1 QOM'I 23:5 - Biblía Axweesantá Hhohho' ar Mungú 2004

⁵ nee múk kume tsiyáhh a xuumuusér afér gixsa, múk hatlá' oo kume tsiyáhh guna qaás AAKOÓ MUNGÚ nguwa xirfayeemisiya' ar xooslaá daa'aangw kudá' waawutmo aa haniís as gadiyeérí.

1 QOM'I 23:5 Iomraidhean Croise

1 WAAWITÁ 10:12

Waawutmo uheemaá doó Mungú giri tleéhh ar xaaiidá', nee uheemaá do'ós, nee gidaandoori, nee seése ar daauuse. Iimír baldá' ay laarí xaa'aá ta bay sandaáli awa adór kudá' naa baloó ki/ii'iiká.

2 WAAWITÁ 7:10

Gawaá adoorihe, nari dír xafayduú múk Aramu wa tlayé', nee mukdá' afér gixsár xuúm kuri ateét, kuri báy, «Atén ana amór xafoó múk Aramu kawaán, nee heé ta araán laqaá oo ta axasaán wa/amedae i kaahh. Faras nee daqwaayero i tseegamorí kahhiyá', nee heemaduuín kaa adoodár kilá' i geexáy.»

1 QOM'I 16:38

Sleeme Obed-edomu garmoó Yedutuni dinkwa nee hhaeewós awa mibeeri lahhoó' nee dakaát mukdá' nguna ale/iimisiyé'. Qoomaarihe sleeme Obed-edomu garmoó Yedutuni nee Hosa a hara xuumuusér afkú do'.

1 QOM'I 16:4

Daudi múk tlahhoó Laáwi guna ádbáy niwa gadiyuusiya' geeraá sandakmoó AAKOÓ MUNGÚ wa ale, nee as kuwa firiirin nee kuwa sluufmiisi, nee kuwa xirfayemisi AAKOÓ MUNGÚ, Munguú Israeli.

1 QOM'I 23:30

nee umuú deelooro matlaatle nee tsiindoowo tan sihhmiít dír geeraá AAKOÓ MUNGÚ as nguwa sluufmisiya' nee nguwa xirfayeemisiya'.

1 QOM'I 9:33

Slamí kudá' uren baraá tlahhoó Laáwiwo a daauuse, nina hootiyé' baraá kutuwoó doó Mungú wa ale, inooín gadiyér hatlá' ngi kon'aaká, ala inooín tin baalaqaminá' tlatla/aangw nee xweeraawo.

2 QOM'I 20:28

Tawa hardáh Yerusalemu tana huuwísh baraá Doó AAKOÓ MUNGÚ, tay daá' ar mariímba nee ar gidaandori nee ar tarumbeetadu.

2 QOM'I 34:13

Múk tlahhoó Laáwi múk huwaá loohís nguna sagesihhmiitiyé', nee kudá' gadiyedaá dimbadiimbé ngi tlehhiitá' nguna geeraharahariyé', bahh'ale a goouuse, nee kookaariya' a xuumuusér afér gixsa.

2 QOM'I 35:15

Daauusér tlahhoó Asafu tina amoohhe'eesiyé' adoodá' aáng waawutmo Daudi ngira oó', nee Asafuwo, nee Hemani nee Yedutuni kuduú iigu'utusmoó waawutmo. Xuumuuse tidár afkú Doó Mungú dir'ín tidár xuumar'ín ngaa geexay'iiká, asma hhaeeín awa tlahhoó Laáwi i deeloodár Pasaákuú amoohhe'eemisiyá'.

2 QOM'I 8:14

Inós adoodá' baabuúwós Daudi heé Mungú ngira hara'ayín gana eehár, baalaqaasír kaahamuusér Mungú ar umuú deelo gana qaás, nee ar mukduú tlahhoó Laáwi, kuduú kaahamuusér Mungú alee/iimiís as iwa xirfayemisiyá' nee gadiyér'ín ngiwa tleehhiya'. Xuumuuse sleeme gari qaás baraá bohhu umuúqo afkú do'o nguwa xuna'.

ESRA 7:7

Qoomár kurkú faanqw oo waawuti'iimár waawutmo Artashastawo Esra nee múk Israeli bahh'ale, nee kaahamuusér Mungú bahh'alé, nee múk Laáwi nee daauuse nee xuumuusér doó Mungú, nee sagadiyuusér Doó Mungú tana tláy ay Yerusalemu.

NEHEMIA 7:73

Gawaá adoorihe, kaahamuusér Mungú nee múk tlahhoó Laáwi, nee xuumuusér Doó Munguhe, nee daauuseero nee muu bahh'alé, nee sagadiyuusér Doó Mungú nee múk Israeli sleémeero, tay hoót baraá gixsaduín wa ale. Tam qoomár slahhángw faanqw iwa xáy múk Israeli taqo baraá gixsaduuín i dirii'.

WARA'AMI 87:7

Daauuse nee ni/imuuse sleémeero ta ooi, «Muruurén oo hhó' sleémeero amór i dahhi a Siyoni.»

ISAYA 64:10

Gixsaduuwók kudá' hhohho' naa darma tleehhitiyé' Siyoni aa darma tleehhít, Yerusalemu aa deewá'.

AMOS 6:5

Kuungaásingá daa'ángw gaa wásl daa'á' ar mariímba, ahaá waawutmo Daudi muhar aleealusá' ar xoslaá daa'aangw.