1 QOM'I 22:9 - Biblía Axweesantá Hhohho' ar Mungú 2004

⁹ Ga/aaweek, na/oó garma ku xwaylúy do'oge, inós tari heé wayda. Inós un waydií haniís dír wakuuseerose umuúqo barto, asma umuuwós ku bay, Solomon. Aníng wayda nee amohhooaro ngiri haniís dír múk Israeli qoomár waawuti'iimarose.

1 QOM'I 22:9 Iomraidhean Croise

1 WAAWITÁ 1:13

Tláw, dáh adaá ale, amór waawutmo Daudi ku beer, ‹Kuúng aakooeé' waawutámo, lo'o aga /agkáhe dír aniírír sagadiyuso'oorók tawa kat, Solomon garmaawók in waawuti'ín aluueé' wa alé, nee in iwiit gawaá kitangw'eé' oo waawuti'iima? Ahaá waáy, daxta mas Adonia ina waawuti'ín?›

1 WAAWITÁ 2:15

Gari báy, «A xú' geera adór waawuti'iima tar te'eé', tam múk Israeli sleémeero sleeme iri haraxuú'. Ala kaangwí aa warqáy, hhiyaaeé' waawuti'iima gay sláy, asma an tós iimír amór AAKOÓ MUNGÚ wa ale.

1 WAAWITÁ 3:7

Xáy AAKOÓ MUNGÚ, Munguúeé', anuú sagadiyusmoowók tam na/oó niinawe iga waawutmoó wa qás kitángw baabuúeé' Daudi wa ale, kaangwí amór nguwa oh a xuaaká.

1 WAAWITÁ 4:20

Xoorór Yuda nee ar Israeli ki ló'wa yaariir adór hhasángw afaá tlawi, nina /ayné' nay wahané', niri qwalaala/iyé'.

1 WAAWITÁ 4:24

Asma inós ina waawuti'ín daanduú yaamu sleémeero, iimír bihhaá /uwa awa yaaér Eufrate, nee Tifsa wa tleemu ay Gasa, waawitá sleémeero kuduú bihhaá /uwa yaaér Eufrateero guna sawaawuti'ín. Inós nee xoordu sleémeero kudaá inslawaay tana hoót ar wayda.

1 WAAWITÁ 4:25

Xoorór Yuda nee ar Israeli tari hoót ar saxareemo umuú heewo dír sabiíbuuwós nee dír /aantsírós, iimír Danír wa oohang ay Be'er-sheba, deelo sleémeero ar Solomon tawa waawutmo.

1 WAAWITÁ 5:4

Ala laarí AAKOÓ MUNGÚ, Munguúeé' iga waydií haniís, umuúqo bihhiiwo wakusmo i kaahh, laqaá gár tlaakw ar aa tleehharut.

1 WAAWITÁ 8:56

«AAKOÓ MUNGÚ i xirfuuti, kudá' mukós oo Israeli gwaa amoohhooár i haniis, adór al'axweesantós sleémeero i diri'. Al'axweesantós tidá' hho' aa oó' ar loohír sagadiyusmoowós Mose gaa boo/eés.

1 QOM'I 17:11

Tam qoomár kuúng bara ureér tari gwá' adór baabi'iiwók wa alé, aníng garmaawók u waawutmoó wa qaás, nee aníng waawuti'iimarók a gawdeés.

1 QOM'I 22:18

Daudi iri oó', «Ahaá AAKOÓ MUNGÚ, Munguúhúng, i dinkwa nee kuungáeéke? Ahaá kuungá' naa waydií haniisikáhe bihhe sleémeero? Inós yaamuloouusér yaamuuká' ngina qaás baraá dabaeé', daxta taa hanisiyé' dír AAKOÓ MUNGÚ nee mukós.

2 QOM'I 6:15

Kuúng an kudá' al'axweesantók aga ot, tidá' taa ó' dír sagadiyusmoowók, baabuúeé' Daudi, hamí laarí tidá' sleémeero aa bó/.

YOBU 34:29

Mungú bira xasliít heé gu áw a heemá? Bar gitsee/aawós ngaa luú/ heé gi kiís a heemá?

WARA'AMI 72:1

Mungú, waawutmo intsaahhatiseek sakwasleemár ganaa'a, nee waawutmo gan'amuuwók tii hanis.

WARA'AMI 72:7

Baraá hotaawose gan'amu ngu eeharahari deelo sleémeero, amohhooa nee wayda ngir hooti kureerisleém.

ISAYA 26:12

Aá AAKOÓ MUNGÚ, kuúng wayda nguna aténí hanís, kuúng gadiyeérén sleémeero ana tléhh as atén.

ISAYA 45:7

Aníng gwa/aateema nee giwtiro ina tleéhh; Aníng qwala/ nee gurhaami ina tleéhh. Aníng an AAKOÓ MUNGÚ oo muruuwí sleémeero gwaa tleehh.

ISAYA 57:19

AAKOÓ MUNGÚ i kaahi, «Wayda, wayda dír kudá' sawen nee awa tsewene. Aníng inooín i hungu/uús.

ISAYA 66:12

Asma AAKOÓ MUNGÚ i kaahi, «Ga/aawaak, gixsár Siyoni a diihhooárí huúw adór yaaér ma'aay, nee daqaari'iimár xoordu adór duxuú ma'aay oo wa/amiím. Kuungá' tari du'uundá' tunduri bihhér ar loohiis, nee tunduri gawaá geeraawós wá uluu'ulín.

HAGAI 2:9

Xirfuú alhhe'eesáy oo do'owí ku ak úr ta xirfuduú geeraawo, nee diirihe kuungá' nu diihhooárií haniís nee wayda, anuú AAKOÓ MUNGÚ Aleesleemusmo tí ngina oó'.»

HAR'OHUUSE 6:24

Naagáy Gideoni kitangwduú ilahhooár AAKOÓ MUNGÚ guri didií tleéhh, didá' gari umií tsaát iwa kaahi, «AAKOÓ MUNGÚ a wayda.» Tam ay laarí kitangwduú ilahhooa i daadeer didár Ofraro, tidár tlahhoó Abieseri.