1 QOM'I 4:10 - Biblía Axweesantá Hhohho' ar Mungú 2004

¹⁰ Yabesi Munguú xoorór Israeli guri firín, iri oó', «Aníng na tsuuqáng, Munguú, nee yaamaá iintlaaxwá' aníng i haniisang. Kuúng masók a dinkwa nee aníng, nee muruú tlákw pa/asek dir'eene, kudá' slahh'amu ngu huúw.» Munguú tidá' inós aa firín gari haniís.

1 QOM'I 4:10 Iomraidhean Croise

IIMU/UUNGW 12:2

Án kuúng u xoorór ur tleéhh, án kuúng u tsuúq, nee umuuwók nguri ureés, nee kuúng tari tsuuqa tleehhít.

IIMU/UUNGW 12:8

Abramu iri didá' wa tláy, iri hardáh ay yaamaá goongoama bihhaá da/aáw awa gixsár Beteli. Heémarós gari didií kikií', gixsár Beteli i bihhaá /uwa, nee gixsár ta bay Ai i bihhaá da/aáw. Kitángw ilahhooa guri tleéhh, umuú AAKOÓ MUNGÚ guri ateetín baraá firoorose.

IIMU/UUNGW 28:20

Yakobo al'axweesani gari qaás i kaahi, «Mungú ala kuúng bar dinkwa nee aníng, nee bir de'eén baraá aaiieene, muruú /ayma nee tsitaywo bur ngu hanmís,

IIMU/UUNGW 28:21

nay kií/ amór doó baabuúeé' ar saxareema,

IIMU/UUNGW 32:26

Heedaádá' Yakobo guri báy, «Án geemawáng ni tláw, asma iimi aa /awaakuúr.» Ala Yakobo guri báy, «U geemawaaká ay dír án i tsuq.»

IIMU/UUNGW 32:27

Inós gway yaahaás, «Asma kuúng a heemá?» Iri oó', «Yakobo.»

IIMU/UUNGW 32:28

Heedaádá' iri oó', «Kuúng tu malé bayká Yakobo, ala tun bay Israeli, asma nee Mungú tina /ootsité', nee muu sleeme, kiri arbá/.»

IIMU/UUNGW 33:20

Kitángw ilahhooa guri tleéhh amoodaádá' i ale. Kitangwdá' guri umií tsaát guri báy El-Elohe-Israeli.

IIMU/UUNGW 48:16

nee malaykamoodá' iga ba/amis nee tlakweema sleémeero, masoombarí ngi tsuuqi! Umuueé' ku aain baraaine, nee umér baabi'iieé' Abrahamu nee Isaka. Inooín ni xoorór ur tleehhitiye' baraá yaamuwo.»

1 QOM'I 16:8

AAKOÓ MUNGÚ sluufmisaak, umuuwós ateetaak, tlehhmi'iiwós xu'utisaak dír muko.

1 QOM'I 4:11

Kelubu, hhiyoó Shuha ina laqwaál Mehiri, nee Mehiri ina laqwaál Eshtoni.

1 QOM'I 4:9

Yabesi a heé ilaiwa/amér koóm ta hhaeewose. Aayoorós umuuwós guri beér, Yabesi as nguwa laqwál ar slahh'amu.

YOBU 12:4

Aníng aga gár waaqaseengw tleehhiít dír mulqer'eene. Anínguuwí Mungú ugwa firiim iri mu/aywaáts, anínguuwí gan'amuú koóm nee oo xaslxaansli wásl aga gár ta waaqaseesen tleehhiít dír muko.

WARA'AMI 119:173

Umuú daqto masók taa amohhe'és aníng iwa alee/is, asma hara'ayarók aga tsawaár.

WARA'AMI 121:7

AAKOÓ MUNGÚ kuúng un xún dír muruú tlákw sleémeero. Inós slafiingók gun de'én.

