1 QOM'I 6:3 - Biblía Axweesantá Hhohho' ar Mungú 2004

³ Na/aá Amramu a kuká': Aroni, nee Mose, nee Miriamu. Daaqoó Aroni a Nadabu, nee Abihu, nee Eleasari, nee Itamari.

1 QOM'I 6:3 Iomraidhean Croise

1 QOM'I 15:10

Dír doó Usieliwo heé taa tsawaár a Aminadabu kudá' taa uráy haniís, dinkwa nee hhaeewós awa tsiiru nee mibaá nee tsár.

1 QOM'I 23:12

Kohati daaqaay ngu kón a tsiyáhh, a Amramu nee Ishari, nee Hebroni nee Usieli.

1 QOM'I 23:13

Daaqoó Amramu a Aroni nee Mose, Aroni kuri qaás as xosluudá' ak ló'wa hhohho' ngiwa paraatli as Mungú, as inós nee daaqaywós mooyaangw nguwa da/a/ana' dír AAKOÓ MUNGÚ, nee nguwa sagadiyuusiya', nee muu nguwa tsuuquna' ar umuú AAKOÓ MUNGÚ ay alhhe'eesay wasle.

1 QOM'I 24:22

Doó Ishiawo a Shelomoti, doó Shelomotiwo a Yahati.

1 QOM'I 6:2

Daaqoó Kohati a kwí: Amramu nee Ishari, nee Hebroni, nee Usieli.

1 QOM'I 6:4

Eleasari ina laqwaál Finehasi, nee Finehasi ina laqwaál Abishua,

TI'INAANGW 15:20

Naagáy aaruso'o Miriamu, hho'ór Aroni, oowi gari taatáhh. /Ameena sleémeero iri aluuwós wa eehariín, i ooway'ín koná', ta hara ni/ín.

TI'INAANGW 2:4

Hho'ór na/aywí iri amorqá' saáwí sihhít as gár na/aay gu aw ngiwa aan.

TI'INAANGW 2:7

Naagáy hho'ór na/aay dasír Farao gari beér, «Xáy, umtuso'ór na/aay ngi ateéta baraá /ameenár Ebraniár wa alé, as na/aay nguwa umiin as kiíng?»

TI'INAANGW 24:1

Aluuwo AAKOÓ MUNGÚ Mose guri báy, «Kuúng nee Aroni nee Nadabu, nee Abihuwo, nee bariiseedá' mibeeri faanqw ar Israeliro, qwalaasaré', tsa/amare' amor'eé' anuú AAKOÓ MUNGÚ, aníng sluufmisuú awaaré', ala mi i tseewuwara'.

TI'INAANGW 28:1

«Kuúng Móse, tláw hhiyaawók Aroni nee daaqaywós Nadabu, nee Abihu, nee Eleasari nee Itamariwo paraatleek dír xoorór Israeliro, as tawa kaahamuusér aníng i sagadiyuus.

TI'INAANGW 6:20

Amramuwí hho'ór baabuúín Yokebedi gari duúx, nee inós Aroni nee Mose giri laqwál. Kureeraá Amramu aa hoót a tsiru nee mibeeraá tám nee faanqw.

TI'INAANGW 6:23

Aroni Elisheba gari duúx, dasír Aminadabu, hho'ór Nashoni. Inós Nadabu guri xwayluúr, nee Abihu, nee Eleasari, nee Itamari.

TLAHHOÓ LAÁWI 10:1

Daaqoó Aroni, Nadabu nee Abihu, umuú heewo xooslmoowós kudá' taa tleéhh ar tleei guri ásltí qaás, guri mooyángwí doók nee guri haniís dír AAKOÓ MUNGÚ, asltadá' ka hhoohhooeeká asma ka hara'ayinká nee AAKOÓ MUNGÚ.

TLAHHOÓ LAÁWI 10:12

Mose Aroni nee daaqaywós kudaá meet, Eleasari nee Itamari, giri báy, «Ilahhooadá' aa met ar balaangw dír tidá' ta hanmaamisa' dír AAKOÓ MUNGÚ tawa ilahhooár da/a, taatahhaak ka /agá' bihhaá kitángw ilahhooár wa ale, mu gár sluuftimisií qaasara', asma ka ló'wa hhoohhoo'.

TLAHHOÓ LAÁWI 10:16

Naagáy Mose gurtuú ta ilahhooár tlakweema hingeesár wa haniisi guri xuuxuú', guri tsaáhh adór kura daá/, asla guri fák. Iri buúhh dír Eleasari nee Itamari, daaqoó Aroni kudá' aa qatliiká, giri yaahaás,

MIKA 6:4

Aníng kuungá' nuna baraá yaamaá Misrír wa duúx, nuna baraá yaamaá lawaali'iimár wa tuú/. Aníng Mose nee Aroni nee Miriamu ngina amorhúng i ya/aáw as nuwa geerahariya'.