1 QOM'I 24:2 - Biblía Axweesantá Hhohho' ar Mungú 2004

² Ala Nadabu nee Abihu nina qatliyé' geeraá baabuúín iwa gwaaiiká, nee na/aá naa geexayé' i kahhiyá', gawaá adoorihe Eleasari nee Itamari kay kaahamuusér Mungú wa qaás.

1 QOM'I 24:2 Iomraidhean Croise

TI'INAANGW 24:1

Aluuwo AAKOÓ MUNGÚ Mose guri báy, «Kuúng nee Aroni nee Nadabu, nee Abihuwo, nee bariiseedá' mibeeri faanqw ar Israeliro, qwalaasaré', tsa/amare' amor'eé' anuú AAKOÓ MUNGÚ, aníng sluufmisuú awaaré', ala mi i tseewuwara'.

TI'INAANGW 24:9

Kár Mose nee Aroni nee Nadabu, nee Abihuwo nee bariiseedá' mibeeraá faanqw ar Israeli tari tsa/án gawaá tlooma.

TI'INAANGW 29:9

Him'eedár afeetler'ín an tsék, nee kofiyaduín kiri dahás. Asma adoorí an adór Aroni nee daaqaywós kir hhohhoes tawa kaahamuuser'eé' daqisleém.

TI'INAANGW 6:23

Aroni Elisheba gari duúx, dasír Aminadabu, hho'ór Nashoni. Inós Nadabu guri xwayluúr, nee Abihu, nee Eleasari, nee Itamari.

TLAHHOÓ LAÁWI 10:12

Mose Aroni nee daaqaywós kudaá meet, Eleasari nee Itamari, giri báy, «Ilahhooadá' aa met ar balaangw dír tidá' ta hanmaamisa' dír AAKOÓ MUNGÚ tawa ilahhooár da/a, taatahhaak ka /agá' bihhaá kitángw ilahhooár wa ale, mu gár sluuftimisií qaasara', asma ka ló'wa hhoohhoo'.

TLAHHOÓ LAÁWI 10:2

AAKOÓ MUNGÚ asla gari kwaáhh amór daaqaydá', guri qororo'ós dír geeraawós i ale.

FAARO 18:7

Ala kuúng kilók nee daaqaywók gadiyér kaahamuusi'iima sleémeero an tlehhá' ar ilakaahara, ar dír kitángw ilahhooa nee muruudá' sleémeero oo didá' ak hhoohhoo' ar alaá inqwaaridá' do' gwaa qasis. Gaarí an gadiyérhúng, asma kaahamuusi'iima ngina qeemu wa haniís. Heé hatlá' barnaxes aa tseewúy ku gaasi.»

FAARO 26:61

Ala Nadabu nee Abihu tana qaátl qoomár asltá hhoohhooeeká kawa daá/ dír AAKOÓ MUNGÚ.

FAARO 3:2

Umér daaqoó Aroni a tí: Nadabu a garmaawós oo baris, nee Abihu, nee Eleasari nee Itamari.

FAARO 3:4

Ala Nadabu nee Abihu nina qatliyé' dír geeraá AAKOÓ MUNGÚ, qoomár AAKOÓ MUNGÚ nguwa baraá xaanxoó Sináír wa ilahhooár mooyángw tsuú i da/iyé' ar asltá hhoohhooeeká. Inooín na/aá naa laqwaaliyé' i kahhiyá', gawaá adoorihe Eleasari nee Itamari gadiyér kaahamusi'iimár Mungú ngina tleehhiyé' iimír qoomár Aroni baabuúín iwa slafi.