1 QOM'I 27:1 - Biblía Axweesantá Hhohho' ar Mungú 2004

¹ Gaarí an faarór múk Israeli, kuduú geeraharuusér tlahhi'i, nee geeraharuusér slaqwaruusér kume nee ar tsiire, nee geeraharuuseedá' waawutmo Daudi gwaa sagadiyus, daanduú bohhuudá' ti baalaqamiimá' niwa hardarahiya', niwa tlatlaya' umuú slahhaango, boohhár wák a kume mibeeri tsár nee tsiyáhh:

1 QOM'I 27:1 Iomraidhean Croise

2 SAMUELI 23:8

Umerí sleémeero ar mukduú miguuse oo bartá Daudi. Yosheb-bashebeti oo múk Takmoni, geeraharusmoó «Kudaá tám.» Inós ina slaáqw ar lawaalarós, múk tsiire dakaát guna siwár wákií tsuú/.

1 WAAWITÁ 4:27

Geeraharuuseedá' mibaá nee tsár an múk muruú /aymár huwahuúw dír waawutmo nee dír mukdá' dír doó waawutmoó wa /ayayiím, umuú heewo baraá slahhaangose gár aa /aaruur i káhh.

1 WAAWITÁ 4:7

Solomon múk urén oo geeraharuuse ngu kon a mibaá nee tsár baraá Israeliro. Mukwí a muruú /aymár waawutmo ngun huwahuwiyá' nee oo múk do'ose, umuú heewo har qoomár slahhángw wake muruú /ayma gun huwahuuw baraá kurko.

1 WAAWITÁ 5:14

Múk kume mibaangw guna ya/aáw Lebanoni. Mukwí slahhaangw guri Lebanonír wa faák niri watliyé', ayko slahheeraá tsár ngin iwiwitiyá'. Adoniramu an heé gadiyeérí gawit gaa sagesihhiit.

1 QOM'I 11:10

Kuká' an geeraharuusér miguusér Daudi, kudá' ngwaa alee/isiye' baraá waawuti'iimarose, dinkwa nee múk Israeli sleémeero kudá' inós gwaa waawutmoó wa qaas ar adoodá' AAKOÓ MUNGÚ ngira oó' daanduú múk Israeliwo.

1 QOM'I 13:1

Daudi tari axweés nee geeraharuusér slaqwara tidár daqoroó kume, nee oo tsiire, nee umuúqo geeraharusmoowo.

1 QOM'I 26:32

Waawutmo Daudi Yeriya nee hhaeewós awa kume tsár tsiire faanqw, kudá' aleesleemuú koomá', giri qaás, inooín a geeraharuusér tlahhi'i, as muruú Mungú wa hariím nee waawutmo, nguwa sagesihhimitiya' dír múk tlahhoó Reubeni nee oo Gadi nee tlaqtá tlahhoó Manase.

1 QOM'I 27:2

Geeraharusmoó baalaqaasír geera ar slahhángw geera a Yashobeamu garmoó Sabdieli, mukós a kume mibeeri tsár nee tsiyáhh.

1 QOM'I 28:1

Waawutmo Daudi geeraharuuse sleémeero ar múk Israeli gana burumbuúr baraá Yerusalemu, nee múk urén oo tlahhi'i, nee geeraharuusér mukdá' waawutmoó sagadiyuús, nee geeraharuusér slaqwaruusér kume nee ar tsiire, nee mukdá' sleémeero taa daqaari'iimár i saayín nee hikwaá waawutmo nee daaqaywose, nee geeraharuusér do'oduú waawuti'iimaro, nee miguuse sleémeero dinkwa nee slaqwaruuseedá' iiatlere.

1 QOM'I 29:6

Naagáy, múk urén oo maraá baabi'i, nee geeraharuusér tlahhi'i, nee geeraharuusér slaqwaruusér kume nee ar tsiire, nee kudaá geeraharuusér sagadiyuusér doó waawutmoó sagesihhmiitá', muruuín ngway haniisiyé' ar sla'aari.

2 QOM'I 1:2

Waawutmo Solomon múk Israeli sleémeero guri ateét dinkwa nee geeraharuusér slaqwaruusér kume nee ar tsiire, nee geeraharuusér Israeli sleeme nee har'ohuusero nee múk urén oo tlahhi'i.

TI'INAANGW 18:25

Mose múk aleesleemú koóm baraá tla/ángw xoorór Israeliro guri tsawaár giri geeraharuusér wa qaás, barakarka a geeraharuusér múk kumuú wák gu geeraharahaar, tooka geeraharuusér múk tsiiru gu geeraharahaar, tooka geeraharuusér múk mibeeraá kooán gu geeraharahaar, tiqá' a geeraharuusér múk mibaangw.

MIKA 5:2

«Ala kiíng, gixsár Betilehemu, ar baraá Efrata, tam ti niinawe baráa tla/ángw gixsadaá yaariir awa tlahhoó Yudawo, ala baraawoge geeraharusmoó wák ngu sláw oo múk Israeli gu sawaawuti'iím. Iimu/úngw tlahhaywós oo iimír aáng, inós oo iimír qaro.»

DABE 1:15

Gawaá adoorihe aníng geeraharuuse tidá' sageeloen nee fuqureeraá koom, nee mukdá' xu'utír koóm nguri qaás, kudá' kuungá' naa tsawdé' baraá tla/ángw tlahhi'iihunge, nguri qaás geeraharuuserhúng wa ale. Bahh'ale ngiri qaás as tawa geeraharuusér daqooró kume, nee múk tsiire, nee múk mibeeraá kooán, nee ar múk mibaangw. Muu bahh'ale una qaás as tawa geeraharuusér umuú tlahhaay.

YOSHUA 23:1

Alaá qoomár tleere AAKOÓ MUNGÚ xoorór Israeli gari waydií haniís, slaqwarár nee wakuuser'ín iri fák badu sleémeero, qoomaarihe Yoshua a aakoó kureeraá yaariir gaa /aay.

1 SAMUELI 8:12

Inós bartaka gari qaas daanduuwós wa ale tawa geeraharuusér slaqwaruusér múk kume, nee tawa geeraharuusér slaqwaruusér múk mibeeri kooán, nee barakarka gan qaas qaymoorós ngiwa doosliya', nee balaangós nguwa bu'una' nee xoslaá slaqwara ngiwa tlehhiitiya', nee xooslaá gaarduuwose.