1 QOM'I 5:2 - Biblía Axweesantá Hhohho' ar Mungú 2004

² Ala tlahhoó Yuda tam i /uuruú kona dír hhaeewose, nee tam waawituú múk Israeli ku tsawdaditi baraá tlahhoó Yuda wa ale, ala heé hariímár garmoó baris gaa oh a Yosefu.

1 QOM'I 5:2 Iomraidhean Croise

IIMU/UUNGW 25:31

Yakobo guri mu/aywaáts, «Uraywók oo tawa baris ala aníng i weeriisang.»

IIMU/UUNGW 35:23

Daaqoó Lea an Reubeni, na/oó baris oo Yakobo, nee Simeon, nee Laáwi, nee Yuda, nee Isakari nee Sebuluni.

IIMU/UUNGW 48:5

«Ala daxta, na/iiwók kuká' tsár taa baraá Misrír wa laqwaál, qoomár aníng niwa hardihiiká, a kwe'eé'. Efraimu nee Manase a adór Reubeni nee Simeon.

IIMU/UUNGW 49:26

Tsuuqaá baabuúwók i /uuruú koná' ta /uuruú tlom'aá hotaatima'a, nee hhooár tlom'aá alhhe'eesay wasl. Tsuuqaká' i iwiitiye' gawaá ságw Yosefu nee gawaá gitsee/aawós, kudá' taa paraátl nee hhaeewós.»

2 SAMUELI 8:15

Gawaá adoorihe Daudi iri waawuti'ín daanduú múk Israeli sleémeero, gari ara hhe'eés adór mukós sleémeero kur gan'amií tlehhiiti adoodá' kus hariím.

1 QOM'I 28:4

Tam adoorihe AAKOÓ MUNGÚ, Munguú Israeli, aníng ina tsawaár dír doó baabuúeene tawa waawutmoó múk Israeli kureerisleém. Tlahhoó Yuda guna tsawaár as iwa waawuti'in, nee baraá doó Yudawo guruú doó baabuúeé' gway tsawaár, baraá daaqoó baabuúeene aníng ina gurií baá/, iri waawutmoó múk Israeli wa qaás.

WARA'AMI 108:8

Gileadi a te'eé', Manase a kwe'eé', Efraimu, a baqmór sagw'eé', Yuda a hharte'eé' ar waawuti'iima.

WARA'AMI 60:7

Gileadi a te'eé', Manase a kwe'eé', Efraimu a baqmór sagw'eé', Yuda a hharte'eé' ar waawuti'iima.

MIKA 5:2

«Ala kiíng, gixsár Betilehemu, ar baraá Efrata, tam ti niinawe baráa tla/ángw gixsadaá yaariir awa tlahhoó Yudawo, ala baraawoge geeraharusmoó wák ngu sláw oo múk Israeli gu sawaawuti'iím. Iimu/úngw tlahhaywós oo iimír aáng, inós oo iimír qaro.»

FAARO 2:3

«Múk xafay'ín gu tleéhh bihhaá da/aáw amoodá' tsee/aamá niwa ti'imiiti, a bohhudaá dír bendeérár tlahhoó Yuda. Geeraharusmoó tlahhoó Yuda a Nashoni garmoó Aminadabu.

FAARO 7:12

Naagáy, bál geeraawo heé ilahhooa gaa huuw a Nashoni garmoó Aminadabu, heé tlahhoó Yuda.

Matayo 2:6

‹Kiíng gixsár Betilehemu ar baraá yaamaá Yudea, kiíng ti baloó niinaweeká baraá gixsadaá Yudeawo, asma waawutmo i ti'iit baraawoge oo muk'eé' oo Israeli gu de'eém.› »

Rumi 8:29

Asma iimír aáng, inooín kiwa tleehhiiká, Mungú inooín gaa qaroó xuú', slám gaa qaroó tsawaár iwa warqaya', as tawa slaqamís nee Garmaawós. Gawaá adoorihe Garmaawós masók an garmoó baris dír hhaeewós awa yaariire.

DABE 21:17

Inós aqo garmoó baris oo /ameenidá' i slaiiká gun ya/án nguwa aalírí haniisi, sagaá wa tsár wa ale baraá tidá' i kona. As adoodá' tawa garmoó baris, aalír garmoó baris a tós.

DABE 33:17

Xirfuuwós a adór oo awuú baris, xareemiiwós a adór kuqaá yaqaambuú saree/a, xareemidaádae inós xoordu gin tliwii/ ay alhhe'eesoó yaamu, inooín sleémeero gi ku/iyaá yaamií hardahaas. Efraimu xareemi ngi kon kume mibaangw, nee Manase kumér yaariir.»

Ebrania 7:14

A gár xu'utiit Aakoorén tlahhaywós a tlahhoó Yuda. Slám Mose kángw kaahamuuse nguwa axweés, gár aa oó' i káhh daanduú tlahhaywihe.

YOSHUA 14:6

Looár wake tlahhoó Yuda ina amór Yoshua káy baraá Gilgali. Kalebu garmoó Yefune, oo guruú doó Kenisi Yoshua guri báy, «Yoshúa, án ngi slaá' kuúng axweesantadár AAKOÓ MUNGÚ aa oó' dír Mose, heé Mungú, a insleér. Axweesantadá' a daanduú aníng nee kuúng baldá' baraá yaamaá Kadesh-barnearo.

Geehhoeemaá 5:5

Nee heé wák baraá bariiseedae aníng ina báy, «Ma /aa/amiimaar. Qaytsiít, Dirángw tlahhoó Yuda i deer, oo hhay Daudi. Inós arba/ati gaa sláy. Gawaá adoorihe inós i harín kitaábu nguwa gweeri nee tam dugeeniiwós kudá' faanqw kura tseegi.»

HAR'OHUUSE 1:2

AAKOÓ MUNGÚ iri oó', «Tlahhoó Yuda i giirin, asma yaamuusíng aníng i gawaá dabaaíní qaás.»

1 SAMUELI 16:1

AAKOÓ MUNGÚ Samueli guri báy, «Ay xaylá Saulo ku alee/a/amamiin, bar aníng inós ugwa qaroó sií' múk Israeli nguwa sawaawuti'in? Xarmo di/to dalaa/eek, tlaatláw, aníng kuúng u gan'aás ay doó Yese, heé yaamaá Betilehemu. Asma baraá tla/ángw daaqaywose waawutmo ugwa sláw.»

1 SAMUELI 16:10

Yese daaqaywós faanqwamaawo guri waarahhamaamiís ar dír geeraá Samueli, Samueli Yese guri báy, «Kuká' AAKOÓ MUNGÚ gaa tsawaariiká.»

1 SAMUELI 16:12

Yese hee guri ya/aaw, garmaadá' kunguri amor'íní huúw. Garmaadá' a heé slaqwa hhoó', ku ila hhohhó', slaqwatós ka tsataari hho'. AAKOÓ MUNGÚ iri oó', «Kwí an kudaádá', gím sihhiít iimbalaxeek di/to.»