1 QOM'I 24:3 - Biblía Axweesantá Hhohho' ar Mungú 2004

³ Daudi xwaylár Aroni gana qoomeés baraá daqooráy ar adoodár gadiyér'ín kas hariím. Daudi kuna alee/iís nee Sadoki garmoó Eleasari nee Ahimeleki garmoó Itamari.

1 QOM'I 24:3 Iomraidhean Croise

2 SAMUELI 20:25

Shausha a geeraharusmoó lohdaá gadiyeé gi qoomeemeés. Sadoki nee Abiatari a kaahamuusér Mungú.

2 SAMUELI 8:17

Sadoki garmoó Ahitubu, nee Ahimeleki garmoó Abiatari, inooín a kaahamuuse. Seraya a sagesihhtusmoó gadiyeé.

1 WAAWITÁ 2:35

Aluuwo waawutmo Solomon Benaya garmoó Yehoyada guri qaás tawa geeraharusmoó slaqwaruuseerós kitángw Yoabu wa alé. Sadoki guri qaás tawa kaahamusmo kitángw Abiatari wa ale.

1 QOM'I 15:11

Slám Daudi Sadoki nee Abiatari gina ateét dinkwa nee múk tlahhoó Laáwi, ín Urieli, nee Asaya, nee Yoeli, nee Shemaya, nee Elieli nee Aminadabu.

1 QOM'I 16:39

Waawutmo Daudi kaahamusmo Sadoki nee hhaeewós kudaá kaahamuuse gina máy tawa gadiyuusi geeraá heémár AAKOÓ MUNGÚ wa ale, tidár didá' gáwtí dirii' baraá Gibeoniro, didár ilahhooa,

1 QOM'I 18:16

Sadoki garmoó Ahitubu, nee Ahimeleki garmoó Abiatari a kaahamuusér Mungú, nee Shausha a goousmo.

1 QOM'I 24:31

Kuká' sleeme kina tsawdoórí tleéhh ar adoodá' tsawdór hhaeeín awa daaqoó Aroni kara tleéhh, dír geeraá waawutmo Daudi wa ale nee Sadoki, nee Ahimeleki nee dír geeraharuusér tlahh'aá kaahamuusér Mungú, nee ar tlahhoó Laáwi.

1 QOM'I 24:4

As geeraharuusér yaariir ar hhawaate kawa sláy baraá xwaylár Eleasariwo, xwaylár Eleasari ka ló'wa ur, kana qasiís baraá geeraharuuse mibaá nee lahhoó', nee xwaylár Itamari kana qasiís baraá geeraharuuse dakaát.

1 QOM'I 24:6

Goousmo Shemaya garmoó Netaneli oo tlahhoó Laáwi inooín gina dír geeraá waawutmo Daudi wa gooín, nee dír geeraá geeraharuuseerose, nee awa kaahamusmo Sadoki nee awa Ahimeleki garmoó Abiatari, nee geeraharuusér maraá kaahamuuse nee tlahhoó múk Laáwi. Doó Eleasari tsawdór geera guna sleér, nee doó Itamari tsawdór tsár guna sleér.

2 QOM'I 8:14

Inós adoodá' baabuúwós Daudi heé Mungú ngira hara'ayín gana eehár, baalaqaasír kaahamuusér Mungú ar umuú deelo gana qaás, nee ar mukduú tlahhoó Laáwi, kuduú kaahamuusér Mungú alee/iimiís as iwa xirfayemisiyá' nee gadiyér'ín ngiwa tleehhiya'. Xuumuuse sleeme gari qaás baraá bohhu umuúqo afkú do'o nguwa xuna'.

1 SAMUELI 21:1

Daudi iri hardáh dír Ahimeleki kahaamusmoó Mungú oo baraá yaamaá Nobu. Ahimeleki Daudi guri al'áy ar daaraxaay guri yaahaás, guri báy, «Kuúng misinda kilók hardát?»