé' gway daba' tseegiyé' ar piínguduú muqslár sirda/aten, nguri huwiyé' ay yaamaá Babuloni.

ESRA 2:1

Mukwí an kuduú aya, kudá' naa waatl baraá loohaywo, kudá' Nebukadnesa, waawutmoó Babuloni aa loohatís ay yaamaá Babuloni, inooín tay kií/ yaamaá Yerusalemu nee awa Yuda, umuú heewo ayaawós.

ESRA 2:59

Múk ayeemooká' sleeme nina waátl: Oo Tel-mela, nee yaamaá Tel-harsha, nee yaamaá Kerubu nee Adani nee Imeri. Ala inooín taa ooi'iiká adór tar awa xwaylár Israeli.

NEHEMIA 11:1

Naagáy geeraharuuse baraá gixsár Yerusalemu ngina hootiyé'. Muu sleémeero oo hatlá' tsawdo kana tleéhh baraá umuúqo múk mibaango heé wák kuwa slay oo baraá gixsadá' hhoohhoo' ar Yerusalemu ga hoót. Mukduú hatlá' gwaleél ina meét baraá gixsaduuín.

NEHEMIA 7:5

Aluuwo Mungú aníng iri inslawáy haniís oo múk urén nee geeraharuuse ngiwa burumbuur nee muko, as ngiwa tlahh'i xuu'. Kitaábuú tlahh'aá mukdá' naa geerií waatl kay gooín una sláw, múk taa baraadá' i gooín a kwí:

NEHEMIA 7:64

Kuká' faaror'ín ngina leeleehhiyé' baraá tla/ángw kudá' taa faari, ala kaa slayká, inooín kina harafaár tawa múk ta harmeetin.

ISAYA 3:2

Migusmo gu hingees nee slaqwarusmoowo, har'ohusmo nee aarusmoowo, tlaa/usmo nee aakoowo,

YEREMIA 13:19

Gixsadaá Negebu sleémeero kaa afe tsegiít, heé gweeraro gi aleesláw i kaahh. Múk Yuda sleémeero kura tláy baraá loohaay, inooín sleémeero kaa huúw baraá lawaali'iima.»

YEREMIA 39:9

Naagáy Nebusaradani geeraharusmoó xuumuuse mukdá' sleémeero aa meet baraá gixsár Yerusalemu guri huúw baraá yaamaá Babuloni, nee kudá' sleémeero naa amoorós i haragwaaiye' dinkwa nee kudá' sleémeero naa meetiye'.

DANIELI 1:2

Aako Mungú Yehoyakimu waawutmoó Yuda guna máy kuwa oohi nee waawutmoó Babuloni, nee xooslaá Doó Mungú giri bahh ar tláy ay baraá yaamaá Shinari, ay baraá doó munguúwós. Xosluudá' gari baáts baraá doó munguúwós.