WARA'AMI 145:19

Kudaádá' ngu ilaiwawa/á' gi qáy tidaádá' i slaiia, /aa/eeín gi axaas giri ba/amiis.

WARA'AMI 21:4

Inós slafiingw guna dirógí firín kuri hanís, slafíngw deelór yaariir oo alhhe'eesoó koomaaká.

WARA'AMI 51:12

Qwal/uú iwa ba/amís amor'eé' ki/isang, aleeslawtisáng ar qeeruuwók muunuú ilaiwa/ame nguwa slaw.

WARA'AMI 51:8

Qwala/ nee bar/uuwo hatsiisáng. Tam iga fadu giqeeri ar muxta, aníng kuúng u sa baraá/.

WARA'AMI 55:16

Ala aníng Mungú u ateét, nee AAKOÓ MUNGÚ aníng i ba/amis.

WARA'AMI 65:2

Kuúng firo a axamís, muu sleémeero u i hardah.

WARA'AMI 72:17

Yaeemír waawutmo i kumaamit, waawutmo ku diidi'iimaamisi qooma sleémeero ar tsee/amá iwa gwa/aati, xoordu sleémeero tsuuqa ngi slaye' ar inós, nee inós ku bay, «Kudá' taa tsuúq.»

WARA'AMI 99:6

Mose nee Aroni sleeme an geeraharuuseerós ar saaliingw, tam Samueli a heé wák baraá tla/ángw kudá' AAKO ngwa firiirine'. Inooín sleémeero AAKOÓ MUNGÚ nguna i /aa/aminé' nee inós giri mu/aywaáts.

AXWEESANOÓ SAGALOOA 10:22

Tsuuqaá AAKOÓ MUNGÚ i daqaari'iimár huwahuwiyá', nee gár tlii/ ngi tsuuqaá al haniisiiká.

AXWEESANOÓ SAGALOOA 30:8

Lama nee tlooraá tawo dir'eene hingeeseek Narakw nee daqaari'iimaro mingi hanisaar Muruú /aymár har guruueé' na haniisang.

ISAYA 41:10

Ma da'ayumitaar, asma aníng nee kuúng a dinkwa, ma amoqwaqwadimaar, asma aníng a Munguúwók. Aníng kuúng u /uurií doóg, aníng kuúng u ale/iís. Aníng kuúng u óh ar dakw'eé' oo doó /iyáy kudá' arba/tír koóm.

ISAYA 41:17

Múk narkuute nee oo gaa wásl bir ma'aá leelehhiitiyá', ma'aay i kahhiyá' waxeero hhehhuuín birna kahiyé'. Aníng AAKOÓ MUNGÚ i mu/aywaáts, Anuú Munguú Israeli i geexawaaká.

YEREMIA 33:3

«Aníng ateetáng, aníng kuúng un mu/aywaáts, nee muruú urén ngu kuúng báw, kudá' taa luú/ oo kuúng ta baloó xu'uká.

Matayo 26:75

Petro /aymuudá' Yesu aa oó' guri insláy, kudá' iwa káh, «Konkomo iwa uui, án kuúng iga sagaáwa tám wa satlank.» Petro iri tsee/ií ti'iít, iri ló'wa /aa/amín.

Matayo 6:13

Atén miti baraá iiara'aduú uhisar, ala atén ti ba/amis kudá' tlaakwe. [ Asma waawuti'iima a tók, nee aleesleemu, nee xirif, ay alhhe'eesay wasle. Amin.]›

Luka 19:42

iri oó', «Geeraawo masók tam kiíng muruudá' una xú' deelór laarihe oo wayduú huúw diroge. Ala hám daxta kwaa luú/ dír ilaawoge.

Yohana 10:28

Aníng u slafíngw alhhe'eesay wásl i haniís, nee inós i baloó qwaariiká. Slám heé gu gawaá dakw'eé' wa hayóh i kaahh.

Yohana 21:17

Yesu iri malé oó' sagaáwa tame, «Símon, garmoó Yohane, án kuúng i slá'a?» Petro iri gurhaamuút asma adoodá' kuwa yaahaás sagaáwa tame, nguwa báy, «Án kuúng i slá'a?» Petro iri oó', «Aáko, kuúng mura' sleémeero u xú', nee kuúng aga tsáhh adór án kuúng ur slaá'.» Yesu iri oó', «Bee/angw'eé' /aymiiseek.

Tlehhema'aá ya/Abuuse 3:26

Qoomár Mungú sagadiyusmoowós kwí nguwa hhe'eés waasle/atisaro, nguri amorhúngí geerií ya/aáw, as umuúqo heewo tlakweema ngiwa may as tsuuqaawós.»

Rumi 12:9

Sla'aarirhúng masók i hhaahhafíngw koondaaká. Tidá' tlaakw aahhaak, nee tidá' hhoo' eeharaak.

Rumi 16:19

Umuúqo heewo kangwhúng gwa axaás adór kuungá' tar múk iialoén dír Ya/abtór hhoe. Gawaá adoorihe aníng a qwalalaá/ as kuungá'. Ala aníng gár ni slaa' a kuungá' masók an múk sageloén baraá muruú hhoe, nee an daktana baraá muruudá' tlakwe.

1 Korinto 1:2

amorhúng i alé, kuungaásingá' kríshaanáy, awa baraá yaamaá Korintór i diriia'. Kuungá' a múk Mungú gwa haratlintii'. Kuungá' tunduna hhoohhooeés ar baraá Kristo Yesu, tunduri ateét, as tawa múk hhohhó' oo Mungú, dinkwa nee mukdá' sleémeero oo Aakoorén Yesu Kristo gu ateetiím umuúqo diiro. Inós a Aakooín, nee slám a Aakoorén.

Efeso 1:3

Mungú i xirfuuti, Baabuú Aakoorén Yesu Kristo. Inós atén tina tsuúq ar baraá Kristo ar tsuuqa sleémeero awa Qeeru, awa gawaá doori.

Efeso 3:20

Mungú i xirfuuti, kudá' muruú waa/oo/amór yaariir gu tlehhiít ar /uuruudá' baraarén wa gadiyuús, ta kudá' sleémeero oo atén ta firiirimaana laqaá ta inslaslaawaana.

Efeso 4:30

Qeeruú hhoohhoó' oo Mungú mu gurhaamír ar awaara'. Asma Qeeruuwós an duguno direne oo atén tir tsaahhi adór tar mukós, bál deeloodá' inós atén tiwa gweeri.

2 Timoteo 4:18

Aako aníng i ba/amis baraá umuúqo gár tlaakwe, nee iri amohhe'eemiis ay dír ni hardah baraá waawuti'iimarós ar gawaá doori. Inós i xirfuuti ay alhhe'eesay wasle. Amin.

Geehhoeemaá 3:19

Mukdá' sleémeero aníng ni slaa' un iigahhamiít nee un muúx. Gawaá adoorihe kuúng ilakaaharu tleehheek, hhu'u'uúm.

1 SAMUELI 1:17

Aluuwo Eli gari báy, «Tláw ar wayda, nee Munguú Israeli i qáy tidá' ta sla'a, adoodá' kura firiiriín.»

1 SAMUELI 1:20

Afiqooma iwa xeér, Hana iri tsít, na/oó garma guri xwayluúr, umuuwós guri beér Samueli, iri ó', «Asma kwí an kudá' naa firiím dír AAKOÓ MUNGÚ.»

1 SAMUELI 1:26

Hana Eli guri beér, «Aá aakooeé', adoodá' kuúng tar slafa, aníng an /ameenidá' naa dirók i tseewuur qoomár niwa sihhmiit, AAKOÓ MUNGÚ nguri firiím.

1 SAMUELI 1:27

Una firiím as na/aywí nguwa aníngí haniisi. AAKOÓ MUNGÚ firor'eé' gana axaás, nguri haniís.